Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




इजीकीएल 1:4 - Sunuwar Bible

4 मिनु गो कोव़ङुनु, उत्तर रे फश गिवार यिशो ताता। ठेयब छेङछेङ पाइश्‍शो गोस्‍स ताता। मेको आ दाते रे चिला दाप्‍शो खोदेंशो पा आ एर ओंथ नेल्‍ल छेङछेङ दुम्‍शो बाक्‍त। मिनु चिला खोदेंशो पा एर ओंथ दोरत। मिनु मेको मी आगा रे कांसा खोदेंशो जिल जिल पा ब्रशो तांइसाक्‍व। प्रकाश ४:-

အခန်းကိုကြည့်ပါ။ ကော်ပီ




इजीकीएल 1:4
35 ပူးပေါင်းရင်းမြစ်များ  

मिनु परमप्रभु यावेमी “ग्रूङो, आं ङोंइती डांडाम रपो” देंमाक्‍त। मारदे हना परमप्रभु यावे मेकेर रे लन लन बाक्‍माक्‍त। मिनु परमप्रभु यावे आ ङोंइङोंइती ठेयब फश गिवार डांडा आन कली प्रोल्‍ना प्रोल्‍न नु फुल्‍लु आन कली ख्रिन्‍ना ख्रिन्‍न जाक्‍माक्‍त। तन्‍न परमप्रभु यावे मेको फशेम मबाक्‍माक्‍त। मेको आ नोले ठेयब ख्रिनु कुमाक्‍त। तन्‍न परमप्रभु यावे मेको ख्रिनुमी यो मबाक्‍माक्‍त। प्रस्‍थान ३३:२२


मिनु मेको निक्‍शी लोव़ पना पन गाक्‍सा बाक्‍त। मिनु रीब पा मी ब्रशो बग्‍गी नु शारापुकी ग्रूमा बाक्‍त। मिनु मेकोपुकीमी मेको निक्‍शी आस कली फ्रादमे बाक्‍त। मिनु एलीया फश गिवारम क्‍युक्‍शा इर सरीङ लाइक्‍चा पुंइसे बाक्‍त। उत्‍पत्ती ५:२४


मिनु तुराही ताप्‍बपुकी नु कुम्‍सो पाइबपुकीम खाल का ङा सेंदा पा “परमप्रभु यावे, गे ठेयब बाक्‍नीनी। गे रिम्‍शो पाइब बाक्‍नीनी” दे कुम्‍सो पतीक मेको आन गेय बाक्‍माक्‍त। मिनु मेकोपुकीम तुराही, बुप्‍केल नु अरु ताप्‍तीक ताप्‍शा, परमप्रभु यावे कली “गे रिम्‍शो पाइब बाक्‍नीनी। इन दाक्‍तीके गेना हना यो लीब” दे कुम्‍सो पामे बाक्‍त। मिनु परमप्रभु यावे आ खिं गोस्‍सुम ब्रीमाक्‍त। १इतिहास १६:३४; भजन संग्रह १०६:१


मिनु परमप्रभु यावेमी अय्‍युब कली फश गिवार रे पा लोव़ लेश्‍शा, अय्‍युब ३१:३५


आंइ परमप्रभु जाक्‍शा, सिक्‍सी पा मबाक्‍ब। मेको आ ङोंइती ग्राव ग्रु दाक्‍ब मी ब्राइब। मिनु आ एर ओंथ नेल्‍ले कुमीर गिमीर पा फश गिवार पाइब।


चिला पना पन मुप्‍स यि‍त। मेको मुप्‍स थम कोल्‍कोल्‍शो बाक्‍तेक्‍म। इजीप्‍त रागीम मुर बाक्‍चा गोव़मे रे मोमो कोल्‍शो मुप्‍स गेनायो मतशो बाक्‍तेक्‍म।


मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।


मिनु परमप्रभु यावेम समुन्‍द्र आ नेक्‍था ङा गोरशो रागी आ पर्बम यसैया कली “नेगेब रे फश पिना पिन बाक्‍ब। मेको गोरशो रागी रे पीब। मेको हिंचा ङा रागी बाक्‍ब।


कोव़ङीन परमप्रभु यावे आ गाइश्‍शो फश गिवार खोदेंशो पा बोक्‍ब। परमप्रभु यावे आ अरेशो लोव़ मटीब आन पियामी फश गिवार जुक्‍ब।


मुर नेल्‍ल आन परमप्रभु यावेमी “कोव़ङीन शुश श्‍येत दुम्‍तीक रागी का रे अर्को रागी सम्‍म ब्रना ब्रन लाइब। रागी आ सुर रे हिंचा ङा फश गिवार जाक्‍ना जाक्‍न बाक्‍ब” देंत।


गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३


सियोन गे लचा कली छेदर क्‍युक्‍कीन। ब्रोंइचा आ पर्बम देश मपथु रीब पा प्रोक्‍शा लने। मारदे हना गो उत्तर रे ठेयब श्‍येत नु खतम दुम्‍तीके चाक्‍नुङ। येरमीया १:१४


परमप्रभु यावेमी “बेन्‍यामीन आ आलपुकी ब्रोंइशा बाक्‍चा कली यरूसलेम रे प्रोक्‍कीन। तेकोहा सहरमी तुराही ताप्‍पीन। बेथ-हक्‍केरेम तार चिन्‍ड कोंइशा वोतीन। मारदे हना उत्तर रे मरिम्‍शो पतीक नु खतम दुम्‍तीके यिशो बाक्‍ब। आमोस १:१; येरमीया १:१४


मिनु मेको आ क्रातो ङा ग्‍येत्‍थ ब्रशो जिलजिल पाइश्‍शो कांसा चुप्‍लुम ब्रशो मी खोदेंशो ताता। आ क्रातो ङा लुक्‍चु मी खोदेंशो पा ब्रशा शुश छेङछेङ बाक्‍त।


गे मेको बुलु ब्रुइ‍क्‍ब आन कली “थाम्‍पा ठेयब रेउ यीब। मिनु ठेयब मुप्‍स यीनीम। मिनु फश गिवार जाक्‍ब।


मोपतीके परमप्रभु, परमप्रभु यावेमी “गो आं गाइश्‍शोम थम हिंचा ङा फश गिवार पपाइक्‍नुङ। मिनु आं चुरशोम खतम पोक्‍चा कली रेउ नु मुप्‍स जाक्‍ब।


मेको आं ङोंइती तशो परमप्रभु यावेमी सहर कली खतम सेल्‍ची ना जाक्‍मेनु, कोंइतीक खोदेंशो बाक्‍त। मेको केबार खोला आ नेक्‍थाम तशो कोंइतीके खोदेंशो बाक्‍त। मिनु गो खुम्‍की पा बाप्‍ती। इजीकीएल ८:-११:-; इजीकीएल १:-


मिनु गो कोव़ङुनु, मुर खोदेंशो का ताता। मिनु मेको आ क्रातो ङा लुक्‍चु ब्रशो मी खोदेंशो नु आ क्रातो ङा ग्‍येत्‍थ जिलजिल पा टल्‍केशो कांसा खोदेंशो बाक्‍त। इजीकीएल १:२७; इजीकीएल १:४


क्‍येर शारा पाइश्‍शो बग्‍गी उत्तर रागी गे लाइ‍ब। बुश शारा पाइश्‍शो बग्‍गी पच्‍छिम रागी गे लाइ‍ब। पाङग्रे शारा पाइश्‍शो बग्‍गी दक्‍खिन रागी गे लाइ‍ब” देंत।


इं परमप्रभु यावे नेल्‍ल खतम सेल्‍ब मी खोदेंशो बाक्‍ब। हिब्रू १०:३१; ब्‍यवस्‍था ४:२४


आ खोइली याप्‍पाइश्‍शा टल्‍केशो कांसा खोदेंशो तांइसाक्‍व। मिनु आ सेंदा ठेयब खोला आन रेयके खोदेंशो नेंसाक्‍व।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ