प्रस्‍थान 9:29 - Sunuwar Bible

²⁹ मिनु मोसामी “गो सहर रे लशा, इन पर्बम आं गुइ पोक्‍शा, परमप्रभु यावे कली पुंइनुङ। नोले बुंबु पचा नु मुप्‍स यिचा नाइक्‍ब। मिनु गे रागी नेल्‍ल परमप्रभु यावे केन बाक्‍ब, दे तुइक्‍नीनी। प्रस्‍थान ७:५

प्रस्‍थान 9:29 ပူးပေါင်းရင်းမြစ်များ

१ राजा 8:22

मिनु सोलोमनम इस्राएल ङा बुक्‍शो मुर नेल्‍ल आन दातेम परमप्रभु यावे कली चढ़ेतीक आ ङोंइती राप्‍शा, आ गुइ सरीङ गे क्‍युक्‍गा बाक्‍त।

१ राजा 8:38

इन मुर इस्राएली सुइम आन थुंम श्‍येत जशा, एको इन खिं गे कोव़शा आन गुइ क्‍युक्‍शा पुन्‍मेनु, इन बाक्‍तीक इर स्‍वर्ग रे मेको आन पुंइशो नेनीन।

एज्रा 9:5

मिनु नाक्‍दो ङा चढ़ेतीक दुम्‍मेनु, आं खाक्‍शो वा फेक्‍शा, गो पोक्‍च थेक्‍शा, आं गुइ परमप्रभु यावे, आं परमप्रभु गे दिंशा

अय्‍युब 11:13

मो हना यो गे इन थुं परमप्रभु गे हिरनीनी, गे इन गुइ पोक्‍शा, मेको कली पुंइनीनी।

भजन संग्रह 135:6

परमप्रभु यावेमी सरीङ, रागी, समुन्‍द्र नु समुन्‍द्र आ आगामी मार दाक्‍बा, मेको पाइब।

भजन संग्रह 143:6

गो आं गुइ इन गे दिंनुङ। मिनु कोक्‍त रूमी ब्‍वाक्‍कु माल्‍शो खोदेंशो पा, आं थुंमी इन कली माल्‍ब।ठेयब सेंदा पा। भजन संग्रह ४२:२-३

भजन संग्रह 50:12

गो शोव़लु बाक्‍शो नङ हना यो, इन कली मदेंङ वा। मारदे हना रागी नु रागीम बाक्‍शो मारेइ मारेइ आं केन नम।

प्रस्‍थान 19:5

गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६

प्रस्‍थान 20:11

मारदे हना परमप्रभु यावेमी ६ नाक्‍तीमी सरीङ नु रागी, ठेयब समुन्‍द्र नु ठेयब समुन्‍द्रमी बाक्‍शो नेल्‍ल आन कली सेल्‍तु। मिनु नोले ङा नाक्‍त नांइसाक्‍व। मोपतीके परमप्रभु यावेमी ‘मेको आं नाक्‍त बाक्‍ब’ दे मेको नाक्‍त कली आसीक गेशो बाक्‍ब। उत्‍पत्ती २:२-३

प्रस्‍थान 8:22

मेको मो दुम नाक्‍ती आं मुर आन बाक्‍तीक गोशेनमी चहिं डांस मग्रूपाइक्‍नुङ। अरु इजीप्‍त रागीमी ग्रूपाइक्‍नुङ। आं पर्बम तुइक्‍पाइक्‍चा कली मो पाइनुङ। मिनु गे आं पर्बम परमप्रभु यावे मेको रागीम बाक्‍ब, दे तुइक्‍चा माल्‍नेवे। प्रस्‍थान ७:५

प्रस्‍थान 8:6

मिनु हारूनमी आ गुइ इजीप्‍त ङा ब्‍वाक्‍कु तारी दिंताक्‍व। मिनु क्रुक्‍क्रुपुकी ग्रूशा, इजीप्‍त रागी नेल्‍ल ब्रीतेक्‍म।

प्रस्‍थान 9:33

मोदेंशो दुम्‍शा मोसामी फाराओ आ बाक्‍तीके रे लशा, आ गुइ परमप्रभु यावे गे पोक्‍शा, फाराओ आ पर्बम पुंइतु। मिनु बुंबु पा, मुप्‍स नु रेउ यिचा नाइक्‍ताक्‍व।

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

१ कोरिन्‍थी 10:26

रागी नु रागीमी मार मार बाक्‍मा, मेको नेल्‍ल प्रभु के बाक्‍ब दे रुपीने। भजन संग्रह २४:१

१ कोरिन्‍थी 10:28

गे नु काथा बाक्‍शा जाइबपुकीमी “एको चढ़ेशो बाक्‍ब” दे तुइक्‍पाइक्‍तेक्‍म हना, मेको मुर आ पर्बम नु थुं ग्‍येरसीशो दुम्‍चा आ पर्बम मेको मजने मब्‍वने। १कोरिन्‍थी ८:७

ब्‍यवस्‍था 10:14

मिनु नेनीन, स्‍वर्ग नु सरीङ नु रागी नु मेकेर बाक्‍ब मारेइ मारेइ नेल्‍ल परमप्रभु यावे, इन परमप्रभु केन बाक्‍ब।