इजीकीएल 14:14 - Sunuwar Bible

¹⁴ मेकेर नोआह, दानीएल नु अय्‍युब सांफा बाक्‍तेक्‍म हना यो, मेकोम आन ठीक पतीकेम आंमा ला ब्रोंइचा ताम वा, दे परमप्रभु, परमप्रभु यावेमी देंशो बाक्‍ब” देंत। येरमीया १५:१

इजीकीएल 14:14 ပူးပေါင်းရင်းမြစ်များ

इजीकीएल 14:20

मिनु मेकेर नोआह, दानीएल नु अय्‍युब बाक्‍तेक्‍म हना यो, गो आं ब्रोंइशा बाक्‍शो खोदेंशो पा मेकोम आन तमी तौ आन कली प्रोंइने मचबेम वा। मेको आन ठीक पतीकेम आंमा ला ब्रोंइम वा” देंत।

येरमीया 15:1

मिनु परमप्रभु यावेमी आं कली “मोसा नु सामुएलमी आं ङोंइती जाक्‍शा पुंइ‍ताक्‍स हना यो, आं थुं एको जात ङा मुर आन गे मलेप्‍ब। मेको आन कली आं ङोंइती रे ग्रुंइदीमी। मेको आन कली लचा गेमी। प्रस्‍थान ३२:११; १सामुएल ७:९; इजीकीएल १४:१४

इजीकीएल 28:3

गे दानीएल क्‍येङा यो जोक्‍ब तुइक्‍ब बाक्‍नेवे। मारेइ ख्रुइक्‍तीक लोव़ इ रे मख्रुंइसी‍शो बाक्‍ब। इजीकीएल १४:१४; दानीएल १:१७

उत्पत्ती 7:1

मिनु परमप्रभु यावेमी नोआह कली “गे नु इ खिं ङा मुर नेल्‍ल शी के ठेयब डोंगामी ओव़ङीन। मारदे हना एको पाला ङा मुर आन दातेमी गे का ला ठीक पाइब बाक्‍नेवे। उत्‍पत्ती ६:८

इजीकीएल 14:18

मिनु मेको मुर सां मेकेर बाक्‍तेक्‍म हना यो, गो आं ब्रोंइशा बाक्‍शो खोदेंशो पा मेकोम आन तमी तौ आन कली प्रोंइने मचबेम वा। मेकोपुकी आंमा ला ब्रोंइम वा।

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

हिब्रू 11:7

नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२

दानीएल 10:11

मिनु मेकोमी आं कली “दानीएल, गे शुश दाक्‍चा पुंइसीशो मुर बाक्‍नेवे। आं देंशो लोव़ नोफा दाइश्‍शा नेनो। बोक्‍शा बाक्‍को। मारदे हना गो इ बाक्‍तीकेमी सोइक्‍चा पुंइसीशो बाक्‍नुङ” दे माइक्‍ती। मिनु मेकोमी लोव़ पवानु, गो आ ङोंइती ख्रिंख्रि पा राप्‍ती।

अय्‍युब 1:5

मिनु अय्‍युबम मेको आन भोज पतीक नाक्‍त नेल्‍ल नुम नोले, आ तमी तौ आन कली “परमप्रभु आ ङोंइती ठीक सेल्‍सीन” देंथ, मुर सोइक्‍बाक्‍माक्‍त। मिनु अय्‍युबमी सुनी कना बोक्‍शा, मेको आन पर्बम चोशा चढ़ेतीक का का चढ़ेशा, मेको आन पाप क्‍याम्‍तीक गेय पाइबाक्‍माक्‍त। मारदे हना मेकोमी “आं आलपुकीम मारेइ पा परमप्रभु आ पर्बम पाप पामे कों” दे मिम्‍शा, गेना हना यो मो पाइबाक्‍माक्‍त।

उत्पत्ती 6:8

मिनु परमप्रभु यावेमी नोआह तवानु, मेको कली दाक्‍ता बाक्‍त। हिब्रू ११:७

इजीकीएल 14:16

मिनु मेको मुर सां मेकेर बाक्‍तेक्‍म हना, गो आं ब्रोंइशा बाक्‍शो खोदेंशो पा, मेकोम आन तमी तौ आन कली प्रोंइने मचबेम वा। मेकोपुकी आंमा ला ब्रोंइम वा। मिनु मेको रागी गोरशो रागी दुम वा।

इजीकीएल 18:20

सुम पाप पाइबा, मेको ला बेक्‍ब। आलमी आ आम आफ आस मरिम्‍शो पशो आ पर्बम श्‍येत जचा ममाल्‍ब। आ आम आफोम यो आस आल आन मरिम्‍शो पशो आ पर्बम श्‍येत जचा ममाल्‍नीस। ठीक पाइब आ ठीक पशो आ कली दुम्‍ब। मिनु परमप्रभु यावे आ अरेशो मटीबमी आ मटिशो आ कलीन दुम्‍ब। २राजा १४:६

येरमीया 11:14

येरमीया, गे मेको जात ङा मुर आन पर्बम मपुनो। मेको आन पर्बम ङाक्‍शा प्रार्थना पा मपुनो। मारदे हना मेकोपुकी श्‍येत जामे ना मेको आन पुंइशो मनेंनुङ। येरमीया ७:१६

२ पत्रुस 2:9

परमप्रभु यावेमी चहिं आंम कली टीब मुर आन कली “दोपा थुं थाम्‍चा ङा श्‍येत रे ग्रुंइनुङा” दे तुइक्‍ब। मिनु ठीक मपाइब आन कली सजाइ गेचा कली निसाफ पची नाक्‍त सम्‍म वोइक्‍ब। १कोरिन्‍थी १०:१३

दानीएल 9:21

प्रार्थना पना पन, गो आं ङोंइती आं कोंइतीकेमी तशो मुर गाब्रीएल बेरशा आं नेक्‍था जाक्‍त। मेना नाक्‍दो ङा चढ़ेची ना जाक्‍शो बाक्‍त। दानीएल ८:१६

येरमीया 7:16

परमप्रभु यावेम आं कली “गे मेको मुर आन पर्बम मपुनो। मेको मुर आन पर्बम मारेइ मपुनो। मेको आन पर्बम आं कली लोव़ मपावो। मारदे हना गो इ पुंइशो मनेंनुङ। येरमीया ११:१४; येरमीया १४:११; येरमीया ३७:३; येरमीया ४२:२; प्रस्‍थान ३२:१-११; १सामुएल १२:२३

हितोपदेस 11:4

गाइश्‍शो नाक्‍ती शुश शोंप शोर गाक्‍शो दुम्‍‍ब। तन्‍न ठीक प‍तीकेमी बेक्‍तीक रे प्रोंइब। लूका १२:२०; हितोपदेस १०:२

दानीएल 1:6

मिनु मेको योव़चा पुंइसीशो आन दातेमी यहूदा आ थर ङा दानीएल, हनान्‍याह, मीशाएल नु अजारयाह बाक्‍तेक्‍म।

इजीकीएल 3:19

तन्‍न गे मेको आं अरेशो लोव़ मटीब मुर कली हिंच कोंइताक्‍वी हना, नु मेको मुर आं अरेशो लोव़ मपतीक रे मलेत्‍त हना, मेको आं अरेशो मटिशो नु आ मरिम्‍शो पशो आ पर्बम बेक्‍ब। तन्‍न गे ब्रोंइनेवे।

इजीकीएल 16:18

गे इ बुटा आप्‍शो वा लाइश्‍शा, मेको आन कली सुम्‍तीवी। मिनु गे आं तेल नु धूप मेको आन ङोंइती चढ़ेप्‍तीवी।

इजीकीएल 16:20

मिनु गे आं कली थिशो तमी तौ आन कली लाइश्‍शा, मूर्ति आन कली जचा थोव़क सेल्‍शा क्‍योरशा चढ़ेप्‍तीवी। मार इ तेल्‍लेम पशोमीन मगाम ङा? इजीकीएल २०:२६; इजीकीएल २३:३७; ब्‍यवस्‍था १२:३१; २राजा १६:३; येरमीया ७:३१

१ इतिहास 1:4

लमेक आ तौ नोआह बाक्‍माक्‍त। नोआह आ तौ शेम, हाम नु यफेथ बाक्‍मा बाक्‍त।

दानीएल 9:23

मिनु गे गेना पुंइचा गोवी, मेना गो लोव़ का नेंता। मिनु गो इ कली मेको लोव़ शेंथ जाक्‍ती। मारदे हना गे शुश दाक्‍चा पुंइसीशो मुर बाक्‍नेवे। मेको लोव़ मिम्‍शा, मेको कोंइतीक रुपो।