इजीकीएल 12:2 - Sunuwar Bible

² मार लोव़ पाप्‍तु देंशा हना “ए मुर, गे काइ मटीब खिं ङा मुर आन दातेम बाक्‍शो बाक्‍नेवे। मेको आन के मिक्‍च बाक्‍त हना यो, मताइनीम। मेको आन के नोफा बाक्‍त हना यो, मनेंनीम। येरमीया ५:२१

इजीकीएल 12:2 ပူးပေါင်းရင်းမြစ်များ

२ राजा 17:14

तन्‍न मेकोपुकीम आन थमा मसुइक्‍ब किकी पिपी खोदेंशो पा परमप्रभु यावे आ लोव़ मनेंथु, काइ मटीमे बाक्‍त।

२ राजा 17:15

मेकोपुकीम मेको आ फुल्‍लुम मुशा ब्रेक्‍शो लोव़, मेको आन किकी पिपी नु पशो कबल नु हिंच कोंइशो ममिम्‍तमे बाक्‍त। मेकोपुकी शोर गाक्‍शो मूर्ति आन नोले खोइश्‍शा, आंमा यो शोर गाक्‍शो दुम्‍शो बाक्‍मा बाक्‍त। मेको आन एर ओंथ बाक्‍ब रागी रागी ङा मुर आन नोले खोदमे बाक्‍त। परमप्रभु यावेमी मेको आन कली “गे मेको आन पशो खोदेंशो मपने” देंशा, अरेशो बाक्‍माक्‍त। प्रस्‍थान २३:२४

भजन संग्रह 78:40

मेकोपुकीमी गोरशो रागीम शुश खेयप परमप्रभु कली मटीमे। परमप्रभु कली मुर मबाक्‍तीकेमी श्‍येत गेम्‍तेक्‍म।

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 30:1

मिनु परमप्रभु यावेमी “आबी, गे काइ मटीब आलपुकी, गे आंम इन मिम्‍शो पाइनीनी। तन्‍न आं देंशो मटीनीनी। गे कबल का पाइनीनी। तन्‍न आं दाक्‍शो मिम्‍शो कबल ममाइ। पाप तारी पाप तेम्‍नीनी। यसैया १:२

यसैया 30:9

मारदे हना एको मुर काइ मटीब बाक्‍नीम। थमा मसुइक्‍ब आल बाक्‍नीम। मेको आलपुकीमी परमप्रभु यावे आ शेंतीक लोव़ नेंचा मदाक्‍नीम।

यसैया 43:8

मेको मिक्‍च बाक्‍शा यो मताइब, नोफा बाक्‍शा यो मनेंब आन कली ग्रुंइदीन।

यसैया 44:18

मेको मुरपुकीमी मारेइ मतुइक्‍थु, मरुप्‍नीम। मारदे हना मेको मिक्‍च मताइनीमी। आन थुं मरोक्‍सीशो बाक्‍ब। मेकोपुकी मारेइ मरुप्‍ब बाक्‍नीम।

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

यसैया 65:2

गो काइ मटीब मुर आन कली नाक्‍त रे आं गुइ हाम्‍शा वारच पाइक्‍चा माल्‍ता। मेकोपुकी आंम आन दला दाक्‍स पा मरिम्‍शो लां ला खोइक्‍तेक्‍म। रोमी १०:२१

येरमीया 4:17

मेकोपुकी रू खाल पाइक्‍बपुकी खोदेंशो पा, एर ओंथ नेल्‍ल हिरशा बाक्‍शो बाक्‍नीम। मारदे हना मेकेर ङा मुरपुकी आं कली काइ मटीब बाक्‍नीम” दे परमप्रभु यावेमी देंत। येरमीया १:१५; येरमीया ६:३

येरमीया 5:21

गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।

येरमीया 5:23

तन्‍न मेको मुर आन थुं खकटा नु काइ मटीब बाक्‍ब। मेकोपुकी हिरशा लाम्‍तेक्‍म।

येरमीया 7:26

तन्‍न मेकोपुकीमी आं लोव़ मनेनेम। आं लोव़मी आन नोफा मदाइक्‍तेम। मटीब ला दुम्‍तेक्‍म। मिनु मेकोपुकीमी आन किकी पिपी आन क्‍येङा यो शुश मरिम्‍शो पाम्‍‍तेक्‍म। येरमीया १६:१२

इजीकीएल 12:1

परमप्रभु यावेमी आं कली लोव़ पाप्‍तु।

इजीकीएल 12:25

मारदे हना गो, परमप्रभु यावे आं देंशो लोव़ पशा, खाप्‍नुङ। मेको देश मपाइब रीब पा दुम्‍ब। ए मटीब खिं ङा मुर, इन पालामीन गो आं देंशो लोव़ खाप्‍नुङ’ दे परमप्रभु, परमप्रभु यावेमी देंशो बाक्‍ब” देंत।

इजीकीएल 17:12

मार लोव़ पाप्‍तु देंशा हना “एको मटीब खिं ङा मुर आन कली ‘एको लोव़ आ अर्थ मार बाक्‍बा, मेको मतुइक्‍नीनी?’ दे हिल्‍लो पामी। मेको आन कली ‘बेबीलोन ङा पिप यरूसलेमम जाक्‍त। मिनु मेकोमी यरूसलेम ङा पिप नु आ ठेयब गेय पाइब आन कली बेबीलोनम लाइक्‍तीमी। २राजा २४:१०,१५,१६

इजीकीएल 2:3

मिनु मेकोमी आं कली “ए मुर, गो इ कली इस्राएल जात ङा मुर आन बाक्‍तीक सोइक्‍नन। मटीब रागी ङा मुर आन बाक्‍तीक सोइक्‍नन। मेकोपुकीम आं कली मटिशो बाक्‍नीम। मेको आन किकी पिपी नु मेकोपुकीम मुल सम्‍म हेंथे पा आं कली मटिशो बाक्‍नीम।

इजीकीएल 24:3

एको मटीब खिं ङा मुर आन कली, एको कथा नेंपाइक्‍मी। परमप्रभु, परमप्रभु यावेमी मार देंब देंशा हना ‘मी तार ग्‍योंब कादीन। मिनु मेकेर ब्‍वाक्‍कु लुक्‍तीन। इजीकीएल ११:३

इजीकीएल 3:9

गो इ थुं बोल्‍यो फुल्‍लु क्‍येङा बोल्‍यो चकमक खोदेंशो सेल्‍ता। गे मेको आन क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम” देंत।

इजीकीएल 44:6

मेको मटीब मुर, इस्राएल आ खिं ङा मुर आन कली परमप्रभु, परमप्रभु यावेमी इन कली ‘ए इस्राएल आ खिं ङा मुरपुकी, गे इन ग्रांग्रा दिशो गेय नेल्‍ल प्रोनीन।

मर्कूस 4:12

मारदे हना आन मिक्‍चीमी कोव़नीम, तन्‍न मताइनीम। आन नोफामी नेंनीम तन्‍न मरुप्‍‍नीम। कोव़शा रुप्‍‍तेक्‍म हना, आन थुं लेश्‍शा, आन पाप क्‍याम्‍चा ताम वा” देंमाक्‍त। यसैया ६:९-१०

लूका 8:10

येसुमी “इन कली परमप्रभु यावे आ राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍ब। अरु आन कली चहिं कथा सेल्‍शा शेंनुङमी। मिनु कोव़शा यो मतामेक्‍ल, नेंशा यो मरुप्‍मेक्‍ल। यसैया ६:९-१०

यूहन्‍ना 12:40

मिनु यसैयामी “परमप्रभु यावेमी मेको आन कली मिक्‍च मताइब सेल्‍तीमी। मोपा परमप्रभु यावे कली मतुइक्‍नीम। मेको आन कली मटीब सेल्‍तीमी। मोपा मेकोपुकीमी परमप्रभु यावे आ लोव़ रुम्‍ने मचबेम। मिनु परमप्रभु यावे कली ‘आं कली सापतीन’ दे मपुंइनीम” दे यो यसैयामी ब्रेक्‍शो बाक्‍त। मत्ती १३:१४-१५

२ कोरिन्‍थी 3:14

मोसामी इस्राएली आन कली परमप्रभु यावे आ देंशो लोव़ शेंदीमी बाक्‍त। मेकोपुकी चहिं मारेइ मरुप्‍ब दुम्‍मा बाक्‍त। मुल यो मरुप्‍ब बाक्‍नीम। साइ ङा लोव़ नेंपदमेनु, मेको आन थुं वाम गिल्‍शो खोदेंब दुम्‍शा, लोव़ मरुप्‍नीम। ख्रीस्‍तमी ला मेको आन थुंमी गिल्‍शो वा प्राक्‍शा रुप्‍ब सेल्‍ने चाप्‍ब। प्रेरित २८:२७; रोमी ११:२५

एफिसी 4:18

मेको आन थुं फुल्‍लु खोदेंशो पा खकटा दुम्‍तीके परमप्रभु यावे कली मतुइक्‍ब बाक्‍तेक्‍म। मोपतीके मेकोपुकी छिङछिङमी बाक्‍शो खोदेंशो पा परमप्रभु यावे कली रुम्‍ने मचाप्‍नीम। मिनु मोपा परमप्रभु यावे रे ङोन बाक्‍नीम। एफिसी २:१२

ब्‍यवस्‍था 29:3

गेपुकी मेको ठेयब नाक्‍तीके ताइतीनी। मिनु मेको ठेयब चिन्‍ड नु छक लाक्‍चा ङा गेय यो ताइतीनी। ब्‍यवस्‍था ४:३४; ब्‍यवस्‍था ७:१९

ब्‍यवस्‍था 29:4

तन्‍न मुल सम्‍म परमप्रभु यावेमी इन कली रुप्‍तीक थुं, कोव़तीक मिक्‍च नु नेंतीक नोफा मगेशो बाक्‍ब। ब्‍यवस्‍था ५:२६

ब्‍यवस्‍था 31:27

मारदे हना गो इन मरिम्‍शो पतीक नु इन मटितीके तुइक्‍नुङ। गो मुल सम्‍म गेपुकी नु बाक्‍शा यो, गेपुकी परमप्रभु यावे कली गन गन पा मटीब बाक्‍तीनी। गो बेक्‍ङा नोले दोशो मरिम्‍शो पाइनीनी?

ब्‍यवस्‍था 9:24

गो इन कली तुइक्‍तु रेन गे परमप्रभु यावे आ लोव़ मटिथु गन गन पाइतीनी।

ब्‍यवस्‍था 9:7

मिनु गेपुकी गोरशो रागीम परमप्रभु यावे, इन परमप्रभु कली दोपा गाइक्‍पाइक्‍नी, मेको मप्रेंदीन। इजीप्‍त रागी रे गे एक जाक्‍नी सम्‍म गे परमप्रभु यावे आ देंशो मटिशो बाक्‍तीनी।