प्रस्‍थान 8:8 - Sunuwar Bible

⁸ मिनु फाराओमी मोसा नु हारून आस कली ब्रेप्‍पाइश्‍शा “आं पर्बम नु आं मुर आन पर्बम परमप्रभु यावे कली पुनीस। क्रुक्‍क्रु लमल, दे पुनीस। गोमी इस्राएल जात ङा मुर आन कली परमप्रभु यावे कली चढ़ेथ लचा गेनुङ” दे मोसा नु हारून आस कली देंत। प्रस्‍थान ८:२४; प्रस्‍थान ९:२८; प्रस्‍थान १०:१७

प्रस्‍थान 8:8 ပူးပေါင်းရင်းမြစ်များ

१ राजा 13:6

मिनु पिपमी परमप्रभु आ मुर कली “आं गुइ ङोंइती ङा खोदेंशो दुम्‍ल, दे परमप्रभु यावे, इन परमप्रभु कली आं पर्बम पुनीन” देंमाक्‍त। मिनु पिप आ देंशो खोदेंशो पा मेको परमप्रभु आ मुरुम परमप्रभु यावे कली पुना बाक्‍त। मिनु पिप आ गुइ ङोंइती ङा खोदेंशो दुम्‍माक्‍त। प्रस्‍थान ८:४

भजन संग्रह 66:3

मिनु परमप्रभु कली “इन गेय ठेयब नु हिंचा ङा बाक्‍नीमी। इन जोरी सत्रु इन ङोंइती हिंशा, ख्रिंख्रि पा बाप्‍नीम। मारदे हना इन सक्ति थम ठेयब बाक्‍ब” देनीन।

प्रस्‍थान 10:16

मिनु फाराओमी रीब पा मोसा नु हारून आस कली ब्रेप्‍पाइक्‍तु। मिनु मेकोमी “गो परमप्रभु यावे, इन परमप्रभु आ ङोंइती पाप पाता। मिनु इस कली यो मरिम्‍शो पाता। प्रस्‍थान ९:२७

प्रस्‍थान 10:17

मुल खेयप का ला आं कली माफ गेयीसी, दे पुंइनुङ। मिनु आं पर्बम परमप्रभु यावे, इन परमप्रभु कली पुनीस। सल्‍हा माले खेरशा, अन्‍काल रे मबेक्‍पाइक्‍चा नम, दे पुनीस” दे मोसा नु हारून आस कली माइक्‍तीम्‍सी। प्रस्‍थान ८:४

प्रस्‍थान 10:18

मो देंम नोले मोसा फाराओ आ ङोंइती रे लशा, परमप्रभु यावे कली पुंइतु।

प्रस्‍थान 14:5

मिनु इजीप्‍त रागी ङा मुरपुकीम आन पिप कली “इस्राएली प्रोक्‍ने थुम्‍तेक्‍म। गो मार पया? मारदे गो इस्राएली आन कली गेय प्रोंइपाइश्‍शा, लचा गेया?” दे थुं फाइश्‍शा, लोव़ पमुमा बाक्‍त।

प्रस्‍थान 32:11

मिनु मोसामी परमप्रभु यावे कली “परमप्रभु यावे, आं परमप्रभु, इन मुर आन पर्बम मारदे गाइक्‍तीनी? गेमी इन ठेयब सक्तिमी मेको आन कली इजीप्‍त रागी रे ग्रुंइताक्‍नी।

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

प्रस्‍थान 8:15

इजीप्‍त रागी ङा फाराओ चहिं मेको क्रुक्‍क्रु रे ब्रोंइशो तशा, आ थुं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारूनम देंशो लोव़ मपव। ङोंइती परमप्रभु यावेमी मो देंशो बाक्‍माक्‍त। प्रस्‍थान ४:२१

प्रस्‍थान 8:29

मिनु मोसामी “मुल गो एकेर रे लशा, परमप्रभु यावे कली पुंइनुङ। मार पुंइनुङ देंशा हना ‘दीसा फाराओ, आ गेय पाइब नु रागी ङा मुर नेल्‍ल आन बाक्‍तीक रे डांस प्रोक्‍पतीने’ दे पुंइनुङ। तन्‍न लोव़ का पाइनुङ। गे आंइ कली परमप्रभु यावे कली चढ़ेचा दुम्‍ब, दे नोले ‘लचा मगेनुङ’ देंशा, जोल मपने” दे मोसामी फाराओ कली दें‍त।

प्रस्‍थान 8:32

तन्‍न फाराओ लेंशा काइ मटीब दुम्‍शा, इस्राएली आन कली लचा मगेव। प्रस्‍थान ४:२१

प्रस्‍थान 8:9

मिनु मोसामी फाराओ कली “हजुर, इन कली नु इन गेय पाइब आन कली, इन मुर आन खिं नु इन खिं रे क्रुक्‍क्रु लमल, नील खोलाम ला बाक्‍मल, दे गेना पुंइचा माल्‍नस्‍कु?” दे हिल्‍लो पाप्‍तु।

प्रस्‍थान 9:27

मिनु फाराओमी मोसा नु हारून आस कली ब्रेत्‍ताक्‍मसी। मिनु मेको आस कली “मुल गो पाप पाता। परमप्रभु यावे ठीक पाइब बाक्‍ब। गो नु आं मुरपुकीम मरिम्‍शो पाइतक।

प्रस्‍थान 9:28

आंइ पर्बम परमप्रभु यावे कली पुनीस। एको बुंबु नु मुप्‍स मयिपदल। गो इन कली लचा गेनुङ। मुल गे एकेर बाक्‍चा ममाल्‍नीनी” देंत। प्रस्‍थान ८:४

प्रस्‍थान 9:33

मोदेंशो दुम्‍शा मोसामी फाराओ आ बाक्‍तीके रे लशा, आ गुइ परमप्रभु यावे गे पोक्‍शा, फाराओ आ पर्बम पुंइतु। मिनु बुंबु पा, मुप्‍स नु रेउ यिचा नाइक्‍ताक्‍व।

गन्‍ती 21:7

मिनु मुरपुकी मोसा आ बाक्‍तीक जाक्‍शा “गोपुकीम परमप्रभु यावे नु इन पर्बम मरिम्‍शो लोव़ पा पाप पाइतक। मेको बुस्‍सपुकी खेरचा, दे परमप्रभु यावे कली आंइ पर्बम पुनीन” देंतेक्‍म। मिनु मोसामी मेको मुर आन पर्बम पुंइतु। प्रस्‍थान ३२:३०-३४

प्रेरित 8:24

सिमोनमी “इन देंशो खोदेंशो मदुम्‍ल, दे आं पर्बम प्रभु कली प्रार्थना पने, हजुर” दे सेउ पवा बाक्‍त।

१ सामुएल 12:19

मिनु मुर नेल्‍लेमी सामुएल कली “परमप्रभु यावे, इन परमप्रभु कली आंइ पर्बम ‘गो मबेक्‍कल’ दे पुनीन। मारदे हना आंइ मरिम्‍शो पशो ला ममाइ, आंइ कली पिप का माल्‍नीकी, दे आंइ मरिम्‍शो पतीक तेम्‍ताक्‍क” देंमा बाक्‍त।