प्रस्‍थान 8:16 - Sunuwar Bible

¹⁶ मिनु नोले परमप्रभु यावेमी मोसा कली “गेमी हारून कली ‘इ कोक्‍के दिंशा, फुरक तुपो’ दे मतो। मिनु मो पवानु, इजीप्‍त रागीमी फुरक नेल्‍ल भुस्‍ना दुम्‍शा फोंइनीम” दे मोसा कली माइक्‍तु। प्रस्‍थान

प्रस्‍थान 8:16 ပူးပေါင်းရင်းမြစ်များ

भजन संग्रह 105:31

परमप्रभुमी लोव़ पवानु, आन रागी भुस्‍ना नु चुरमुमी ब्रीमा बाक्‍त।

प्रस्‍थान 4:23

आं तौ कली आं कली चढ़ेतीक चढ़ेथ लचा गेवो। गे मटिप्‍तीवी हना, गो इ ङोंइती जरमेशो तौ कली साइक्‍नुङ’ देंत, देनो” दे परमप्रभु यावेमी मोसा कली माइक्‍तु। प्रस्‍थान ११:५; प्रस्‍थान १२:२९

प्रस्‍थान 5:1

मिनु नोले मोसा नु आ लोक्‍ब हारून फाराओ ग्रुम्‍थ लाम्‍ताक्‍स। मिनु मेको कली “परमप्रभु यावे, इस्राएली आन परमप्रभुमी आंस कली लोव़ पाप्‍तु। मेकोमी ‘आं मुर आन कली गोरशो रागीमी आं पर्बम चाड मानेचा कली लचा गेवो’ दे परमप्रभु यावेमी इन कली देंशो बाक्‍ब” देंताक्‍स। प्रस्‍थान ३:१८; प्रस्‍थान ७:१६,२६; प्रस्‍थान ९:१,१३

प्रस्‍थान 8:15

इजीप्‍त रागी ङा फाराओ चहिं मेको क्रुक्‍क्रु रे ब्रोंइशो तशा, आ थुं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारूनम देंशो लोव़ मपव। ङोंइती परमप्रभु यावेमी मो देंशो बाक्‍माक्‍त। प्रस्‍थान ४:२१

प्रस्‍थान 8:17

मिनु हारूनमी फुरक तुबानु, इजीप्‍त रागी नेल्‍लेमी मुर नु बस्‍तु भाव आन तारी भुस्‍ना शुश फोंइतेक्‍म।

प्रस्‍थान 8:18

इजीप्‍त रागी ङा जादू टुना मुना पाइबपुकीम यो हारून खोदेंशो पा भुस्‍ना ग्रूपाइक्‍चा माल्‍तेक्‍म। तन्‍न मचबेम। मुर नु बस्‍तु भाव आन तारी भुस्‍ना शुश जुक्‍ताक्‍म। प्रस्‍थान ७:११

प्रस्‍थान 8:5

मिनु नोले परमप्रभु यावेमी मोसा कली “गेमी हारून कली ‘इ कोक्‍के खोला नेल्‍ल आन तार दिंदो। मोपा गे इजीप्‍त रागीम क्रुक्‍क्रु ग्रूपाइक्‍नेवे’ दे हारून कली देनो” दें‍त।