इजीकीएल 11:21 - Sunuwar Bible

²¹ तन्‍न मेको आन ग्रांग्रा दिशो मारेइ मारेइ मूर्ति आन नोले खोइक्‍ब आन कली आन पशो नेल्‍ल आन पियामीन मोइक्‍नुङमी, दे परमप्रभु, परमप्रभु यावेमी देंत’ दे मतो” देंत।

इजीकीएल 11:21 ပူးပေါင်းရင်းမြစ်များ

उपदेसक 11:9

ए ठिटा मुर, गे ठिटा बाक्‍ङेनु ग्‍येरसो। इ थुंमी गे ठिटा बाक्‍ङेनु ग्‍येरपदल। इ त‍शो नु इ थुंमी मिम्‍शो आस नोले खोतो। तन्‍न परमप्रभुमी मेको नेल्‍ल तुइश्‍शा निसाफ पाइब, दे मिम्‍तो। उपदेसक २:२४

येरमीया 1:16

मेकोपुकीमी आं कली प्रोंइशा, आं अरेशो मटितीके, गो मेको आन पर्बम आं निसाफ नेंपाइक्‍नुङमी। मेकोपुकीमी अरु देवी देवता आन कली धूप चोम्‍तेक्‍म। मिनु आन गुइमी सेल्‍शो देवी देवता आन कली पूजा पाम्‍तेक्‍म।

येरमीया 16:11

मिनु गे मेको आन कली ‘इन किकी पिपीमी आं कली प्रोंइशा, देवी देवता आन नोले खोइश्‍शा, मेको आन कली पूजा पा ठेयब सेल्‍तेक्‍म। मोपा आं कली प्रोंइशा आं अरेशो मपामे।

येरमीया 16:18

गो मेको आन मरिम्‍शो पशो नु आन पाप आ पर्बम मेको आन कली निक्‍शी खेयप सजाइ गेनुङमी। मारदे हना मेकोपुकीमी सोक्‍ती मपाइश्‍शो मूर्तिपुकीम आं रागी ग्रांग्रा दिशो सेल्‍तेक्‍म। मिनु आं थेरशो रू आन ग्रांग्रा दिशो देवी देवताम प्रिंताक्‍म” देंत। यसैया ४०:२

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

येरमीया 2:20

परमप्रभु यावेमी “साइ ङोंइती रे गे इ जुवा जिक्‍तीवी। मिनु इ डोरी प्रोइक्‍तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्‍ल आन पुंम तेल्‍लेम पाप्‍तीवी। यसैया ५७:५५; इजीकीएल ६:१३

इजीकीएल 11:18

मिनु मेकोपुकी लेश्‍शा जाक्‍शा, मेकेर ङा ग्रांग्रा दिशो थोव़क नु मूर्ति नेल्‍ल ग्रुंइशा ताइक्‍नीम।

इजीकीएल 14:3

मार लोव़ पाप्‍तु देंशा हना “ए मुर, एको खाल्‍पापुकीम आन मूर्ति आन आन थुंम वोइश्‍शो बाक्‍तेक्‍म। मिनु मरिम्‍शो पा दाइल पांइसीतीक फुल्‍लु यो आन ङोंइती वोइश्‍शो बाक्‍नीम। मार, आन हिल्‍लो पशो लोव़ गो लेत्‍चा माल्‍नुङा, ङा?

इजीकीएल 16:43

मारदे हना गे इ ठिटी बाक्‍ङे ना ङा नाक्‍त ममिम्‍ती। तन्‍न एको गेय नेल्‍लेमी आं कली गाइक्‍पाइक्‍ती। मोपतीके गो इ पशो इ पियामीन मोइक्‍ता। गे इ अरु ग्रांग्रा दिशो गेय नेल्‍ल प्रोंइशा यो इ पतीक नेल्‍ल मरिम्‍शो सेल्‍शा, इ गेय मतेम्‍दी ङा? गे मूर्ति पूजा पाइब क्‍येङा मरिम्‍शो पाइब मनवे ङा?” देंत।

इजीकीएल 20:16

मारदे हना मेकोपुकीम आं निसाफ पतीक लोव़ होस पा मपाम। मिनु फुल्‍लुम मुशा ब्रेक्‍शो लोव़ मटीम। मिनु आं नाइक्‍तीक नाक्‍ती ग्रांग्रा दिशो सेल्‍तेक्‍म। मारदे हना मेको आन थुं आन मूर्ति गे हिरशो बाक्‍तेक्‍म।

इजीकीएल 20:31

गेपुकीम मेको आन कली चढ़ेनीनी। गे इन आल आन कली चोशा चढ़ेनीनी। मिनु मुलाक्‍ती सम्‍म यो गे इन मूर्ति पूजा पतीकेम आंम इन कली ग्रांग्रा दिशो सेल्‍सीशो बाक्‍नीनी। ए इस्राएल आ खिं ङा मुरपुकी, गो ब्रोंइशा बाक्‍शो खोदेंशो पा, गे आं कली हिल्‍लो पचा मताइनीनी” दे परमप्रभु, परमप्रभु यावेमी देंत।

इजीकीएल 20:38

इन दाते ङा आं कली मटीब नु मरिम्‍शो पाइब आन कली तिल्‍नुङमी। गो मेको आन कली अर्को रागी ङा मुर दुम्‍शा बाक्‍शो रागी रे ग्रुंइनुङमी। तन्‍न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्‍नीनी।

इजीकीएल 22:31

मोपतीके गो आ गाइश्‍शो मेको आन तार मोइक्‍नुङ। आं चुरशो मीमी मेको आन कली खतम सेल्‍‍नुङमी” दे परमप्रभु, परमप्रभु यावेमी देंत। इजीकीएल २१:३६

इजीकीएल 7:3

मुल गे नुप्‍नेवे। गो इ कली तशा गाइक्‍ताक्‍ङ। गो इ पशो खोदेंशो पा इ कली निसाफ पाइक्‍नुङ। गो इ कली इ मूर्ति पूजा पशो आन पर्बम सजाइ गेनुङ।

इजीकीएल 7:4

गो इ कली शिशी मपथु, सुइ आन कली ब्रोंइचा मगेनुङ। गो इ कली इ गेय आ पर्बम नु इ मूर्ति पूजा आ पर्बम सजाइ गेनुङ। मिनु गे, गो परमप्रभु यावे नङ, दे तुइक्‍नेवे’ ” देंत। इजीकीएल ५:११; इजीकीएल ८:१८; इजीकीएल ९:१०

इजीकीएल 7:8

मुल गो रीब पा गाइक्‍नुङ। मिनु आं चुरशो इ तार मोइक्‍नुङ। गो इ पशो खोदेंशो पा इ कली निसाफ पाइनुङ। मिनु इ मूर्ति पूजा पशो नेल्‍ल आन पर्बम सजाइ गेनन।

इजीकीएल 9:10

मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४

हिब्रू 10:38

आं ठीक पाइब मुरपुकीमी आं कली थमा सुइश्‍शा, ब्रोंइशा बाक्‍नीम। नोले शोंइ‍साक्‍म हना, मेको आन कली तशा मग्‍येरनुङ” दे ब्रेक्‍शो बाक्‍ब। हबकुक २:३-४; रोमी १:१७

यहूदा 1:19

मेकोपुकीम मुर आन कली ब्रापाइक्‍नीम। परमप्रभु यावे कली ममिम्‍थु, परमप्रभु यावे आ सोक्‍त मपाइश्‍शो बाक्‍नीम। १कोरिन्‍थी २:१४