इजीकीएल 16:4 - Sunuwar Bible

⁴ गे जरमेसेनु सुइम इ सपु मख्रोदेम। इ कली ब्‍वाक्‍कुम मचिक्‍तेम। सुइम इ रांम हिक्‍सी मख्रेक्‍तेम। इ कली सुइम वाम मगिलेम।

इजीकीएल 16:4 ပူးပေါင်းရင်းမြစ်များ

उत्पत्ती 15:13

मिनु मेकोमी अब्राम कली “इ तौ चच युइ अर्को रागीमी अर्को रागी ङा मुर दुम्‍नीम। मेकेर बाक्‍मानु, वाइलीम वाइल यो दुम्‍नीम। मेकेर ४ सहे बर्स सम्‍म श्‍येत जाइनीम। प्रस्‍थान १:१३; प्रस्‍थान १२:४०; प्रेरित ७:६

बिलाप 2:20

“परमप्रभु यावे कोव़ङीन। गे सु कली ओदेंशो पा श्‍येत गेनी। मार मीश मुरपुकीमी आंम आल आन कली ब्‍वचा माल्‍नीमी? मार इन कली चढ़ेब नु इन लोव़ पाइबपुकी इन बाक्‍तीकेमी साइक्‍चा पुंइसीचा माल्‍नीनी? ब्‍यवस्‍था २८:५३-५७; येरमीया १९:९

बिलाप 2:22

गे एर ओंथ ङा आं जोरी सत्रु आन कली चाड मानेचा कली खोदेंशो पा ब्रेत्‍ताक्‍नी। परमप्रभु यावे आ गाइश्‍शो नाक्‍तीमी सुइ मुर प्रोक्‍शा ब्रोंइचा मताइनीम। गो आं थिशो नु कोल्‍पाइश्‍शो आल आन कली आं जोरी सत्रुमी साइक्‍तेक्‍म” देंती।

इजीकीएल 16:3

मिनु मेको कली परमप्रभु, परमप्रभु यावेमी यरूसलेम कली ‘इ गोतीके नु इ जरमेतीक रागी कनानी आन रागी बाक्‍ब। इ आफ एमोरी का बाक्‍त। इ ममा हित्ती बाक्‍त।

इजीकीएल 20:13

तन्‍न इस्राएल आ खिं ङा मुरपुकीमी गोरशो रागीम आं कली मटीयीमी। मेकोपुकीम आं फुल्‍लुम मुशा ब्रेक्‍शो लोव़ नु आं निसाफ पतीक लोव़ मपामे। मेको टिशा पाइब मुर मेको रे ब्रोंइनीम। मेकोपुकीमी आं नाइक्‍तीक नाक्‍त ग्रांग्रा दिशो सेल्‍तेक्‍म। मिनु गो एको गोरशो रागीमीन आं चुरशो मोइश्‍शा मेको आन कली साइक्‍नुङमी, दे मिम्‍ताक्‍ङ। प्रस्‍थान ३२:१०-१२

इजीकीएल 20:8

तन्‍न मेकोपुकीमी आं कली मटिथु, आं लोव़ मनेनेम। सुइम आन कोव़त दाक्‍शो ग्रांग्रा दित्‍चा ङा थोव़क मताइक्‍तेक्‍म। सुइमी इजीप्‍त ङा मूर्तिपुकी यो मप्रोनेम। मिनु गे इजीप्‍त रागीम बाक्‍नीनु, आं गाइश्‍शो नेल्‍ले इन तारी मोइक्‍नुङ, दे मिम्‍ताक्‍ङ।

होसे 2:3

मो मपाप्‍तु हना, गो मेको आ वा प्रुइश्‍शा, मेको जरमेशो नाक्‍ती खोदेंशो पा शिश्रा पोक्‍नुङ। गो मेको कली गोरशो रागी खोदेंशो सेल्‍नुङ। सोव़शो रागी खोदेंशो पा ब्‍वाक्‍कु मबाक्‍शो सेल्‍नुङ।

होसे 2:5

मेको आन ममा जोल पा अर्को मुर नु गाक्‍त। मेको आन कली मुने पा थिशो बाक्‍त। मेकोमी ‘गो आं कली दाक्‍ब वोंइश खोइक्‍नुङ। मिनु मेकोमी आं कली जचा तूचा, ऊन नु सुती वा, तेल नु अङगुर शांबु गेब’ देंत। येरमीया ४४:१७

लूका 2:12

आं लोव़ थमा बाक्‍ब, दे दोपा तुइक्‍नीनी देंशा हना, गे मेको नक जरमेशो आल कली वाम गिल्‍शा, शुंगुम इप्‍पाइश्‍शो थित्‍नीनी” देंमाक्‍त।

लूका 2:7

मेकेर बास बाक्‍तीक खिं मथित्‍थु, गोठ कामी बास बाक्‍सा बाक्‍त। मिनु गोठम बाक्‍सानु, मरीयममी तौ का थिशा, वाम गिल्‍शा, शुंगुम इप्‍पदा बाक्‍त। मत्ती १:२५

ब्‍यवस्‍था 15:15

गेपुकी इजीप्‍त रागीमी वाइलीम वाइल दुम्‍शा बाक्‍तीनी। मिनु परमप्रभु यावे, इन परमप्रभुमी इन कली प्रोंइतु, मेको मिम्‍तीन। मोपतीके गो मुलाक्‍ती दोपा पचा, दे गो इन कली शेंनुङ। ब्‍यवस्‍था ५:१५

ब्‍यवस्‍था 5:6

मिनु परमप्रभुमी इन कली “वाइलीम वाइल दुम्‍शा बाक्‍शो इजीप्‍त रे ग्रुंइशा एक चाक्‍ब, गो परमप्रभु यावे, इन परमप्रभु नङ।

यहोसु 24:2

मिनु यहोसुमी मुर नेल्‍ल आन कली “परमप्रभु यावे, इस्राएली आन परमप्रभुमी ‘साइ नेसी इन किकी पिपी, अब्राहाम नु नाहोर आ आफ तेराह युफ्रेटीस खोला आ आइक्‍ची हांबुम बाक्‍शो बाक्‍तेक्‍म। मिनु मेकोपुकीमी अरु देवी देवता आन कली ठेयब सेल्‍तेक्‍म। उत्‍पत्ती ११:२६; उत्‍पत्ती ३१:१९; उत्‍पत्ती ३५:२