इजीकीएल 15:7 - Sunuwar Bible

⁷ गो मेको आन कली सजाइ गेनुङ। मेकोपुकी मी रे ब्रोंइतेक्‍म हना यो, मीम मेको आन कली दाक्‍ब। गो मेको आन कली सजाइ गेङानु, गोन परमप्रभु यावे नङ, दे तुइक्‍चा माल्‍नीनी।

इजीकीएल 15:7 ပူးပေါင်းရင်းမြစ်များ

१ राजा 19:17

मिनु हजाएल आ तरवार रे ब्रोंइशो आन कली येहूमी साइक्‍ब। मिनु येहू आ तरवार रे ब्रोंइशो आन कली एलीशामी साइक्‍ब।

भजन संग्रह 34:16

परमप्रभु यावेमी मरिम्‍शो पाइब आन कली कोव़ना कोव़न बाक्‍ब। मिनु मेको आन कली मिम्‍तीके का यो मवोइक्‍थु रागी रे क्‍याम्‍ब। हितोपदेस १०:७

भजन संग्रह 9:16

परमप्रभु यावेमी मेको ठीक निसाफ पाइब बाक्‍ब, दे मुर नेल्‍ल कली तुइक्‍पाइश्‍शो बाक्‍ब। आ अरेशो मटीब मुर आंम आन पशोमीन खतम दुम्‍नीम। ताप्‍तीकेमी ठेयब सेंदा पा।

यसैया 24:18

मिनु सु सु शुश हिंचा ङा रेयके नेंशा प्रोक्‍नीमी, मेको बिक्‍तीकेम बिक्‍नीम। सु सु बिक्‍तीके रे ग्रूनीमी, मेको ब्‍वारदम रेत्‍नीम। मारदे हना सरीङ ङा झेल रोक्‍सीशो बाक्‍नीम। मिनु रागी आ जग हिम्‍सीशो बाक्‍ब। येरमीया ४८:४३-४४; आमोस ५:१९; उत्‍पत्ती ७:११

येरमीया 21:10

गो एको सहर कली थमा पा क्‍याम्‍नुङ। रिम्‍शो पचा कली ममिम्‍नुङ। एको सहर बेबीलोन ङा पिप आ गुइम गेनुङ। मेकोमी एको सहर कली मीम क्रोइक्‍ब” देंत’ देनो” देंत। येरमीया ३४:२

इजीकीएल 11:10

गेपुकी तरवारम साइक्‍चा पुंइसीशा गोल्‍नीनी। गो इन कली इस्राएल आ सांदम निसाफ पाइनुङ। मिनु गेपुकीम गोन परमप्रभु यावे नङ, दे तुइक्‍नीनी। २राजा २५:२०-२१

इजीकीएल 14:8

गो मेको आन कली सजाइ गे‍नुङमी। मिनु गो मेको मुर कली कोंइतीक नु शुक्‍शी पाइक्‍तीक सेल्‍नुङ। गो मेको कली आं मुर आन दाते रे तिल्‍नुङ। मिनु गोन परमप्रभु यावे नङ, दे तुइक्‍चा माल्‍नीनी।

इजीकीएल 15:6

मोपतीके परमप्रभु, परमप्रभु यावेमी “दोपा ब्‍वाकी ङा रवा आन दाते ङा अङगुर बोट कली मीम चोचा कली गेङा, मोपा गो यरूसलेम ङा मुर आन कली यो पाइक्‍नुङमी।

इजीकीएल 19:12

तन्‍न मेको गाइश्‍शा चुरशा तुल्‍चा पुंइसाक्‍व। मिनु खपीम ताइक्‍चा पुंइसाक्‍व। मिनु पूर्ब ङा फशेम मेको कली सोव़पाइक्‍तु। मिनु मेको आ गेडा नेल्‍ल हेम्‍तेक्‍म। आ बोल्‍यो राशी सोव़शा, मेको कली मीम नेक्‍तु।

इजीकीएल 20:38

इन दाते ङा आं कली मटीब नु मरिम्‍शो पाइब आन कली तिल्‍नुङमी। गो मेको आन कली अर्को रागी ङा मुर दुम्‍शा बाक्‍शो रागी रे ग्रुंइनुङमी। तन्‍न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्‍नीनी।

इजीकीएल 20:42

मिनु गो इन किकी पिपी आन कली गेनुङ देंशो इस्राएल रागीम इन कली चाक्‍नन्‍नी। मेना गेपुकीम गो परमप्रभु यावे नङ, दे तुइक्‍नीनी।

इजीकीएल 20:44

ए इस्राएल आ खिं ङा मुरपुकी, गे इन मरिम्‍शो पतीक नु इन हेंथे पशोम ममाइ, तन्‍न आं नें आ पर्बम गो इन कली रिम्‍शो पाइनुङ। मिनु गेपुकीम गोन परमप्रभु यावे नङ, दे तुइक्‍नीनी’ देनो” दे परमप्रभु, परमप्रभु यावेमी देंत।

इजीकीएल 33:29

गो मेको आन मूर्ति पूजा पशो आन पर्बम मेको रागी कली मुर मबाक्‍शो नु श्‍येत्‍थ सेल्‍नुङ। मेना मेकोपुकीम गोन परमप्रभु यावे नङ, दे तुइक्‍नीम’ देंशो बाक्‍ब” देंत।

इजीकीएल 5:8

गो इ कली आंमा सजाइ गेनुङ। गो रागी रागी ङा मुर आन ङोंइती इ कली निसाफ पाइनुङ।

इजीकीएल 6:7

इन दातेमी मुर साइक्‍चा पुंइसीशा गोल्‍नीम। मिनु गेपुकीमी गो परमप्रभु यावे नङ, दे तुइक्‍नीनी।

इजीकीएल 7:4

गो इ कली शिशी मपथु, सुइ आन कली ब्रोंइचा मगेनुङ। गो इ कली इ गेय आ पर्बम नु इ मूर्ति पूजा आ पर्बम सजाइ गेनुङ। मिनु गे, गो परमप्रभु यावे नङ, दे तुइक्‍नेवे’ ” देंत। इजीकीएल ५:११; इजीकीएल ८:१८; इजीकीएल ९:१०

लेवी 17:10

इस्राएली नु मेको आन दातेम बाक्‍ब अर्को रागी ङा मुर सुइमी हुश ब्‍वाम्‍तेक्‍म हना, गो मेको हुश ब्‍वाइब कली मरिम्‍शो पाइनुङ। मिनु मेको मुर कली आ मुर आन दाते रे क्‍याम्‍नुङ। लेवी ३:१७

लेवी 26:17

गो इन कली मरिम्‍शो पाइक्‍नुङ। गे इन जोरी सत्रु रे ब्रुइनीनी। इन जोरी सत्रु इन कली हुकुम पाइब दुम्‍नीम। मिनु सुइमी इन कली खेदा मपाम्‍तेक्‍म हना यो, गेपुकी प्रोक्‍नीनी।

आमोस 5:19

मेको नाक्‍ती मुर का गुप्‍स रे प्रोक्‍शा, वां कली ग्रुम्‍शो खोदेंशो बाक्‍ब। खिं लशा बाक्‍चा कली आ गुइ गारोम वोदानु, बुस्‍सुम कोक्‍शो खोदेंशो दुम्‍‍ब।