इजीकीएल 12:6 - Sunuwar Bible

⁶ मेकोपुकीम कोव़न कोव़ना गे इ कुम्‍लो इ बलाम कुरो। मिनु नां रिक्‍मेनु कुरशा गाक्‍को। रागी मतचा ङा पा इ कुल सुम्‍सो। मारदे हना गो इ कली इस्राएल आ खिं ङा मुर आन पर्बम चिन्‍ड का सेल्‍शो बाक्‍नुङ” देंत। इजीकीएल २४:२४,२७

इजीकीएल 12:6 ပူးပေါင်းရင်းမြစ်များ

२ सामुएल 15:30

तन्‍न दाऊद जैतून डांडा ङा ग्‍येत्‍थ लांमी ङाक्‍ना ङाक्‍न लमाक्‍त। मेकोम आ पिया सुम्‍शो बाक्‍माक्‍त। श्‍येत्‍थ खोइल गाक्‍शो बाक्‍माक्‍त। मेको नु गाक्‍ब नेल्‍ल यो आन पिया सुम्‍शा ङाक्‍ना ङाक्‍न गाक्‍मा बाक्‍त।

२ राजा 7:5

मिनु मेकोपुकी नाक्‍नाक्‍दो बोक्‍शा अरामी आन बाक्‍तीक गे लमा बाक्‍त। मिनु मेकोपुकी अरामी आन बाक्‍तीक आ नेक्‍था जाक्‍मानु, सुइ आन कली मतामे बाक्‍त।

अय्‍युब 24:17

मारदे हना क्‍येर नाक्‍दो मेको आन कली सुनी बाक्‍ब। क्‍येर नाक्‍दो ङा शुश हिंतीके मेको आन वारच बाक्‍‍ब।

यसैया 8:18

मुर नेल्‍ल आन परमप्रभु यावे सियोन डांडाम बाक्‍ब। परमप्रभु यावेमी आं कली नु आं कली गेशो आलपुकी इस्राएली आन दातेमी चिन्‍ड नु कोंइतीक सेल्‍तीकी। यसैया ८:३; यसैया ७:३; हिब्रू २:१३

इजीकीएल 12:13

गो मेको आ तार आं ग्‍याइल आप्‍नुङ। मिनु मेको आं ग्‍याइलीम बिक्‍ब। मिनु गो मेको कली कल्‍दी आन रागी बेबीलोनम चाक्‍नुङ। तन्‍न मेकोम, मेको रागी मताइब। मिनु मेकेरन बेक्‍ब। इजीकीएल १७:२०; येरमीया ३९:७

इजीकीएल 12:5

मेकोपुकीम तचा ङा पा गारोम पोव़ला ख्रितो। मिनु इ कुम्‍लो मेकेर रे पा ख्रीङो।

इजीकीएल 24:24

मोपा इजीकीएल गे इन कली चिन्‍ड का दुम्‍ब। मेकोम पशो खोदेंशो पा गे यो पचा माल्‍नीनी। मिनु एको लोव़ गाम्‍मेनु, गोन परमप्रभु, परमप्रभु यावे नङ, दे तुइक्‍नीनी’ देंशो बाक्‍ब” देंत। इजीकीएल १२:६,११

इजीकीएल 4:3

मिनु नोले फलाम के ग्‍योंब का चाक्‍शा, सहर नु इ दातेम फलाम के गारो खोदेंशो पा वोतो। मिनु गे सहर गे कोव़ङो। मिनु मेको सहर कली पुम्‍शो सेल्‍शा कोंइदो। शुश पुम्‍शो कोंइदो। मेको इस्राएली आन खिं ङा मुर आन कली चिन्‍ड का दुम्‍ब।

जकरिया 3:8

यहोसु, नेल्‍ल क्‍येङा ठेयब चढ़ेब नु इ नेक्‍था बाक्‍ब इ खोदेंशो गेय पाइबपुकी नोफा दाइश्‍शा नेनीन। गो नोले आं गेय पाइब, राशी माइश्‍शो चाक्‍नुङ, मेकोपुकी मेको आ पर्बम चिन्‍ड बाक्‍नीम। यसैया ८:१८; जकरिया ६:१२; येरमीया २३:५; येरमीया ३३:१५

१ सामुएल 28:8

मिनु सावल अर्को वा फेक्‍शा, आ मुर निक्‍शी नु मेकेर लमाक्‍त। मिनु नाक्‍दो मेको मीश मुर आ बाक्‍तीक जाक्‍दीशा, मेको कली “आं कली मार दुम्‍बा बेक्‍शो मुर कली हिल्‍लो पा शेंदीनी। मिनु गो तेको बेक्‍शो मुर कली ब्रेत्‍चा देंनुङा, मेको कली ब्रेत्‍तीन” देंमाक्‍त।