इजीकीएल 11:19 - Sunuwar Bible

¹⁹ मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७

इजीकीएल 11:19 ပူးပေါင်းရင်းမြစ်များ

२ राजा 22:19

गे आं कली टिचा दाक्‍शा, इ थुं आं ङोंइती ब्रेम्‍शो दुम्‍शा, गे सुर्ता पा इ वा खाक्‍शो ताता। मारदे हना गो यहूदा रागी नु मेकेर ङा मुर आन पर्बम सराप रशा, मुर मबाक्‍तीक दुम्‍ब, देंती। गे मेको आ पर्बम आं ङोंइती ङाक्‍शो नेंता।

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

भजन संग्रह 51:10

परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। मत्ती ५:८; इजीकीएल ३६:२६-२७

यसैया 48:4

गे मटीब बाक्‍नीनी। इन शुर फलाम खोदेंशो बाक्‍ब। इन कुप्‍फी कांसा खोदेंशो बाक्‍ब। गो मेको तुइश्‍शो बाक्‍नुङ।

येरमीया 24:7

मिनु गो मेको आन कली ‘गो परमप्रभु यावे नङ’ दे आं कली तुइक्‍तीक थुं गेनुङमी। मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। मारदे हना मेको आन थुं नेल्‍लेमी आं गे लेत्‍नीम। येरमीया ३१:३३-३४; येरमीया ७:२३

येरमीया 31:33

तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३

इजीकीएल 18:31

गे इन आं कली हेंथे पशो नेल्‍ल प्रोंइशा, गे नक थुं नु नक सोक्‍ती ताक्‍कीन। ए इस्राएल आ खिं ङा मुर, गे मारदे बेक्‍चा दाक्‍नीनी? इजीकीएल ११:१९

इजीकीएल 37:14

गो आं सोक्‍त इन कली कुर पाइक्‍नन्‍नी। मिनु गे ब्रोंइनीनी। मिनु गो इन कली आंम इन रूम बाक्‍पाइक्‍नुङ। मिनु गेपुकीम गो परमप्रभु यावेमीन एको लोव़ पाता। मिनु मेको पाइनुङ, दे तुइक्‍नीनी’ देनो” दे परमप्रभु, यावेमी देंत।

सेफन्‍याह 3:9

मेना जात जात ङा मुर आन कली रिम्‍शो लोव़ पाइब सेल्‍नुङ। मिनु मेको नेल्‍लेमी परमप्रभु यावे कली पुंइशा ठेयब सेल्‍मेक्‍ल। मेको नेल्‍ल गारशा आ गेय पामेक्‍ल।

जकरिया 7:12

मेकोपुकीमी परमप्रभु यावे आ अरेशो नु आ लोव़ मनेंचा ङा पा आन थुं खकटा सेल्‍तेक्‍म। ङोंइती मुर नेल्‍ल आन परमप्रभु यावेमी आ सोक्‍त रे पा आ अरेशो लोव़ नु मुर आन कली पतीक लोव़ पथ आ लोव़ पाइब आन कली सोइश्‍शो बाक्‍त। मोपतीके मुर नेल्‍ल आन परमप्रभु यावे शुश गाइश्‍शो बाक्‍ब। यसैया ४८:४

लूका 11:13

गे, मरिम्‍शो पाइब बाक्‍तीनी हना यो, इन आल आन कली रिम्‍शो थोव़क गेने चाप्‍नीनी, इन पशो क्‍येङा स्‍वर्गम बाक्‍ब इन आफोमी आ तमी तौ आन कली आन पुंइशो गेब। मेकोपुकीमी ‘इन सोक्‍त गेकी’ दे पुंइतेक्‍म हना, आ सोक्‍त यो गेब” दे शेंदीमी बाक्‍त।

यूहन्‍ना 14:26

आं नेंमी आं आफोमी इन कली वारच पाइब आ सोक्‍त सोइक्‍ब। मेको सोक्‍तीमी इन कली मारेइ मारेइ शेंब नु आं देंशो लोव़ नेल्‍ल फ्रुक्‍पाइक्‍ब।

प्रेरित 4:32

मिनु थमा सुइक्‍ब आन थुं नेल्‍ल कांइचीक दुम्‍शा, मेकोपुकी नु बाक्‍शो मारेइ मारेइ नेल्‍ल इं के मिम्‍बाक्‍मा बाक्‍त। सुइमी यो आं के, इं के मदेंबाक्‍मा बाक्‍त। प्रेरित २:४४

रोमी 11:2

ङोंइती रे परमप्रभु यावेमी आ योव़शो मुर आन कली मप्रोंइमी। एलीयामी इस्राएली आन पशो आ पर्बम परमप्रभु यावे कली दें‍शो लोव़ मिम्‍तीन।

१ कोरिन्‍थी 1:10

आं लोक्‍बपुकी, इं प्रभु येसु ख्रीस्‍त आ नेंमी, इन कली अर्ती गेनन्‍नी। लोव़ का, शोव़ का नु थुं का दुम्‍शा बाक्‍चा मप्रोनीन। १कोरिन्‍थी ११:१८; रोमी १५:५; फिलिप्‍पी २:२

२ कोरिन्‍थी 3:3

गे ख्रीस्‍तमी ब्रेक्‍शो चिठी दुम्‍तीनी। कागज मसीमी ब्रेक्‍शो ममाइ। फुल्‍लु मुशा ब्रेक्‍शो यो ममाइ। ब्रोंइचा गेब परमप्रभु यावे आ सोक्‍तीमी इन थुंमी ब्रेक्‍शो बाक्‍ब। प्रस्‍थान २४:१२

२ कोरिन्‍थी 5:17

सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। रोमी ८:१०; गलाती २:२०; गलाती ६:१५; प्रकाश २१:५

गलाती 6:15

ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७

एफिसी 4:23

मिनु इन थुंमी बाक्‍शो माइत सोक्‍त नक सेल्‍चा गेने। रोमी १२:२

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९