13 गो मेको आन कली “गेय पाइब गुगील” देंशो नेंता।
मिनु गो मेको सोक्त पाइश्शोपुकी कोव़ङुनु, मेको ४ ओटा सोक्त पाइश्शो आन नेक्था खपीम गुगील तातामी। मेको नेल्ल आन गुगील का का बाक्त।
मेको आन रां नेल्ल, मेको आन ची, मेको आन गुइ, फ्रां नु मेको ४ ओटा करूब आन गुगील नेल्ल मिक्ची मिक्च पाइश्शो बाक्तेक्म।
मेको करूब नेल्ल आन के ४ ओटा कुल बाक्तेक्म। ङोंइती ङा कुल करूब के, मेको आ नोले ङा कुल मुर के, मेको आ नोले ङा कुल गुप्स के नु नेल्ल क्येङा नोले ङा कुल ककाकुली के खोदेंशो बाक्तेक्म। इजीकीएल १:१०
मिनु परमप्रभु यावेमी मेको सुती के वा फेक्शो मुर कली “करूब आन दी गे बाक्शो गुगील आन दातेम लावो। मिनु मेको करूब आन दातेम बाक्शो मी आ कोइला हुइश्शा, सहर आन तार फ्रावो” दे माइक्तु। मिनु आं कोव़ना कोव़न, मेको आगा ओव़त। इजीकीएल ९:२; प्रकाश ८:५
