इजीकीएल 10:22 - Sunuwar Bible

²² मेको आन कुल केबार खोला आ नेक्‍था आं तशो सोक्‍त पाइश्‍शो आन कुल खोदेंशो बाक्‍तेक्‍म। मेकोपुकी तेइ लमानु, ङोंइती गे पा गाक्‍बाक्‍तेक्‍म।

इजीकीएल 10:22 ပူးပေါင်းရင်းမြစ်များ

इजीकीएल 1:1

मिनु ३० बर्स ङा ४ महिना ङा ५ नाक्‍ती ग्‍याइश्‍शा लाइक्‍चा पुंइसीशोपुकी नु गो केबार खोला आ नेक्‍था बाक्‍शो नङ। मिनु मेना सरीङ रोक्‍साक्‍व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३

इजीकीएल 1:10

मेको आन कुल दोदेंशो बाक्‍तेक्‍म देंशा हना, मेको नेल्‍ल का का पा ४ ओटा कुल बाक्‍तेक्‍म। ङोंइती ङा कुल मुर आ कुल खोदेंशो बाक्‍त। आ ग्‍युरा गे ङा कुल गुप्‍स आ कुल खोदेंशो बाक्‍त। पेरा गे ङा कुल ब्‍यफ के खोदेंशो बाक्‍त। मिनु आन नोले गे ङा कुल ककाकुली के खोदेंशो बाक्‍त।

इजीकीएल 1:12

मेको नेल्‍ल ग्‍येत्‍थ ङोंइती गे गाक्‍बाक्‍तेक्‍म। सोक्‍त ते ते लमे, मेक मेक लाइबाक्‍तेक्‍म। मेको आन कुल महिरथु गाक्‍बाक्‍तेक्‍म।

इजीकीएल 1:9

मेको आन फ्रां थिमुशो बाक्‍तेक्‍म। मेकोपुकी तेइ लमानु ङोंइती गे पा गाक्‍बाक्‍तेक्‍म। आन कुल एर ओंथ महिरथु ग्‍येत्‍थ गाक्‍बाक्‍तेक्‍म।

इजीकीएल 10:11

मेकोपुकी गाक्‍मानु, तेइ महिरथु ग्‍येत्‍थ गे उत्तर, दक्‍खिन, पूर्ब नु पच्‍छिम गे गाक्‍बाक्‍तेक्‍म। मेको ङोंइती ङा गुगील ते ते लमे, अर्को यो मेक मेक गे लाइबाक्‍तेक्‍म।

इजीकीएल 10:21

मेको नेल्‍ल आन के ४ ओटा कुल नु ४ ओटा फ्रां बाक्‍तेक्‍म। मिनु मेको आन फ्रां आगाम मुर आन गुइ खोदेंशो बाक्‍तेक्‍म।

इजीकीएल 11:1

मिनु सोक्‍तीम आं कली क्‍युक्‍‍शा, परमप्रभु यावे आ खिं ङा पूर्ब गे ङा लाप्‍चोम चाक्‍ती। मेको पूर्ब गे कोव़शो बाक्‍त। मिनु मेको आगा ओव़तीके‍मी २५ जना मुर बाक्‍तेक्‍म। गो मेको आन दातेम इस्राएल ङा ठेयब मुर अज्‍जुर आ तौ याजन्‍याह नु बेनायाह आ तौ पेलात्‍याह आस कली यो तातासी। इजीकीएल ३:१२

इजीकीएल 43:3

मेको आं ङोंइती तशो परमप्रभु यावेमी सहर कली खतम सेल्‍ची ना जाक्‍मेनु, कोंइतीक खोदेंशो बाक्‍त। मेको केबार खोला आ नेक्‍थाम तशो कोंइतीके खोदेंशो बाक्‍त। मिनु गो खुम्‍की पा बाप्‍ती। इजीकीएल ८:-११:-; इजीकीएल १:-

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।