इजीकीएल 13:10 - Sunuwar Bible

¹⁰ थमा पा, मेकोपुकीम आं मुर आन कली दूली लां खोइक्‍पाइश्‍शा, थुं नाइक्‍तीके मबाक्‍थु, यो “थुं नाइश्‍शा बाक्‍कीन” देंनीम। मिनु मुरपुकीम ब्रेत्‍चा चिक्‍शो गारो प्रोव़नीमी, मेको जोल पा लोव़ पाइबम बुलु ब्रुइश्‍शा सुम्‍नीम। येरमीया ६:१४

इजीकीएल 13:10 ပူးပေါင်းရင်းမြစ်များ

२ राजा 21:9

तन्‍न मुरपुकीम मेको नेंसीन मनेन्‍मे बाक्‍त। मनस्‍सेम मेको आन कली हेंथे लां खोइक्‍पाइश्‍शो बाक्‍माक्‍त। मिनु मेकोपुकीम परमप्रभु यावेम इस्राएली आन ङोंइती रे खतम पोक्‍शो रागी रागी ङा मुर आन क्‍येङा यो शुश मरिम्‍शो पामे बाक्‍त” देंमाक्‍त।

२ इतिहास 18:12

मिनु मीकाया कली ब्रेश्‍शा चाक्‍ब मुरुम मीकाया कली “नेनीन, अरु नोले दुम्‍ब लोव़ पाइबपुकी नेल्‍ल थुं का दुम्‍शा, पिप कली रिम्‍शो लोव़ पशो बाक्‍नीम। मिनु इन लोव़ यो मेको आन देंशो नु गारचा ङा रिम्‍शो लोव़ पने” देंमाक्‍त।

हितोपदेस 12:26

ठीक पाइबपुकीमी आन वारच आन कली रिम्‍शो अर्ती गेनीम। तन्‍न परमप्रभु यावे आ अरेशो मटीबपुकीमी दूली लां कोंइनीम।

यसैया 30:10

मेकोपुकीमी नोले दुम्‍ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्‍शो लोव़ ला पने। आमोस २:१२

यसैया 57:21

आं परमप्रभुमी “आं अरेशो मटीब आन थुं नाइश्‍शा बाक्‍चा मताइनीम” देंत।

येरमीया 14:13

मिनु गो “परमप्रभु यावे, कोव़ङीन। इन लोव़ पाइबपुकीम दा मेको आन कली ‘गे तरवारम साइक्‍चा मपुंइसीनीनी। अन्‍काल मपाइनीनी। मिनु शुश नाक्‍ती सम्‍म एको रागीम थुं नाइश्‍शा बाक्‍चा ताइनीनी’ देंशो बाक्‍नीम” देंती।

येरमीया 23:17

मेकोपुकीम आं लोव़ मदाक्‍ब आन कली गेना हना यो ‘परमप्रभु यावे इन कली थुं नाइश्‍शा बाक्‍तीक दुम्‍ब’ देंनीम। मिनु मेकोपुकीम मटिथु आन थुं ङा मिम्‍शोम गाक्‍ब आन कली ‘इन कली मारेइ हिंचा ङा श्‍येत मदुम्‍ब’ देंनीम।

येरमीया 23:32

कोव़ङीन, मेकोपुकी जोल पा ङोमु ङा लोव़ पाइब बाक्‍नीम। गो मोदेंशो पा आं लोव़ पाइब आन कली काइ मदाक्‍नुङ। मेको आन जोल शेंतीकेमी आं मुर आन कली हेंथे लां खोइक्‍पाइक्‍नीम। मेकोपुकी काइ महिंब बाक्‍नीम। गो मेको आन कली मसोइक्‍तुमी। गो मेको आन कली मयोव़ङुमी। मोपतीके मेको आन लोव़ मुर आन कली शोर गाक्‍शो बाक्‍ब” दे परमप्रभु यावेमी देंत। येरमीया १४:१४

येरमीया 28:9

तेको परमप्रभु यावे आ लोव़ पाइबम थुं नाइश्‍शा बाक्‍तीक आ पर्बम लोव़ पवा, मेको आ लोव़ गाप्‍त हना ला, मेको थमा पा परमप्रभु यावेम सोइश्‍शो आ लोव़ पाइब बाक्‍ब, दे तुंइसीब” दे माइक्‍तु। ब्‍यवस्‍था १८:२१-२२

येरमीया 4:10

मिनु गो “परमप्रभु, ए परमप्रभु यावे, गो आंइ शुरमी तरवार जाक्‍मेनु यो, गे ‘इन थुं नाइश्‍शा बाक्‍कीन’ दे गे एको मुर नु यरूसलेम कली मरिम्‍शो पा जोल पाइश्‍शो बाक्‍तीनी” देंती। येरमीया ६:१४

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

येरमीया 50:6

आं मुरपुकी जाम्‍शो भेडा खोदेंशो बाक्‍तेक्‍म। मेको आन गोठलापुकीम मेको आन कली हेंथे गाक्‍पाइश्‍शो बाक्‍तेक्‍म। मिनु मेको आन कली डांडा मेर हिरपाइश्‍शो बाक्‍तेक्‍म। मेकोपुकी डांडा पहाड सम्‍म हिरसाक्‍म। मिनु आन गोठ प्रेंताक्‍मे। येरमीया २३:१

येरमीया 6:14

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

येरमीया 8:11

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

येरमीया 8:15

गोपुकीम थुं नाइश्‍शा बाक्‍तीक आस पाइतय। तन्‍न मारेइ रिम्‍शो मदुम। साचा आ पर्बम रिम्‍ताक्‍य। तन्‍न शुश हिंतीक ला दुम्‍त” देंतेक्‍म। येरमीया १४:१९

इजीकीएल 13:16

इस्राएल ङा मेको जोल पा परमप्रभु यावे आ लोव़ पाइबपुकीम यरूसलेम आ पर्बम लोव़ पाम्‍तेक्‍म। मिनु मेकेर थुं नाइश्‍शा बाक्‍तीक मदुम्‍थु यो ‘थुं नाइश्‍शा बाक्‍तीक ताइतक’ देंतेक्‍म।

इजीकीएल 22:28

मेको आं लोव़ पाइबपुकीम ‘गो कोंइतीक ताता’ देंखु पा, जोल पा शेंनीम। मेको आन पशो मरिम्‍शो नेल्‍ल बुलु ब्रुइश्‍शो खोदेंशो पा सुम्‍नीम। मेकोपुकीम गो मारेइ मदेंथु ‘परमप्रभु, परमप्रभु यावेमी ओं देंत’ दे फश लोव़ पाइनीम।

इजीकीएल 7:25

शुश श्‍येत जाक्‍मेनु, मेकोपुकीम थुं नाइश्‍शा बाक्‍चा माल्‍नीम। तन्‍न मथित्‍नीम।

होसे 9:7

मिनु सजाइ गेतीक नाक्‍त जाक्‍शो बाक्‍ब। क्‍येक्‍क लेत्‍तीक नाक्‍त यो जाक्‍शो बाक्‍ब। इस्राएल ङा मुरपुकीमी मेको तुइक्‍‍नीम। परमप्रभु यावे आ लोव़ पाइब गुक्‍शो खोदेंशो पा बाक्‍नीम। मेकोपुकी गशो दुम्‍तेक्‍म। मारदे हना इन मरिम्‍शो पचा नु मदाक्‍चा आ पर्बम मोदेंशो दुम्‍त।

मीका 2:11

तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।

मलाकी 3:15

मुल गो ठेयब लेश्‍शो मुर आन कली रिम्‍शो मुर बाक्‍नीम, देंनीकी। मारदे हना मरिम्‍शो पाइबपुकी दारनीम। परमप्रभु कली मरिम्‍शो पाइब ब्रोंइशा बाक्‍नीम’ देंनीनी” देंत।

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९

१ तिमोथी 4:1

परमप्रभु यावे आ सोक्‍तीमी “नोले ङा नाक्‍तीम का निक्‍शी थमा सुइक्‍बपुकीमी थमा सुइक्‍चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नें‍नीम” देंत। मत्ती २४:२४; २थिस्‍सलोनिकी २:३; २तिमोथी ३:१; २पत्रुस ३:३; १यूहन्‍ना २:१८; यहूदा १८

२ तिमोथी 3:13

मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१

१ यूहन्‍ना 2:26

मुर का निक्‍शीमी इन कली दूली शेंनीमी। मोपतीके गो इन कली एको लोव़ ब्रेक्‍ताक्‍ङ।

प्रकाश 2:20

तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२