20 मोपतीके परमप्रभु, परमप्रभु यावेमी “गो इन फ्रेंतीक आ पर्बम इन कली मरिम्शो पाइनुङ। गो इन गुइ रे चिक्ब खोदेंशो पा साइक्चा चिक्शो मुर आन कली इन गुइ रे प्रोंइनुङ।
‘आबी आबी, गुइ कली फ्रेंतीक सेल्ब मीश मुर आन कली श्येत बाक्ब। मुर आन कली साइक्चा कली लाइश्शो कोव़शा, कुल सुम्तीक वा सेल्ब मीश मुर आन पर्बम आबी आबी। मार, गेपुकीम आं मुर आन कली साइक्नीनी? मिनु गे ब्रोंइचा ताइनीनी ङा? मताइनीनी।
मुठी का निक्शी क्योव़ज, नु टुक्रा का निक्शी शोब्ले आ पर्बम साइक्चा ममाल्शो मुर आन कली साइक्तीनी। मिनु ब्रोंइचा मगेचा माल्शो मुर आन कली ब्रोंइचा गेतीनी। मिनु आं मुर आन कली जोल पा मोदेंशो पाइतीनी’ दे परमप्रभु, परमप्रभु यावेमी मेको आन कली माइक्मी” देंत।
गो मेको आन कुल सुम्तीक वा शोल्शा, आं मुर आन कली प्रोंइनुङमी। मेकोपुकी मुल रे इन गुइ ङा सिखार मदुम्नीम। मिनु गेपुकीम गोन परमप्रभु यावे नङ, दे तुइक्नीनी।