इजीकीएल 16:41 - Sunuwar Bible

⁴¹ मेकोपुकीम इ खिंम मी सुइक्‍नीम। मिनु शुश मीश मुर आन ङोंइती इ कली सजाइ गेनीम। गो इ तेल्‍लेम पतीक तेक्‍नुङ। मिनु इ मुर आन कली गाल्‍च गेतीक तेक्‍नुङ। २राजा २५:९

इजीकीएल 16:41 ပူးပေါင်းရင်းမြစ်များ

२ राजा 25:9

मिनु मेकोमी परमप्रभु यावे आ खिं, पिप आ दरवार, यरूसलेम सहर ङा खिं नेल्‍ल नु ठेयब खिं नेल्‍ल मी सुइक्‍ता बाक्‍त।

अय्‍युब 34:26

परमप्रभु यावे आ अरेशो मटिशो आ पर्बम मेको कली खतम पोक्‍ब। मिनु मेको मुर नेल्‍लेम ताइनीम।

यसैया 2:18

मेना मूर्ति नेल्‍ल जाम्‍नीम।

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

येरमीया 39:8

कल्‍दीपुकीम पिप आ दरवार नु मुर आन खिंम मी सुइक्‍ताक्‍मे। मिनु यरूसलेम ङा गारो प्रेत्‍तेक्‍म।

येरमीया 52:13

मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।

इजीकीएल 11:9

गो इन कली सहर रे ग्रुंइनन्‍नी। मिनु अर्को रागी ङा मुर आन गुइम गेनन्‍नी। मिनु इन कली निसाफ पाइक्‍नुङ।

इजीकीएल 16:33

मुरपुकीम तेल्‍लेम नेल्‍ल आन कली गाल्‍च गेनीम। तन्‍न गे चहिं दूली पा इ कली दाक्‍ब आन कली कका गाल्‍च गेप्‍तीवी। गे मेको आन कली एर ओंथ नेल्‍ल रे चाक्‍शा, गे नु इप्‍पाइक्‍चा कली घूस गेप्‍तीवी।

इजीकीएल 23:10

मिनु मेकोपुकीमी मेको कली शिश्रा सेल्‍तेक्‍म। मिनु मेको आ तमी तौ आन कली ग्‍याइक्‍ताक्‍म। मिनु मेको कली तरवारम साइक्‍तेक्‍म। मेकोम सजाइ ताप्‍तु। मेको मीश मुर आन दातेम शुक्‍शी पाइक्‍चा पुंइसीब दुम्‍त।

इजीकीएल 23:27

मोपा गो इ इजीप्‍त रागीम गोशो तेल्‍लेम पतीक थुम्‍‍पाइक्‍नुङ। गे मेको आन कली ममाल्‍थु, इजीप्‍त रागी कली ममिम्‍‍नेवे” दे परमप्रभु यावेमी देंत।

इजीकीएल 23:48

मोपा गो रागीम मेको ग्रांग्रा दिशो गेय थुम्‍पाइक्‍नुङ। एको इ खोदेंशो मपामेक्‍ल। मीश मुर नेल्‍ल आन कली हिंच कोंइतीक दुम्‍ब।

इजीकीएल 37:23

मिनु मेकोपुकीम लेंशा गेनायो आन मूर्ति नु अरु ग्रांग्रा दिशो थोव़क नु हेंथे मपाइनीम। मारदे हना गो मेको आन कली नेल्‍ल आन हेंथे पतीक रे प्रोंइ‍नुङमी। मिनु मेको आन कली आं मुर सेल्‍नुङमी। मिनु मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। इजीकीएल ११:२०

इजीकीएल 5:15

गो आं गाइक्‍तीक नु चुरतीकेम इ कली निसाफ पाइनुङ। मिनु गे शुक्‍शी पाइक्चा पुंइसीतीके, मुने दोक्‍तीके नु हिंच कोंइतीके नु शुश हिंचा ङा दुम्‍नेवे। गो परमप्रभु यावेमी, एको लोव़ देंती।

इजीकीएल 5:8

गो इ कली आंमा सजाइ गेनुङ। गो रागी रागी ङा मुर आन ङोंइती इ कली निसाफ पाइनुङ।

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

जकरिया 13:2

मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९

ब्‍यवस्‍था 13:11

मिनु इस्राएली नेल्‍ल मेको नेंशा, हिंचा माल्‍नीम। मिनु इन दातेमी मोदेंशो मरिम्‍शो गेनायो मपमेक्‍ल।

ब्‍यवस्‍था 13:16

मेकेर बाक्‍शो मारेइ मारेइ, मेको सहर आ दातेम खुप्‍चा माल्‍नीनी। मिनु मेको खुप्‍शो नु सहरम मी सुइक्‍तीन। मेको परमप्रभु यावे, इन परमप्रभु कली चोशा चढ़ेशो खोदेंशो दुम्‍ल। मेको सहर गेना हना यो फोहोर ताइक्‍तीके दुम्‍ल। मिनु मेको सहर कली लेंशा मसेलीन। ब्‍यवस्‍था २०:१६-१८

ब्‍यवस्‍था 22:21

मेको मीश मुर कली आ आफ आ खिं ङा लाप्‍चोम चाक्‍चा माल्‍नीम। मिनु मेको आ सहर ङा वोंइश मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मारदे हना मेकोमी आ आफ आ खिंम तेल्‍लेम पा इस्राएलम काइ मरिम्‍शो पाप्‍तु। मिनु मोपा गेपुकीमी इन दातेमी पशो मरिम्‍शो क्‍याम्‍चा माल्‍नीनी। उत्‍पत्ती ३४:७

ब्‍यवस्‍था 22:24

मेको निम्‍फा आस कली सहर ङा ठेयब लाप्‍चो रे ग्रुंइशा, फुल्‍लु आप्‍शा साइक्‍चा माल्‍नीम। मेको मीश आल वारच पन, दे मग्रीतीके नु मेको वोंइश मुर आ इस्राएली लोक्‍ब आ मीश आल नु बाक्‍तीके, निम्‍फा आस कली साइक्‍चा माल्‍नीम। मिनु मोपा गेपुकीमी इन दातेमी पशो मरिम्‍शो क्‍याम्‍चा माल्‍नीनी।

१ तिमोथी 5:20

सु मरिम्‍शो पना पन बाक्‍मे, मेको कली थमा सुइक्‍ब आन ङोंइती हुइक्‍तो। मिनु मेको नेंब नेल्‍लेमी मरिम्‍शो पचा हिंनीम। गलाती २:१४; मत्ती १८:१५-१७