इजीकीएल 14:4 - Sunuwar Bible

⁴ मोपतीके गे मेको आन कली ‘परमप्रभु, परमप्रभु यावेमी इस्राएल आ खिं ङा मुर सुइमी मूर्ति आन थुंम वोइश्‍शा, आन मरिम्‍शो पा दाइल पांइसीतीक फुल्‍लु, आन ङोंइती वोइश्‍शा, आं लोव़ पाइब आन बाक्‍तीक जाक्‍तेक्‍म हना, गो, परमप्रभु यावेमी, मेको आन थुंम मूर्ति वोइश्‍शा जाक्‍शो मुर आन कली लोव़ लेत्‍नुङमी।

इजीकीएल 14:4 ပူးပေါင်းရင်းမြစ်များ

२ राजा 1:16

मिनु मेकोमी पिप कली “परमप्रभु यावेमी इन कली ‘मार, इस्राएलम परमप्रभु मबाक्‍बा ङा? मिनु गे मुर आन कली एक्रोन ङा देवता बाल-जेबुब आ बाक्‍तीके हिल्‍लो पथ सोइक्‍तीनी? मोपतीके गे इन गोल्‍तीके रे मबोक्‍नीनी। गे थमा पा बेक्‍नीनी’ देंशो बाक्‍ब” देंमाक्‍त।

यसैया 3:11

आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।

यसैया 66:4

गो मेको आन कली शुक्‍शी पाइनुङ। मिनु आन हिंशो श्‍येत आन तार मोइक्‍नुङ। मारदे हना गो मेको आन कली ब्रेङङानु, लोव़ मलेत्‍तेम। गो लोव़ पाता। तन्‍न मेकोपुकीम आं लोव़ मनेनेम। आं ङोंइती मरिम्‍शो पाम्‍तेक्‍म। आं मदाक्‍शो ला पाम्‍तेक्‍म” देंत। यसैया ६५:१२

इजीकीएल 14:3

मार लोव़ पाप्‍तु देंशा हना “ए मुर, एको खाल्‍पापुकीम आन मूर्ति आन आन थुंम वोइश्‍शो बाक्‍तेक्‍म। मिनु मरिम्‍शो पा दाइल पांइसीतीक फुल्‍लु यो आन ङोंइती वोइश्‍शो बाक्‍नीम। मार, आन हिल्‍लो पशो लोव़ गो लेत्‍चा माल्‍नुङा, ङा?

इजीकीएल 14:6

मोपतीके इस्राएल आ खिं ङा मुर आन कली ‘परमप्रभु, परमप्रभु यावेमी इन ग्रांग्रा दिशो गेय नेल्‍ल प्रोंइशा, इन मूर्ति रे पा लेश्‍शा आं गे जाक्‍कीन’ देंशो बाक्‍ब, दे माइक्‍मी।

इजीकीएल 14:7

इस्राएल आ खिं ङा मुर सुइ नु मेकेर बाक्‍ब अर्को रागी ङा मुर सुइमी आं कली प्रोंइशा, मूर्ति आन थुंम वोइश्‍शा, आन मरिम्‍शो पा दाइल पांइसीतीक फुल्‍लु आन ङोंइती वोइश्‍शा, आं लोव़ पाइब आन बाक्‍तीक जाक्‍तेक्‍म हना, गो, परमप्रभु यावेमी, मेको आन थुंम मूर्ति वोइश्‍शा जाक्‍शो मुर आन कली लोव़ लेत्‍नुङमी।

इजीकीएल 2:7

गे मेको आन कली आं लोव़ पचा माल्‍नेवे। मेकोपुकीम नेन्‍मेक्‍ल कि मनेन्‍मेक्‍ल। मारदे हना मेकोपुकी मटीब आन खिं ङा मुर बाक्‍नीम।

इजीकीएल 3:4

मिनु मेकोमी आं कली “ए मुर, इस्राएली आन खिं लावो। मिनु मेको आन कली आं देंशो लोव़ नेल्‍ल नेंपाइक्‍मी।

इजीकीएल 44:12

तन्‍न लेवीपुकीम मुर आन कली आन मूर्ति पूजा पतीकेम वारच पाम्‍तेक्‍म। मोपा मेकोपुकी इस्राएल आ खिं ङा मुर आन कली मरिम्‍शो पपाइक्‍तेक्‍म। मोपतीके मेकोपुकी सजाइ तचा माल्‍नीम, दे कसम जाता।

सेफन्‍याह 1:3

मुर नु बी ब्‍यफ, क्‍यारश भेडा, जन्‍तु नेल्‍ल आन कली खतम सेल्‍नुङ। सरीङ ङा चिक्‍ब, समुन्‍द्र ङा ङांइ नेल्‍ल आन कली साइक्‍नुङमी। रागी ङा मुर नेल्‍ल आन कली खतम सेल्‍नुङ। परमप्रभु यावे आ अरेशो मटीब आन कली दाइल पपाइक्‍नुङ। गो मुर नेल्‍ल आन कली रागी नेल्‍ल रे क्‍याम्‍नुङ। मत्ती १३:४१