प्रस्‍थान 9:22 - Sunuwar Bible

²² मिनु नोले परमप्रभु यावेमी मोसा कली “इ गुइ सरीङ गे दिंदो। मो पवीनु, इजीप्‍त रागी नेल्‍लेमी मुप्‍स यीब। मुप्‍स यिशा, मुर बी ब्‍यफ, क्‍यारश भेडा नु रू आन तारी देल्‍ब” दे परमप्रभु यावेमी मोसा कली देंत।

प्रस्‍थान 9:22 ပူးပေါင်းရင်းမြစ်များ

प्रस्‍थान 10:21

मिनु परमप्रभु यावेमी मोसा कली “इ गुइ सरीङ गे पोक्‍को। मो पवीनु, इजीप्‍त रागीम हिंचा ङा पा छिङछिङ दुम्‍ब” दे माइक्‍तु।

प्रस्‍थान 7:19

मिनु परमप्रभु यावेमी मोसा कली “गेमी हारून कली ‘इ कोक्‍के इजीप्‍त रागी ङा ब्‍वाक्‍कु हुश दुम्‍पाइक्‍चा कली ब्‍वाक्‍कु तारी दिंदो। नादी, खोला, कुवा नु इनार आन तारी दिंदो। मुर आन चाक्‍शो ठेका नु गरम बाक्‍शो ब्‍वाक्‍कु यो हुश दुम्‍ब’ दे हारून कली देनो” देंत। प्रकाश ११:६

प्रस्‍थान 8:16

मिनु नोले परमप्रभु यावेमी मोसा कली “गेमी हारून कली ‘इ कोक्‍के दिंशा, फुरक तुपो’ दे मतो। मिनु मो पवानु, इजीप्‍त रागीमी फुरक नेल्‍ल भुस्‍ना दुम्‍शा फोंइनीम” दे मोसा कली माइक्‍तु। प्रस्‍थान

प्रस्‍थान 8:5

मिनु नोले परमप्रभु यावेमी मोसा कली “गेमी हारून कली ‘इ कोक्‍के खोला नेल्‍ल आन तार दिंदो। मोपा गे इजीप्‍त रागीम क्रुक्‍क्रु ग्रूपाइक्‍नेवे’ दे हारून कली देनो” दें‍त।

प्रस्‍थान 9:21

सु सु परमप्रभु यावे आ देंशो लोव़ क्‍येङा महिंमा, मेकोपुकीमी चहिं आन गेय पाइब नु आन बस्‍तु भाव आन कली खिं आगा मओंइदेम।

यहोसु 10:11

मिनु मोपा इस्राएली आन ङोंइती बेथ-होरोन रे आजेका सम्‍म ब्रुप्‍शा प्रोक्‍मानु, परमप्रभु यावेमी सरीङ रे ठेयब मुप्‍स यिपाइक्‍तु। इस्राएलीपुकीमी तरवारमी क्‍योरशा बेक्‍शो क्‍येङा ठेयब मुप्‍सीम ख्रशा बेक्‍शो मुर शुश बाक्‍तेक्‍म। प्रस्‍थान ९:२२-२५; अय्‍युब ३८:२२-२३; हबकुक ३:११; २सामुएल १:१८

प्रकाश 16:21

मिनु मुर आन बाक्‍तीकेमी शुश मुप्‍स यित। मेको मुप्‍स टलेन्‍ट का सम्‍म हेल्‍शो बाक्‍तेक्‍म। मिनु मेको मुप्‍स मुर तार दोक्‍मेनु, मुरपुकी मेको मुप्‍स तशा, परमप्रभु यावे कली सराप पाम्‍तेक्‍म। मारदे हना मेको मुप्‍सीम रागीमी बाक्‍ब मुर आन कली शुश हिंचा ङा श्‍येत गेप्‍तु। टलेन्‍ट ३५ किलो कोदेंशो बाक्‍ब। प्रस्‍थान ९:२३