2 मिनु परमप्रभु यावेमी आं कली “ए मुर, मेकोपुकीम एको सहरम मरिम्शो पचा कली नु परमप्रभु यावे आ अरेशो लोव़ मटिचा कली अर्ती गेशा शेंशो बाक्तेक्म।
मिनु एस्तरमी लेंशा पिप आ खोइलीम बाप्शा, ङाक्शा नमो सिमो पा “अगाग आ मुर हामानमी यहूदी आन पर्बम ब्रेक्शो मरिम्शो ब्रेक्स क्याम्शा गेन” दे पुंइतु।
मेको आन ब्राख्येम बाक्मानु, आन मरिम्शो पतीक ला मिम्ना मिम्न बाक्नीम। मेको मरिम्शो लां खोइक्नीम। मेकोमी आन थुंमी “मरिम्शो पशो ग्रांग्रा दिशा मपाइनीकी” दे मदेंनीम। मीका २:१
परमप्रभु यावे, इन गेना हना यो दाक्तीके सरीङ सम्म जाक्दीश्शो बाक्ब। इन दाक्शा मप्रोंइतीके गोस्स क्येङा इर बाक्ब।
गे नाक्त रे खतम सेल्चा आ पर्बम मिम्नीनी? इन शोव़ शेप्शो करद खोदेंशो बाक्ब। गे जोल पाइब ला बाक्नीनी।
मिनु परमप्रभु यावेमी “आबी, गे काइ मटीब आलपुकी, गे आंम इन मिम्शो पाइनीनी। तन्न आं देंशो मटीनीनी। गे कबल का पाइनीनी। तन्न आं दाक्शो मिम्शो कबल ममाइ। पाप तारी पाप तेम्नीनी। यसैया १:२
सुइमी ठीक निसाफ मपाइनीम। सुइमी ठीक निसाफ पाइक्चा मपुंइसीनी। गे जाम्शा लाइब कली थमा सुइश्शा, जोल पाइनीनी। मेकोपुकीम हेंथे पतीकेम ब्रीशा, मरिम्शो पतीके ला थीनीम। भजन संग्रह ७:१५
मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्याम्ब। जोक्ब तुइक्ब आन अर्ती यो मग्याम्ब। मिनु परमप्रभु यावे आ लोव़ पाइब आन देंशो लोव़ यो मजाम्ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्म।
गो शुश क्येट थीब मुर आन बाक्तीके लशा, मेको आन कली लोव़ पाइनुङ। मेकोपुकीम थमा पा परमप्रभु यावे आ लां, आन परमप्रभु आ अरेशो यो तुइक्नीम” देंती। तन्न मेकोपुकी खाल का ङा दुम्शा, जुवा जिक्शो बाक्तेक्म। मिनु डोरी यो प्रोइश्शो बाक्तेक्म। येरमीया २:२०
हिंचा ङा श्येत क्येङा हिंचा ङा श्येत जाक्ब। हिंचा ङा लोव़ क्येङा हिंचा ङा लोव़ नेंसीब। मेकोपुकीम परमप्रभु यावे आ लोव़ पाइबपुकी रे ‘मुल मार दुम्बा’ दे तुइक्चा माल्नीम। चढ़ेबपुकीमी मुर आन कली मशेंनीम। खाल्पा आन अर्ती गेतीक जाम्शा लने थुम्शो बाक्ब।
निनवे, परमप्रभु यावे कली मरिम्शो पचा कली लोव़ गारपाइक्ब नु काइ मरिम्शो सल्ला पाइब इ दाते रे ग्रूशो बाक्नीम।