इजीकीएल 10:5 - Sunuwar Bible

⁵ मेको करूब आन फ्रां आन रेयके लाङगा सम्‍म नेंसी बाक्‍त। मेको परमप्रभु यावे ब्‍वाक्‍शो खोदेंशो पा नेंसी बाक्‍त।

इजीकीएल 10:5 ပူးပေါင်းရင်းမြစ်များ

१ राजा 7:9

मेको खिं नेल्‍ल शुश क्‍येट लाइब फुल्‍लु रे पा सेल्‍शो बाक्‍मा बाक्‍त। मेको फुल्‍लु नेल्‍ले गारपा अराम ख्रोइश्‍शो बाक्‍माक्‍त। मेको खिं इर रे उइ सम्‍म नु खिंङगा रे लाङगा सम्‍म मोदेंशो फुल्‍लु के सेल्‍शो बाक्‍मा बाक्‍त।

२ इतिहास 4:9

मेकोमी चढ़ेब आन बाक्‍तीक लाङगा, ठेयब लाङगा नु लाङगा ङा लाप्‍चोपुकी सेल्‍पदा बाक्‍त। मिनु लाप्‍चो आन कली कांसाम गिल्‍पदा बाक्‍त।

अय्‍युब 40:9

मार इ सक्ति परमप्रभु के खोदेंशो बाक्‍बा? गे बुंबु पशो सेंदा खोदेंशो पा ग्रीने चाप्‍नेवे?

भजन संग्रह 68:33

परमप्रभु ङोंइती रे स्‍वर्गम बाक्‍ब। मेको आ सेंदा बुंबु पशो खोदेंशो सक्ति पाइश्‍शो बाक्‍ब।

भजन संग्रह 77:17

मिनु गोस्‍सुमी रेउ यिपाइक्‍तेक्‍म। सरीङ रे ठेयब बुंबु पाप्‍तु। इन चिला तेइ तेइ ब्रत।

प्रस्‍थान 19:16

मिनु मेको आ नित्‍थ नाक्‍ती डांडा तार बुंबु पा, चिला पा, ठेयब गोस्‍स का ग्रूत। मिनु तुराही का थम ठेयब सेंदा पा ग्री‍त। मेको नेंशा, इस्राएलीपुकी हिंशा, ङोन लशा, बाक्‍तेक्‍म।

प्रस्‍थान 19:19

तुराही आ सेंदा शुश ठेयब दुम्‍मेनु, मोसामी परमप्रभु नु लोव़ पाप्‍तु। मिनु परमप्रभुम बुंबु पशो खोदेंशो पा मोसा कली लोव़ लेत्‍ताक्‍व। प्रस्‍थान ३३:११; प्रेरित ७:३८

यसैया 6:8

मिनु परमप्रभु यावेमी “गो सु कली सोइक्‍नुङा? आंइ पर्बम सु लाइबा?” दे लोव़ पशो नेंता। मिनु “गो बाक्‍ती। आं कली सोइक्‍तीनी” देंती।

इजीकीएल 1:24

मेको गाक्‍मानु, गो मेको आन फ्रां आन रेयके, ठेयब समुन्‍द्र आ रेयके खोदेंशो नेंता। मेको रेयके नेल्‍ल क्‍येङा सक्ति पाइश्‍शो बुंबु पाइब नु लडाइ पाइब आन ग्रांग्‍ये माग्‍ये पोक्‍शो रेयके खोदेंशो नेंता। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।

इजीकीएल 10:6

मिनु परमप्रभु यावेमी मेको सुती के वा फेक्‍शो मुर कली “मेको गुगील आन दातेम लशा करूब आन दाते ङा मी पितो” दे अरेवानु, मेको गुगील आ नेक्‍था राप्‍त।

इजीकीएल 40:17

मिनु मेकोमी आं कली परमप्रभु यावे आ खिं ङा लाङगा गे ङा अर्को लाङगाम चाक्‍ती। मेकेर कोठा बाक्‍तेक्‍म। लाङगा आ एर ओंथ फुल्‍लु ब्रशो बाक्‍तेक्‍म। मिनु मेको फुल्‍लु ब्रशो खपीम ३० ओटा कोठा बाक्‍तेक्‍म।

इजीकीएल 46:21

मिनु नोले मेकोमी आं कली लाङगा गे ङा लाङगा ङा ४ सुर कोंइताक्‍यी।