इजीकीएल 14:9 - Sunuwar Bible

⁹ मिनु सुइ परमप्रभु यावे आ लोव़ पाइबम आ लोव़ मार बाक्‍बा, दे हिल्‍लो पाइब आन कली आंमा थुंम मिम्‍शा लोव़ पाप्‍तु हना, गो मेको कली मोदेंशो पपाइक्‍ता। मिनु गो मेको कली आं गुइ दिंशा, सजाइ गेशा आं मुर इस्राएली आन दाते रे क्‍याम्‍नुङ। १राजा २२:२०-२३

इजीकीएल 14:9 ပူးပေါင်းရင်းမြစ်များ

२ इतिहास 18:22

लो कोव़ङीन, परमप्रभु यावेमी इन नोले दुम्‍ब लोव़ पाइब आन शोव़म जोल पाइब सोक्‍त का वोइश्‍शो बाक्‍त। परमप्रभु यावेम इन कली खतम सेल्‍चा थुं पने थुम्‍शो बाक्‍ब” देंमाक्‍त।

अय्‍युब 12:16

सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। १राजा १२:२८-३०; २राजा १९:१०-३७

यसैया 10:4

मेको नाक्‍ती पाइश्‍शो मुर आन दातेमी मबाक्‍‍चा नु साइक्‍चा मपुंइसीचा कली ते प्रोक्‍नीनी? परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।

यसैया 5:25

मोपतीके परमप्रभु यावे आ मुर आन पर्बम गाइक्‍ताक्‍व। मिनु आ गुइ क्‍युक्‍शा, मेको आन कली तुप्‍तु। मिनु डांडापुकी ख्रिनु कुशा हिम्‍साक्‍म। शुश मुर आन बेक्‍शो रां लांमी ताइश्‍शो खोदेंशो दुम्‍तेक्‍म। मोपा आ गाइक्‍चा मबेक्‍थु, मुल सम्‍म आ गुइ क्‍युक्‍स ङा क्‍युक्‍स बाक्‍ब। यसैया ९:१; यसैया १६:२०; यसैया १०:४

यसैया 63:16

गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६

यसैया 66:4

गो मेको आन कली शुक्‍शी पाइनुङ। मिनु आन हिंशो श्‍येत आन तार मोइक्‍नुङ। मारदे हना गो मेको आन कली ब्रेङङानु, लोव़ मलेत्‍तेम। गो लोव़ पाता। तन्‍न मेकोपुकीम आं लोव़ मनेनेम। आं ङोंइती मरिम्‍शो पाम्‍तेक्‍म। आं मदाक्‍शो ला पाम्‍तेक्‍म” देंत। यसैया ६५:१२

यसैया 9:12

मिनु अराम ङा मुर नु रेसीन पूर्ब रे नु पलिस्‍ती ङा मुर पच्‍छिम रे जाक्‍शा, मेकोपुकीमी शुश पाक्‍शो शोव़मी खोदेंशो पा इस्राएली आन कली दाक्‍नीम। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।

यसैया 9:17

मोपतीके परमप्रभु यावेम मेको आन वोंइश आल आन कली तशा, शिशी मपावो। मेको आन रोम रोइक्‍च नु वोंइश बेक्‍शो मीश मुर आन कली तशा यो शिशी मपावो। मारदे हना मेको नेल्‍ल परमप्रभु आ अरेशो मटीब दुम्‍‍शा, काइ मरिम्‍शो पाइब ला बाक्‍तेक्‍म। मिनु नेल्‍लेमी मरिम्‍शो लोव़ पाम्‍तेक्‍म। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।

यसैया 9:21

मनस्‍सेमी एफ्राइम कली ब्‍वाप्‍तु। मिनु एफ्राइममी मनस्‍से कली ब्‍वाप्‍तु। मिनु मेको निक्‍शी यहूदा नु लडाइ पाम्‍ताक्‍स। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।

येरमीया 14:15

मोपतीके परमप्रभु यावेम मेको आ लोव़ पाइब आन पर्बम, सुम आ नेंम लोव़ पाइनीमी, मेको आन कली सोइश्‍शो मनङ। मो हना यो मेकोपुकीम ‘तरवार नु अन्‍कालम एको रागी कली मताइब’ देंशो बाक्‍नीम। मुल तरवार नु अन्‍कालमीन जोल पा आं लोव़ पाइबपुकी साइक्‍चा पुंइसीनीम। ब्‍यवस्‍था १८:२०

येरमीया 4:10

मिनु गो “परमप्रभु, ए परमप्रभु यावे, गो आंइ शुरमी तरवार जाक्‍मेनु यो, गे ‘इन थुं नाइश्‍शा बाक्‍कीन’ दे गे एको मुर नु यरूसलेम कली मरिम्‍शो पा जोल पाइश्‍शो बाक्‍तीनी” देंती। येरमीया ६:१४

येरमीया 6:14

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

येरमीया 6:15

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेङानु, मेको खतम दुम्‍नीम” दे परमप्रभु यावेमी देंत।

इजीकीएल 13:9

‘मेको दूली पा कोंइतीक लोव़ पाइब आन पर्बम नु जोल पा लिंक्‍‍यु कोव़ब आन पर्बम, गो आं गुइ इन गे क्‍युक्‍नुङ। मेकोपुकी आं मुर आन दातेमी बाक्‍चा मताइनीम। मेको आन नें इस्राएली आन खिं ङा मुर आन नें ब्रेक्‍तीकेम ब्रेक्‍चा मताइनीम। मेकोपुकी इस्राएल रागीम ओव़चा मताइनीम। मिनु गेपुकीम गोन परमप्रभु यावे नङ, दे तुइक्‍नीनी, देंशो बाक्‍ब’ दे माइक्‍मी” देंत। इजीकीएल १४:९

इजीकीएल 14:10

मेको निम्‍फाम आस मरिम्‍शो पशो आ पर्बम सजाइ ताइनीस। आं लोव़ पाइब नु आं लोव़ हिल्‍लो पाइब, निम्‍फा आस सजाइ उइक्‍थ उइक्‍थ दुम्‍ब। इजीकीएल ३:१७-२०

इजीकीएल 14:5

मिनु मेको मूर्तिम पतीके इस्राएल आ खिं ङा मुरपुकीम आं कली प्रोंइतेक्‍म। मो हना यो आन थुं फाइश्‍शा, आं गे लेत्‍ने चाप्‍नुङा, कों?’

इजीकीएल 16:27

मोपतीके गो इ कली सजाइ गेतन। गो इ कली शुश जचा थोव़क मगेथु, इ जोरी सत्रु आन गुइम गेतन। गो इ कली पलिस्‍ती आन दाक्‍शो सिखार दुम्‍पाइक्‍चा कली गेतामी। पलिस्‍ती आन तमीपुकी इ मरिम्‍शो पशो तशा मुने पाम्‍तेक्‍म।

इजीकीएल 20:25

गो मेको आन कली फुल्‍लुम मुशा ब्रेक्‍शो मरिम्‍शो लोव़ यो गेतामी। मिनु आं निसाफ पतीक लोव़म यो मेकोपुकी ब्रोंइने मचाप्‍बाक्‍तेक्‍म।

होसे 9:7

मिनु सजाइ गेतीक नाक्‍त जाक्‍शो बाक्‍ब। क्‍येक्‍क लेत्‍तीक नाक्‍त यो जाक्‍शो बाक्‍ब। इस्राएल ङा मुरपुकीमी मेको तुइक्‍‍नीम। परमप्रभु यावे आ लोव़ पाइब गुक्‍शो खोदेंशो पा बाक्‍नीम। मेकोपुकी गशो दुम्‍तेक्‍म। मारदे हना इन मरिम्‍शो पचा नु मदाक्‍चा आ पर्बम मोदेंशो दुम्‍त।

जकरिया 13:3

मिनु लें‍शा सुइमी जोल पा नोले दुम्‍तीक लोव़ पाप्‍तु हना, मेको कली थीब आ आम आफोमी मेको कली ‘गे बेक्‍चा माल्‍नेवे। मारदे हना गे परमप्रभु यावे आ नेंमी जोल लोव़ पाप्‍तीवी’ देंनीस। मिनु मेकोमी जोल पा नोले दुम्‍ब लोव़ पवानु, आ आम आफोमी मेको कली साइक्‍नीस। ब्‍यवस्‍था १३:६