प्रस्‍थान 8:22 - Sunuwar Bible

²² मेको मो दुम नाक्‍ती आं मुर आन बाक्‍तीक गोशेनमी चहिं डांस मग्रूपाइक्‍नुङ। अरु इजीप्‍त रागीमी ग्रूपाइक्‍नुङ। आं पर्बम तुइक्‍पाइक्‍चा कली मो पाइनुङ। मिनु गे आं पर्बम परमप्रभु यावे मेको रागीम बाक्‍ब, दे तुइक्‍चा माल्‍नेवे। प्रस्‍थान ७:५

प्रस्‍थान 8:22 ပူးပေါင်းရင်းမြစ်များ

उत्पत्ती 46:34

गेपुकीमी ‘इन गेय पाइब आन आल रेन मुल सम्‍म बस्‍तु भाव थुल्‍ब बाक्‍नीम। आंइ किकी पिपी यो मोदेंशो गेय पशो बाक्‍मा बाक्‍त’ देंचा माल्‍नीनी। नोले मेकोमी इन कली गोशेनमी बाक्‍तीके गेब। मारदे हना इजीप्‍त ङा मुर गोठला आन कली तशा ग्रांग्रा दीनीम” दे योसेफमी आ लोक्‍ब आन कली देंमाक्‍त। उत्‍पत्ती ४३:३२

भजन संग्रह 110:2

परमप्रभु यावेमी सियोन रे पा इन सक्ति ङा राज दन्‍ड दिंब। मिनु गे इन जोरी सत्रु आन कली सासन पने” देंत। भजन संग्रह २:६

भजन संग्रह 74:12

परमप्रभु, गे साइ नेसी रे ङा आं पिप बाक्‍नीनी। गे रागी रागी आन कली प्रोंइनीनी।

प्रस्‍थान 10:23

मिनु मेकोपुकी मतमुथु, आन बाक्‍तीक रे बोक्‍ने मचबेम। तन्‍न इस्राएली आन बाक्‍तीकेमी चहिं छेङछेङ बाक्‍त।

प्रस्‍थान 12:13

मेको ख्रेक्‍शो हुश इन खिं ङा चिन्‍ड दुम्‍ब। तेको खिंम हुश ख्रेक्‍शो तङा, मेको खिं कली हेरशा लाक्‍नुङ। गो इजीप्‍त रागी ङा मुर आन कली बेक्‍चा ङा श्‍येत गेनुङमी। इन कली चहिं मेको श्‍येत मगेनुङ। हिब्रू ११:२८; प्रस्‍थान ३०:१२

प्रस्‍थान 19:5

गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६

प्रस्‍थान 20:11

मारदे हना परमप्रभु यावेमी ६ नाक्‍तीमी सरीङ नु रागी, ठेयब समुन्‍द्र नु ठेयब समुन्‍द्रमी बाक्‍शो नेल्‍ल आन कली सेल्‍तु। मिनु नोले ङा नाक्‍त नांइसाक्‍व। मोपतीके परमप्रभु यावेमी ‘मेको आं नाक्‍त बाक्‍ब’ दे मेको नाक्‍त कली आसीक गेशो बाक्‍ब। उत्‍पत्ती २:२-३

प्रस्‍थान 7:17

मोपतीके परमप्रभु यावेमी “गो परमप्रभु यावे नङ। गे आं पतीकेमी तुइक्‍नेवे। गो आं कोक्‍केमी नील खोला ङा ब्‍वाक्‍कु तुप्‍नुङ। मिनु मेको हुश दुम्‍ब। प्रस्‍थान ४:९

प्रस्‍थान 7:5

गो इजीप्‍त ङा मुर आन कली थाम्‍पान सजाइ गेशा, इस्राएली आन कली आन दाते रे ग्रुंइदुनु ‘गो परमप्रभु यावे नङ’ दे इजीप्‍त ङा मुर आन कली तुइक्‍पाइक्‍नुङ” देंत। प्रस्‍थान ७:१७; प्रस्‍थान ८:१८; प्रस्‍थान ९:२९; १सामुएल १७:४६; १राजा २०:२८; २राजा १९:१९; इजीकीएल २९:६

प्रस्‍थान 8:10

मिनु “दीसा कली पुनीस” दे लोव़ लेत्‍ताक्‍व। मोसामी “परमप्रभु यावे आंइ परमप्रभु खोदेंशो सुइ मबा, दे तुइक्‍पाइक्‍चा कली इन देंशो दीसा दुम्‍ब। प्रस्‍थान ९:१४; प्रस्‍थान १५:११; ब्‍यवस्‍था ३३:२६; २सामुएल ७:२२; येरमीया १०:६

प्रस्‍थान 8:21

नेनो, गे आं मुर आन कली लचा मगेप्‍तीवी हना, गो इ कली, इ गेय पाइब आन कली नु इ मुर नेल्‍ल आन कली श्‍येत जपाइक्‍चा कली इ खिंमी, इ रागी ङा मुर आन खिंमी डांसम ब्रीपाइक्‍नुङ। रू नेल्‍ल डांसम ब्रीपाइक्‍नुङ।

प्रस्‍थान 8:23

मोदेंशो पा गो आं मुर आन बाक्‍तीकेमी डांस मग्रूपाइक्‍नुङ। इ मुर आन बाक्‍तीकेमी ला डांस ग्रूपाइक्‍नुङ। दीसा गे तुइक्‍नेवे, देनो’ देंत” दे परमप्रभु यावेमी मोसा कली देंत।

प्रस्‍थान 9:26

इस्राएली आन बाक्‍तीके गोशेनमी ला मुप्‍स मयी। प्रस्‍थान ९:४; प्रस्‍थान ८:१८

प्रस्‍थान 9:29

मिनु मोसामी “गो सहर रे लशा, इन पर्बम आं गुइ पोक्‍शा, परमप्रभु यावे कली पुंइनुङ। नोले बुंबु पचा नु मुप्‍स यिचा नाइक्‍ब। मिनु गे रागी नेल्‍ल परमप्रभु यावे केन बाक्‍ब, दे तुइक्‍नीनी। प्रस्‍थान ७:५

प्रस्‍थान 9:4

तन्‍न इस्राएली आन बस्‍तु भाव आन कली रोइ मपपाइक्‍ब। इजीप्‍त ङा मुर आन बस्‍तु भाव आन कली चहिं रोइ पपाइक्‍ब। इस्राएली आन बस्‍तु भाव मबेक्‍नीम’ दे फाराओ कली माइक्‍चा माल्‍नेवे” दे परमप्रभु यावेमी मोसा कली दें‍त। प्रस्‍थान ८:१८

प्रस्‍थान 9:6

मिनु आ दीसा परमप्रभु यावेमी आ देंशो पाप्‍तु। इजीप्‍त रागी ङा मुर आन बस्‍तु भाव बेक्‍मा बाक्‍त। तन्‍न इस्राएली आन बस्‍तु भाव चहिं मबेक्‍म।

इजीकीएल 30:19

मोपा गो इजीप्‍त रागी कली निसाफ पा सजाइ गेनुङ। मिनु मेकोपुकीम गोन परमप्रभु यावे नङ, दे तुइक्‍नीम” देंत।

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।