इजीकीएल 16:6 - Sunuwar Bible

⁶ मिनु गो इ नेक्‍था रे पा लङानु, इ कली हुश लुम्‍‍सीशा बाक्‍शो ताइतन। मिनु गे मोपा लुम्‍सीशा बाक्‍ङेनु, गो इ कली रू ङा बोट खोदेंशो पा कोल्‍शा, ब्रोंइशा, बाक्‍को’ देंती।

इजीकीएल 16:6 ပူးပေါင်းရင်းမြစ်များ

यसैया 14:19

तन्‍न गे सोव़शो राशी खोदेंशो पा इ तुरस रे ङोन ताइक्‍चा पुंइसाक्‍वे। तरवारम तूशा साइश्‍शो मुर बाक्‍तीके लशो मुरपुकी इ सुम्‍तीके दुम्‍तेक्‍म। गे बेक्‍शा दिम्‍शो खोदेंशो दुम्‍ते। यसैया ३४:३

यसैया 51:23

मिनु इ कली श्‍येत गेब आ गुइमी मेको कचौरा गेनुङ। ङोंइती मेकोपुकीमी इ कली लांम बाप्पो। ‘इ तारी गाक्नीक’ देंतेक्‍म। मिनु गे इ ची गाक्‍तीक लां खोदेंशो सेल्‍तीवी” देंत। भजन संग्रह १२९:३

इजीकीएल 16:22

मिनु इ मूर्ति पूजा नु इ तेल्‍लेम पशो नेल्‍लेम ठिटी दुम्‍शो ङा नाक्‍त ममिम्‍ती। मेना गे वा मफेक्‍सीशो शिश्रा नु हुश लुम्‍सीशो बाक्‍ते।

इजीकीएल 16:5

सुइम मेको नेल्‍ल पचा कली इ कली शिशी मकोंइदेम। तन्‍न गे जरमेसेनु, इ कली रूम ताइक्‍ताक्‍म। मारदे हना इ कली ग्रांग्रा दित्‍ताक्‍म।

इजीकीएल 16:7

मिनु गे कोल्‍शा ठेयब दुम्‍ते। मिनु इ कुचु कोल्‍शा इ चां लाइश्‍शो दुम्‍त। तन्‍न गे वा मफेक्‍शो शिश्रा बाक्‍ते।

मीका 7:10

मेना आं जोरी सत्रुम मेको ताइनीम। मिनु मुने दोक्‍नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्‍‍म?’ देंशो बाक्‍तेक्‍म। गो मेको आन खतम दुम्‍शो ताइनुङ। मुल यो मेकोपुकी लां ङा हिलो खोदेंशो पा दिम्‍चा पुंइसीशो बाक्‍नीम। भजन संग्रह ७९:१०

मत्ती 5:13

गे रागी ङा हिक्‍सी ननी। हिक्‍सी आ ङाम्‍चा जाम्‍त हना, मारेइ काम मलाप्‍ब। लांमी ताइश्‍शा मुर गाक्‍मानु, दिम्‍शा ख्राक्‍चा पुंइसीब। मर्कूस ९:५०; लूका १४:३४-३५

यूहन्‍ना 5:25

नोफा दाइश्‍शा नेनीन, बेक्‍शो मुरपुकीमी मुल परमप्रभु यावे आ तौ आ सेंदा नेंनीम। सुमी नेंबा, मेको गेना हना यो ब्रोंइशा बाक्‍चा ताइब। एफिसी २:५-६

प्रेरित 7:34

इजीप्‍त रागीम बाक्‍ब आं मुरपुकीमी शुश श्‍येत जाम्‍तेक्‍म, दे तुइक्‍ताक्‍ङ। आन श्‍येत ताता। मिनु आन ङाक्‍शो यो नेंता। मिनु आं मुर आन कली मोदेंशो श्‍येत रे प्रोंइपाइक्‍चा दुम्‍ती, दे इ कली इजीप्‍त सोइक्‍नन’ देंशो नेना बाक्‍त।

रोमी 9:15

परमप्रभु यावेमी मोसा कली “सु कली शिशी पचा दाक्‍ङा, मेको कली शिशी पाइ‍नुङ। सु कली आ श्‍येत रे प्रोंइचा दाक्‍ङा, मेको कली आ श्‍येत रे प्रोंइनुङ” देंशो बाक्‍त। प्रस्‍थान ३३:१९

ब्‍यवस्‍था 9:4

मिनु परमप्रभु यावे, इन परमप्रभुमी मेको आन कली इन ङोंइती रे खेरानु, गे इन थुंमी ‘परमप्रभु यावेमी आंइ ठीक पतीके एको रागीम चाक्‍तु’ दे ममिम्‍तीन। मेको रागी रागी ङा मुर आन मरिम्‍शो पतीके परमप्रभु यावेमी मेको आन कली इन ङोंइती रे खेरब। ब्‍यवस्‍था ८:१७; उत्‍पत्ती १५:१६

हिब्रू 10:29

मिनु परमप्रभु यावे आ तौ कली खोइलीम दिम्‍ब, शुश सजाइ गेशा साइक्‍चा पुंइसाक्‍म, दे तुइक्‍नय। ङोंइती आंम कली पाको सेल्‍शो नक कबल ङा हुश आ पर्बम शुक्‍शी पा “हुश नेल्‍ल कांइचीक बाक्‍ब, मार अर्को लोव़ बाक्‍बा ङा?” देंनीम। परमप्रभु यावे आ सोक्‍ती आ पर्बम यो शुक्‍शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५

प्रकाश 14:20

मिनु ख्राक्‍तीके सहर रे ङोन बाक्‍त। ख्राक्‍ग्‍मेनु, मेको कोल रे रस खोदेंशो पा हुश शांइ‍साक्‍व। मिनु मेको हुश १६ हजार स्‍तादीयोन ङोन दोक राप्‍शो शारा आ शोव़ सम्‍म लत। स्‍तादीयोन का १८५ मिटर बाक्‍ब। यसैया ६३:३