इजीकीएल 12:10 - Sunuwar Bible

¹⁰ मेको आन कली “परमप्रभु, परमप्रभु यावेमी मार देंत देंशा हना ‘एको लोव़ यरूसलेम ङा सासन पाइब नु इस्राएल ङा मुर नेल्‍ल आन पर्बम बाक्‍ब’ दे माइक्‍मी।

इजीकीएल 12:10 ပူးပေါင်းရင်းမြစ်များ

२ राजा 9:25

मिनु येहूम आ लडाइ पाइब आन ठेयब मुर बिदकार कली “मेरे कली पोक्‍शा येज्रेली नाबोथ आ रूम ताइक्‍तो। गे नु गो मेको आ आफ आहाब नु शाराम काथ काथा लसानु, मेको आ पर्बम परमप्रभु यावेम लोव़ पशो गे तुइश्‍शो बाक्‍नेवे। १राजा २१:१९; यसैया १३:१; येरमीया २३:३३-४०

यसैया 13:1

आमोज आ तौ यसैयामी बेबीलोन आ पर्बम तशो नु तुइश्‍शो लोव़ एको बाक्‍ब। येरमीया २३:३३

यसैया 14:28

मिनु पिप आहाज बेक्‍शो बर्सम परमप्रभु यावेमी लोव़ पाप्‍तु। मार लोव़ पाप्‍तु देंशा हना, २राजा १६:२०

येरमीया 21:7

मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्‍तीक रोइ, तरवार नु अन्‍काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्‍चा माल्‍ब आन जोरी सत्रु आन गुइम जिम्‍मा गेनुङमी। मिनु मेकोमी मेको आन कली तरवारम साइक्‍पाइक्‍ब। मेकोमी मेको आन कली शिशी मपथु, मप्रोंइब नु दाक्‍तीके मकोंइथु, साइक्‍पाइक्‍ब’ मतीस” दे माइक्‍तीम्‍सी।

येरमीया 24:8

तन्‍न गो मेको जचान मदुम्‍चा ङा काइ मदारशो फोव़शी गेडा खोदेंशो पा यहूदा ङा पिप सिदकीयाह, मेको आ सरकार ङा गेय पाइब, यरूसलेम ङा लीशो मुरपुकी नु इजीप्‍त रागीमी बाक्‍ब आन कली मरिम्‍शो पाइनुङ। २राजा २४:१७-२०; ब्‍यवस्‍था २:३१; येरमीया २९:१६-१९

येरमीया 38:18

तन्‍न गे आंमान बेबीलोन ङा पिप आ ठेयब मुर आन गुइम जिम्‍मा मगेसाक्‍नी हना, एको सहर कल्‍दी आन गुइम गेंसीब। मिनु मेकोपुकीमी एको कली क्रोइक्‍नीम। मिनु गे मेको आन गुइ रे मब्रोंइनीनी’ देंशो बाक्‍ब” देंत।

इजीकीएल 12:3

मारदे हना मेकोपुकी मटीब मुर आन खिं ङा बाक्‍नीम। मोपतीके गे रागी रे ग्‍याइश्‍शा लाइक्‍चा पुंइसीशो मुर खोदेंशो पा इ कुम्‍लो खिक्‍सो। मिनु नाक्‍तीन मेको आन ङोंइती इ बाक्‍तीक रे ग्‍याइश्‍शा लाइक्‍चा पुंइसीशो खोदेंशो पा अर्को ठाउं लावो। मेकोपुकी मटीब खिं ङा मुर बाक्‍तेक्‍म हना यो, रुप्‍नीमी कों?

इजीकीएल 21:30

मेको तरवार आ खोतम पिप्‍तीन। गो इन कली इन जरमेशो रागीम निसाफ पाइनुङ।

इजीकीएल 7:27

पिपम रोंका पाइब। पिप आ तौ आन थुं लुक्‍च लाइब। रागी ङा मुर आन गुइ ख्रिंख्रि पाइनीम। मेको आन पशो खोदेंशो पन, गो मेकोपुकी नु पाइनुङ। गो मेको आन पशो कोव़शा, मेको आन कली निसाफ पाइनुङ। गो मेको आन आंम कानुन आ पर्बम निसाफ पाइनुङ। मिनु मेकोपुकीमी गो परमप्रभु यावे नङ, दे तुइक्‍नीम” देंत।

मलाकी 1:1

मलाकीमी इस्राएली आन कली परमप्रभु यावे आ पशो लोव़ देंत।