इजीकीएल 16:5 - Sunuwar Bible

⁵ सुइम मेको नेल्‍ल पचा कली इ कली शिशी मकोंइदेम। तन्‍न गे जरमेसेनु, इ कली रूम ताइक्‍ताक्‍म। मारदे हना इ कली ग्रांग्रा दित्‍ताक्‍म।

इजीकीएल 16:5 ပူးပေါင်းရင်းမြစ်များ

उत्पत्ती 21:10

मिनु मेकोमी अब्राहाम कली “वाइलीम नु आ तौ आस कली खेरो। मेको वाइलीम आ तौ कली, आं तौ इसहाक नु अङस योक्‍शा गेचा मदुम्‍ब” देंमाक्‍त। गलाती ४:३०

प्रस्‍थान 1:22

मिनु पिप फाराओमी आ मुर आन कली “हिब्रूपुकीमी दोशो तौ थीमे, मेको नेल्‍ल नील खोलाम लाइश्‍शा ताइक्‍तीन। आन तमी आन कली चहिं ब्रोंइचा गेने” दे हुकुम पवा बाक्‍त।

यसैया 49:15

मिनु परमप्रभुम “सुइ मीश मुरुम आ दूध तूब आल कली प्रेंबा ङा? आंम आ आल कली शिशी मपाइबा ङा? मेकोम आ आल कली प्रेंने चाप्‍तु हना यो, गो इ कली मप्रेंनुङ। उत्‍पत्ती २१:१६; १राजा ३:२६; येरमीया ३१:२०

येरमीया 22:19

मेको कली गधा का थिम्‍शो खोदेंशो पा, कीशा लाइश्‍शा यरूसलेम ङा ठेयब लाप्‍चो आ ङोंइती ग्रुंइशा ताइक्‍नीम” देंत। येरमीया ३६:३०

बिलाप 2:11

गो ङाक्‍ना ङाक्‍न बाक्‍नुङ। आं थुं चोइब। आं थुं खाइक्‍ब। मारदे हना आं मुर खतम दुम्‍तेक्‍म। आल नु दूध तूब आलपुकी सहर ङा लांम शोव़लु बेक्‍नीम।

बिलाप 2:19

बोक्‍को। नाक्‍दो ङाक्‍शा पुनो। खाल पाइब आन गेय पची ना यो मो पावो। इ थुं ङा श्‍येत परमप्रभु आ ङोंइती ब्‍वाक्‍कु खोदेंशो पा लुक्‍तो। लांमी बाक्‍ब इ शोव़लु बेक्‍शो आल आन पर्बम इ गुइ परमप्रभु गे पोक्‍शा पुनो।

बिलाप 4:10

ब्रेम्‍शो थुं पाइश्‍शो मीश मुरपुकीमी आंम आन आल क्‍येम्‍तेक्‍म। मेको आन जचा थोव़क दुम्‍त। गो आ मुर आन कली खतम सेल्‍तीके मोदेंशो दुम्‍त। येरमीया २:२०

बिलाप 4:3

सिवारेम आन चाइक्‍ब आन कली दूध तुंइनीम। तन्‍न आं मुरपुकी काइ मरिम्‍शो दुम्‍तेक्‍म। मेकोपुकी गोरशो रागीम बाक्‍ब ठेयब चिक्‍ब खोदेंशो दुम्‍तेक्‍म। अय्‍युब ३०:१४-१६

इजीकीएल 16:6

मिनु गो इ नेक्‍था रे पा लङानु, इ कली हुश लुम्‍‍सीशा बाक्‍शो ताइतन। मिनु गे मोपा लुम्‍सीशा बाक्‍ङेनु, गो इ कली रू ङा बोट खोदेंशो पा कोल्‍शा, ब्रोंइशा, बाक्‍को’ देंती।

इजीकीएल 2:6

मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्‍तेक्‍म नु गे बिच्छी आन दातेम बाक्‍ते हना यो, महिनो। मेकोपुकीम मार देंतेक्‍म हना यो, मेको आन लोव़ क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम। येरमीया १:८

गन्‍ती 19:16

मिनु सुमी लांम तरवारम साइक्‍चा पुंइसीशो मुर बाक्‍त हना यो, आंमा बेक्‍शो मुर बाक्‍त हना यो, मुर आ रुश बाक्‍त हना यो, मेको थीब मुर ७ नाक्‍त सम्‍म ग्रांग्रा दिशो दुम्‍ब।

ब्‍यवस्‍था 32:10

मेकोमी याकूब कली सुइ मबाक्‍शो रागीम थुल्‍तु। गोरशो रागीमी कोव़शा थुल्‍तु। मिनु मेकोमी मेको कली आ एर ओंथ नेल्‍ल रे कोव़तु। मिनु मेको कली आ मिक्‍च कली खोदेंशो पा होस पा कोव़तु। भजन संग्रह १७:८; इजीकीएल १६:१०-१४; जकरिया २:१२