प्रस्‍थान 9:21 - Sunuwar Bible

²¹ सु सु परमप्रभु यावे आ देंशो लोव़ क्‍येङा महिंमा, मेकोपुकीमी चहिं आन गेय पाइब नु आन बस्‍तु भाव आन कली खिं आगा मओंइदेम।

प्रस्‍थान 9:21 ပူးပေါင်းရင်းမြစ်များ

१ इतिहास 22:19

मुल इन थुं नेल्‍लेमी परमप्रभु यावे, इन परमप्रभु कली मालीन। मिनु परमप्रभु यावे, परमप्रभु आ बाक्‍तीक सेल्‍चा गोने। मिनु नोले परमप्रभु यावे आ कबल पशो सन्‍दोस नु परमप्रभु आ ग्‍योंबपुकी परमप्रभु यावे कली सेल्शो खिंमी वोइक्‍चा माल्‍नीनी” दे माइक्‍मी बाक्‍त।

अय्‍युब 34:14

मेकोमी ब्रोंइचा गेब सोक्‍त नु आ सास लेश्‍शा लाइक्‍चा मिम्‍ताक्‍व हना,

अय्‍युब 7:17

मुर मार नमी ङा? गे मेको आन पर्बम शुश मिम्‍नीनी? मारदे गे मेको आन कली शुश दाक्‍नीनी। भजन संग्रह ८:४; भजन संग्रह १४४:३

प्रस्‍थान 7:23

मिनु फाराओ आ खिं लेम्‍माक्‍त। मार दुम्‍मे, मारेइ ममिम्‍ता बाक्‍त।

प्रस्‍थान 9:20

फाराओ आ गेय पाइब आन दातेमी सु सु परमप्रभु यावे क्‍येङा हिंमा, मेकोपुकीमी आन गेय पाइब नु आन बी ब्‍यफ, क्‍यारश भेडा आन कली खिं आगा ओंइताक्‍म।

प्रस्‍थान 9:22

मिनु नोले परमप्रभु यावेमी मोसा कली “इ गुइ सरीङ गे दिंदो। मो पवीनु, इजीप्‍त रागी नेल्‍लेमी मुप्‍स यीब। मुप्‍स यिशा, मुर बी ब्‍यफ, क्‍यारश भेडा नु रू आन तारी देल्‍ब” दे परमप्रभु यावेमी मोसा कली देंत।

हितोपदेस 22:3

निप्‍स पाइश्‍शो मुर श्‍येत जाक्‍चा चिक्‍शो तशा, ख्रुंइसी‍नीम। तन्‍न मारेइ मजोक्‍ब मुरुमी मारेइ मतुइक्‍थु श्‍येत जाइनीम। हितोपदेस २७:१२

हितोपदेस 24:32

मिनु गो नेल्‍ल कोव़शा, मिम्‍ताक्‍ङ। मिनु शेंतीक लोव़ का रुप्‍ता। मार रुप्‍ता देंशा हना,

इजीकीएल 40:4

मिनु मेकोम आं कली “ए मुर, कोव़ङो। मिनु नोफा दाइश्‍शा नेनो। गो इ कली मार मार कोंइक्‍नुङा, मेको रिम्‍शो पा कोव़शा, इ थुंम वोतो। मारदे हना गे मो पचा कली एक चाक्‍शो बाक्‍ते। मिनु गे मार ताइक्‍नेवे, मेको नेल्‍ल इस्राएल आ खिं ङा मुर आन कली शेंदीमी” देंत।

दानीएल 10:12

मिनु मेकोमी आं कली “दानीएल, महिंनो, गे रुप्‍चा माल्‍शा ङोंइती ङा नाक्‍ती रे इ परमप्रभु आ ङोंइती आंम कली ब्रेम्‍शो सेल्‍साक्‍वे, इ पुंइशो नेंतीके गो एक जाक्‍ती।

१ सामुएल 4:20

मिनु मेको बेक्‍चा चिक्‍तानु, आ वारच पाइब मीश मुरुम “इ थुं ग्‍येत्‍थ लुक्‍च मदुमो। गे तौ का थिप्‍तीवी” दे मदा बाक्‍त। तन्‍न मेकोम लोव़ मलेत्‍ता बाक्‍त। मेकोम आ नोफा मदाइक्‍ता बाक्‍त। उत्‍पत्ती ३५:१७