इजीकीएल 10:14 - Sunuwar Bible

¹⁴ मेको करूब नेल्‍ल आन के ४ ओटा कुल बाक्‍तेक्‍म। ङोंइती ङा कुल करूब के, मेको आ नोले ङा कुल मुर के, मेको आ नोले ङा कुल गुप्‍स के नु नेल्‍ल क्‍येङा नोले ङा कुल ककाकुली के खोदेंशो बाक्‍तेक्‍म। इजीकीएल १:१०

इजीकीएल 10:14 ပူးပေါင်းရင်းမြစ်များ

१ राजा 7:29

मेको वोइक्‍तीकेमी ब्‍यफ, गुप्‍स नु करूब आन बुटा आप्‍शो बाक्‍मा बाक्‍त। मेको आन दी गे यो झुम्‍का क्‍‍याइश्‍शो बाक्‍मा बाक्‍त।

१ राजा 7:36

मिनु मेकोमी मेकेर तेक तेक श्‍येत्‍थ बाक्‍मा, मेक मेक गुप्‍स, करूब नु खजूर रवा आन बुटा आबा बाक्‍त। मेको आन एर ओंथ नेल्‍ल मुशा सेल्‍शो कांसा के मालापुकी सेला बाक्‍त।

इजीकीएल 10:13

गो मेको आन कली “गेय पाइब गुगील” देंशो नेंता।

इजीकीएल 10:21

मेको नेल्‍ल आन के ४ ओटा कुल नु ४ ओटा फ्रां बाक्‍तेक्‍म। मिनु मेको आन फ्रां आगाम मुर आन गुइ खोदेंशो बाक्‍तेक्‍म।

इजीकीएल 41:19

मेको करूब आ मुर आ कुल खजूर रवा का गे कोव़शो, नु अर्को ठिटा गुप्‍स आ कुल खोदेंशो अर्को खजूर रवा गे कोव़शो बाक्‍त। मेको परमप्रभु यावे आ खिं ङा गारो नेल्‍लेम मुशा बुटा आप्‍शो बाक्‍तेक्‍म।

प्रकाश 4:7

मेको सेस जन्‍तुपुकी दोदेंब तांइसाक्‍म देंशा हना, ङोंइती ङा जन्‍तु गुप्‍स खोदेंशो तांइसाक्‍व, अर्को सेस जन्‍तु बोहोर खोदेंशो तांइसाक्‍व। नोले ङा सेस जन्‍तु आ कुल मुर के खोदेंशो तांइसाक्‍व। मिनु नेल्‍ल क्‍येङा नोले ङा सेस जन्‍तु बेरशो ककाकुली खोदेंशो तांइसाक्‍व। इजीकीएल १०:१४