प्रस्‍थान 9:16 - Sunuwar Bible

¹⁶ तन्‍न गो आं सक्ति रागी नेल्‍लेम तुइक्‍पाइक्‍चा कली इ कली मुल सम्‍म ब्रोंइचा गेता। आ नें रागी नेल्‍ल ङा मुर आन कली तुइक्‍पाइक्‍चा, दे इ कली ब्रोंइचा गेता। प्रस्‍थान १४:४; रोमी ९:१७

प्रस्‍थान 9:16 ပူးပေါင်းရင်းမြစ်များ

२ सामुएल 7:23

इन मुर खोदेंशो अर्को सु बाक्‍नीमी? इस्राएली खोदेंशो सु बाक्‍नीमी? रागी नेल्‍लेमी परमप्रभुम प्रोंइशो इस्राएली खोदेंशो अर्को जात यो बाक्‍मा कों? गे इन नें ठेयब सेल्‍चा कली गे इन मुर आन कली ठेयब नु छक लाक्‍चा ङा गेय पाइतीनी। गे इन मुर आन ङोंइती रे रागी रागी ङा मुर नु आन देवी देवता आन कली खेरतीनी। ब्‍यवस्‍था ४:७

२ राजा 19:35

मिनु मेको नाक्‍दो परमप्रभु यावे आ स्‍वर्ग ङा गेय पाइब का जाक्‍माक्‍त। मिनु मेकोमी अस्‍सुर ङा पिप आ लडाइ पाइब आन बाक्‍तीकेम ओव़शा, लाख का ८५ हजार मुर आन कली साइक्‍मी बाक्‍त। मिनु आ दीसा सुनी मुरपुकी बोक्‍मानु मेकेर बेक्‍शो मुर ला तामे बाक्‍त। यसैया ३७:३६-३८

१ इतिहास 16:24

रागी रागी ङा मुर आन दातेमी मेको आ सक्ति आ पर्बम लोव़ पने। जात जात ङा मुर आन दातेमी मेको आ पशो छक लाक्‍चा ङा गेय आ पर्बम लोव़ पने।

नेहेम्‍याह 9:10

मिनु गेमी पिप फाराओ आ गेय पाइब नु आ रागी ङा मुर नेल्‍ल आन ङोंइती चिन्‍ड नु छक लाक्‍चा ङा गेय पाइतीनी। मारदे हना मेकोपुकीमी आंइ किकी पिपी आन कली ठेयब लेश्‍शा, श्‍येत गेशो बाक्‍तेक्‍म, दे तुइक्‍ताक्‍नी। मोदेंशो पा इन नें ठेयब सेल्‍साक्‍नी। मुल सम्‍म मेको मोदेंशो बाक्‍ब। प्रस्‍थान १८:११

भजन संग्रह 106:8

मोदेंशो पाम्‍तेक्‍म हना यो, परमप्रभुमी आ नें आ पर्बम मेको आन कली श्‍येत रे प्रोंइशो बाक्‍त। मोदेंशो पा आ ठेयब सक्ति कोंइशो बाक्‍त।

भजन संग्रह 64:9

नोले मुर नेल्‍ल हिंनीम। मिनु परमप्रभु आ पशो आ पर्बम लोव़ पाइनीम। मिनु मेको आ पशो मिम्‍नीम। प्रस्‍थान ८:१५

भजन संग्रह 76:10

थमा पा, मुर आन गाइक्‍तीकेमी इन कली ठेयब सेल्‍ब। मिनु इच्‍का ली‍शो गाइक्‍तीकेमी इन कली ठेयब सेल्‍ब।

प्रस्‍थान 14:17

मिनु गोमी इजीप्‍त ङा मुर आन कली काइ मटीब दुम्‍पाइक्‍नुङ। मो दुम्‍मेनु, इस्राएली आन नोले खोइश्‍शा, लल समुन्‍द्र ओव़शा, खेदा पाइनीम। मिनु गो फाराओ आ मुरपुकी, आ बग्‍गी नु आ शारा ङोइक्‍ब नु लडाइ पा आं सक्ति कोंइशा ग्रानुङ।

प्रस्‍थान 14:4

मिनु गो फाराओ आ थुं काइ मटीब दुम्‍पाइक्‍नुङ। मिनु फाराओमी इन कली खेदा पाइब। गो फाराओ नु आ फौज आन कली आं सक्ति कोंइनुङ। मिनु इजीप्‍त रागी ङा मुर नेल्‍लेमी ‘परमप्रभु यावे बाक्‍ब’ दे तुइक्‍नीम” देंत। मिनु मोदेंशो पाम्‍तेक्‍म। प्रस्‍थान ४:२१; इजीकीएल २८:२२

प्रस्‍थान 18:11

देवी देवता आन क्‍येङा परमप्रभु यावे ला ठेयब बाक्‍ब, दे गो मुल तुइक्‍ताक्‍ङ। आ मुर आन कली इजीप्‍त ङा मुर आन गुइ रे प्रोंइतु। मारदे हना इजीप्‍तीपुकीमी मेको आन कली ठेयब लेश्‍शा दिप्‍शो बाक्‍तेक्‍म” दें‍त। नेहेम्‍याह ९:१०; येरमीया ५०:२९

प्रस्‍थान 9:15

मुल गो इ कली नु इ मुर आन कली बेक्‍तीक रोइ पपदु वा।

प्रस्‍थान 9:17

गे आं मुर आन कली लचा मगेतीके, इ ठेयब लेश्‍शो तुइक्‍ताक्‍ङ।

हितोपदेस 16:4

परमप्रभु यावेमी मारेइ मारेइ नेल्‍ल गेय पचा कली सेल्‍तु। आ अरेशो मटीब कली यो नोले ङा श्‍येत नाक्‍त कली सेल्‍तु। रोमी ९:२२

येरमीया 32:20

गे इजीप्‍त रागीमी चिन्‍ड नु छक लाक्‍चा ङा गेय कोंइताक्‍नी। मिनु मुल सम्‍म इस्राएल नु मुर नेल्‍ल आन दातेमी इन नें ठेयब सेल्‍तीनी।

इजीकीएल 39:21

मिनु परमप्रभु, परमप्रभु यावेमी “गो रागी रागी ङा मुर आन ङोंइती आं सक्ति कोंइनुङ। मिनु रागी रागी नेल्‍लेम आं निसाफ पशो ताइनीम। आं सजाइ गेशो ताइनीम।

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

मलाकी 1:14

“सु सुमी आंम बस्‍तु आन बगाल रे पा ‘रिम्‍शो बस्‍तु चढ़ेनुङ’ देंनीमी, तन्‍न नोले मरिम्‍शो चढ़ेनीमी, मेको जोल पाइब सराप राइनीम। मारदे हना गो ठेयब पिप नङ। आं नें रागी रागी नेल्‍ल ङा मुर आन दातेमी हिंचा ङा बाक्‍ब” दे मुर नेल्‍ल आन परमप्रभु यावेमी देंत। लेवी २२:१९

गन्‍ती 14:21

मो हना यो गो थमा पा, रागी नेल्‍ले आं सक्तिमी प्रिंनुङ। प्रस्‍थान ९:१६

रोमी 9:17

परमप्रभु यावेमी फाराओ कली “नेल्‍ल रागी ङा मुरपुकीमी आं सक्ति तशा, आं नें तुइक्‍तमेक्‍ल, दे इ कली वोइक्‍ता” देंशो बाक्‍त। प्रस्‍थान ९:१६

रोमी 9:22

परमप्रभु यावेमी आ गाइश्‍शो कोंइताक्‍व हना, मरिम्‍शो पाइब आन कली शुश फाल्‍शो बाक्‍त हना यो, नोले ला खतम दुम्‍पाइक्‍ब। रोमी २:४; हितोपदेस १६:४

यहोसु 4:24

मिनु रागी ङा मुर नेल्‍लेमी परमप्रभु यावे, इन परमप्रभु ठेयब सक्ति पाइश्‍शो बाक्‍ब, दे तुइक्‍तमेक्‍ल। मिनु गे परमप्रभु यावे, इन परमप्रभु कली तुइश्‍शा, गेना हना यो मान पा हिनीन, दे मोदेंशो पाप्‍तु” देंत।

१ पत्रुस 2:19

इन होव़पमी इन कली बित्‍चीम श्‍येत गेम्‍तेक्‍म हना यो, गे परमप्रभु यावे कली मिम्‍शा, श्‍येत फाल्‍शा बाक्‍कीन। मेको परमप्रभु यावे आ दाक्‍शो बाक्‍ब।

१ पत्रुस 2:8

मिनु लेंशा “मेको फुल्‍लुमी मुर आन कली दाइल प‍पाइक्‍ब। मेको ठेयब फुल्‍लुमी मुर आन कली थिप्‍पाइक्‍ब” दे ब्रेक्‍शो बाक्‍ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्‍ब। भजन संग्रह ११८:२२; यसैया ८:१४; रोमी ९:३३; लूका २:३४

यहूदा 1:4

तन्‍न का निक्‍शी निसाफ पाइक्‍चा पुंइसीबपुकीमी “थमा सुइक्‍ब बाक्‍नीक” देंखु पा, थमा सुइक्‍ब आन ग्रुम्‍तीकेमी बाक्‍नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्‍शा, आंम दला दाक्‍स पना पन बाक्‍नीम। मिनु इं होव़प, प्रभु येसु ख्रीस्‍त आ पर्बम “परमप्रभु यावे आ तौ ममाइ” देंनीम।

१ सामुएल 4:8

आबी, मुल गो बेक्‍नय। मो देंशो ङोंइती गेनायो मदुम्‍शो बाक्‍त” देंमा बाक्‍त। “आबी, सुम आंइ कली मेको शुश सक्ति पाइश्‍शो परमप्रभु रे प्रोंइबा? मेकोम इजीप्‍ती आन कली श्‍येत गेशा गोरशो रागीम बेक्‍तीक रोइ पपाइश्‍शा साइश्‍शो बाक्‍त।