इजीकीएल 12:23 - Sunuwar Bible

²³ मोपतीके मेको आन कली ‘परमप्रभु, परमप्रभु यावेमी, गो मेको मो देंतीक लोव़ आ अर्थ साम्‍नुङ। मिनु मेकोपुकीम इस्राएलम मेको देंतीक लोव़ गेनायो मदेंनीम’ दे माइक्‍मी। मेको आन कली ‘नाक्‍त नेक्‍थान जाक्‍शो बाक्‍नीम। कोंइतीक नेल्‍ल गाप्‍ब। हबकुक २:३

इजीकीएल 12:23 ပူးပေါင်းရင်းမြစ်များ

भजन संग्रह 37:13

तन्‍न परमप्रभु मेको आन कली तशा, रिप्‍ब। मारदे हना मेको आन नाक्‍त नुप्‍शो तुइश्‍शो बाक्‍ब। अय्‍युब १८:२०

यसैया 28:22

शुक्‍शी लोव़ मपने। मो पाइतीनी हना इन कली फ्रेंशो डोरी खांइसीब। मारदे हना परमप्रभु, मुर नेल्‍ल आन परमप्रभु यावेमी “रागी नेल्‍ल खतम सेल्‍नुङ” देंशो नेंता। यसैया १०:२२-२३

इजीकीएल 12:25

मारदे हना गो, परमप्रभु यावे आं देंशो लोव़ पशा, खाप्‍नुङ। मेको देश मपाइब रीब पा दुम्‍ब। ए मटीब खिं ङा मुर, इन पालामीन गो आं देंशो लोव़ खाप्‍नुङ’ दे परमप्रभु, परमप्रभु यावेमी देंशो बाक्‍ब” देंत।

इजीकीएल 16:44

मेकोम “कथा पाइब नेल्‍लेम इ पर्बम कथा पा ‘दोदेंशो ममा मोदेंशो तमी’ देंनीम।

इजीकीएल 18:3

लेंशा परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, मुल रे गेपुकीम एको कथा इस्राएलम लेंशा काइ मदेनीन।

इजीकीएल 7:2

मार लोव़ पाप्‍तु देंशा हना “ए मुर, परमप्रभु यावेमी इस्राएल रागी कली मार देंब देंशा हना ‘रागी नुप्‍तीके, एर ओंथ ङा सुर नेल्‍लेम जाक्‍ब।

योएल 2:1

सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। योएल १:१५

सेफन्‍याह 1:14

परमप्रभु यावे आ ठेयब नाक्‍त जाक्‍चा चिक्‍शो बाक्‍ब। मेको रीब पा जाक्‍ब। नोफा दाइश्‍शा नेनीन। परमप्रभु यावे आ ठेयब नाक्‍त, श्‍येत ङा नाक्‍त बाक्‍ब। लडाइ पाइबपुकी थम ठेयब सेंदा पा ग्रीनीम। योएल १:१५

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

मत्ती 24:34

नोफा दाइश्‍शा नेनीने, एको जात मनुप्‍थु, आं देंशो थमा दुम्‍ब।