इजीकीएल 16:54 - Sunuwar Bible

⁵⁴ मोपा गे इ मरिम्‍शो पशो राइनेवे। मिनु इ पशो नेल्‍ल आन पर्बम गे मुने दोक्‍चा माल्‍नेवे। मिनु मेको आस कली थुं नाइक्‍तीके दुम्‍नेवे।

इजीकीएल 16:54 ပူးပေါင်းရင်းမြစ်များ

येरमीया 2:26

दोपा खुइ ग्‍याइक्‍चा पुंइसेनु, मुने दोक्‍बा, मोपा इस्राएल आ खिं ङा मुरपुकी मुने दोक्‍नीम। मेकोपुकी, आन पिपी, आन ठेयब मुरपुकी, आन चढ़ेबपुकी नु मेको आन जोल पा परमप्रभु यावे आ लोव़ पाइबपुकी मुने दोक्‍नीम।

इजीकीएल 16:52

गे इ मरिम्‍शो पशो रावो। मारदे हना गे इ लोक्‍ब आस कली इ क्‍येङा आइक्‍च सजाइ ताइब सेल्‍तीवी। मारदे हना गे मेको आस पाप पशो क्‍येङा इ पशो मूर्ति पूजा शुश बाक्‍त। गे इ क्‍येङा मेको आस कली ठीक पाइब खोदेंशो सेल्‍तीवी। मोपतीके मुने पावो, इ मरिम्‍शो पशो राव। मारदे हना गे इ लोक्‍ब आस कली ठीक पाइब खोदेंशो सेल्‍शो बाक्‍ते।

इजीकीएल 16:53

मिनु गो सोदोम नु आ तमी आन कली रिम्‍शो दुम्‍तीक नाक्‍ती लेश्‍शा गेनुङमी। मिनु सामरीया नु आ तमी आन कली यो मोदेंशो पाइनुङ। मिनु इ रिम्‍शो दुम्‍तीके नाक्‍ती यो लेश्‍शा गेनन। ब्‍यवस्‍था ३०:३

इजीकीएल 16:55

इ लोक्‍ब सोदोम नु आ तमीपुकी ङोंइती ङा खोदेंशो पा रिम्‍शो दुम्‍नीम। मिनु सामरीया नु आ तमीपुकी यो ङोंइती ङा खोदेंशो पा रिम्‍शो दुम्‍नीम। मिनु गे नु इ तमीपुकी यो ङोंइती ङा खोदेंशो पा रिम्‍शो दुम्‍नीनी।

इजीकीएल 16:63

मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२

इजीकीएल 32:24

एलाम मेकेर बाक्‍ब। आ लडाइ पाइब नेल्‍ल आ तुरस आ एर ओंथ बाक्‍नीम। मेको नेल्‍ल तरवारम क्‍योरशा साइक्‍चा पुंइसीशो बाक्‍नीम। मेकोपुकी ख्रोइक्‍तीक चिनु मख्रोइक्‍थु, उइ बेक्‍शो मुर आन बाक्‍तीक लाम्‍तेक्‍म। मेकोम ब्रोंइशा बाक्‍ब आन रागीम मुर आन कली शुश हिंपाइश्‍शो बाक्‍‍तेक्‍म। मेकोपुकी बेक्‍शो मुर आन बाक्‍तीकेम लशो खोदेंशो पा मुने दोक्‍नीम। येरमीया ४९:३७

इजीकीएल 5:7

मोपतीके परमप्रभु यावेमी “गे इ एर ओंथ रागी रागी ङा मुर आन क्‍येङा मरिम्‍शो पाइब बाक्‍नेवे। गे आं फुल्‍लुम मुशा ब्रेक्‍शो लोव़ नु आं निसाफ पतीके लोव़ मेको आन क्‍येङा मटीब बाक्‍नेवे। तन्‍न इ एर ओंथ ङा मुर आ निसाफ पतीक लोव़ पाइनेवे।