प्रस्‍थान 8:15 - Sunuwar Bible

¹⁵ इजीप्‍त रागी ङा फाराओ चहिं मेको क्रुक्‍क्रु रे ब्रोंइशो तशा, आ थुं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारूनम देंशो लोव़ मपव। ङोंइती परमप्रभु यावेमी मो देंशो बाक्‍माक्‍त। प्रस्‍थान ४:२१

प्रस्‍थान 8:15 ပူးပေါင်းရင်းမြစ်များ

प्रस्‍थान 14:5

मिनु इजीप्‍त रागी ङा मुरपुकीम आन पिप कली “इस्राएली प्रोक्‍ने थुम्‍तेक्‍म। गो मार पया? मारदे गो इस्राएली आन कली गेय प्रोंइपाइश्‍शा, लचा गेया?” दे थुं फाइश्‍शा, लोव़ पमुमा बाक्‍त।

प्रस्‍थान 4:21

मिनु परमप्रभु यावेमी मोसा कली “इ नोफा दाइश्‍शा नेनो। गे इजीप्‍त रागी जाक्‍दीश्‍शा, गो इ कली पपाइश्‍शो छक लाक्‍चा ङा गेय नेल्‍ल फाराओ आ ङोंइती पावो। गो चहिं मुर आन कली लचा मगेचा ङा पा फाराओ कली काइ मटीब सेल्‍नुङ। प्रस्‍थान ७:३,१३; ब्‍यवस्‍था २९:३; यसैया ६:१०; रोमी ९:१८

प्रस्‍थान 7:4

मिनु फाराओमी इस कली मटीब। मिनु गो इजीप्‍त ङा मुर आन कली थाम्‍पान सजाइ गेशा, आं शुश मुर आन कली इजीप्‍त रागी रे ग्रुंइनुङ।

प्रस्‍थान 8:14

मुरुमी बेक्‍शो क्रुक्‍क्रु नेल्‍ल खुप्‍ताक्‍म। मिनु रागी नेल्‍ल थाम्‍पा रिना पाइक्‍तु।

प्रस्‍थान 8:16

मिनु नोले परमप्रभु यावेमी मोसा कली “गेमी हारून कली ‘इ कोक्‍के दिंशा, फुरक तुपो’ दे मतो। मिनु मो पवानु, इजीप्‍त रागीमी फुरक नेल्‍ल भुस्‍ना दुम्‍शा फोंइनीम” दे मोसा कली माइक्‍तु। प्रस्‍थान

प्रस्‍थान 8:28

मिनु फाराओमी “गो इन कली गोरशो रागीम परमप्रभु यावे, इन परमप्रभु कली चढ़ेथ लचा गेनुङ। शुश ङोन चहिं मलने। आं पर्बम यो पुनीस” दें‍त।

प्रस्‍थान 8:29

मिनु मोसामी “मुल गो एकेर रे लशा, परमप्रभु यावे कली पुंइनुङ। मार पुंइनुङ देंशा हना ‘दीसा फाराओ, आ गेय पाइब नु रागी ङा मुर नेल्‍ल आन बाक्‍तीक रे डांस प्रोक्‍पतीने’ दे पुंइनुङ। तन्‍न लोव़ का पाइनुङ। गे आंइ कली परमप्रभु यावे कली चढ़ेचा दुम्‍ब, दे नोले ‘लचा मगेनुङ’ देंशा, जोल मपने” दे मोसामी फाराओ कली दें‍त।

प्रस्‍थान 8:32

तन्‍न फाराओ लेंशा काइ मटीब दुम्‍शा, इस्राएली आन कली लचा मगेव। प्रस्‍थान ४:२१

प्रस्‍थान 8:8

मिनु फाराओमी मोसा नु हारून आस कली ब्रेप्‍पाइश्‍शा “आं पर्बम नु आं मुर आन पर्बम परमप्रभु यावे कली पुनीस। क्रुक्‍क्रु लमल, दे पुनीस। गोमी इस्राएल जात ङा मुर आन कली परमप्रभु यावे कली चढ़ेथ लचा गेनुङ” दे मोसा नु हारून आस कली देंत। प्रस्‍थान ८:२४; प्रस्‍थान ९:२८; प्रस्‍थान १०:१७

हितोपदेस 26:11

कुचुममी मेशा लेंशा जशो खोदेंशो पा, मूर्ख मुरुमी मूर्खे गेय लेंशा पना पन बाक्‍ब। २ पत्रुस २:२२

हितोपदेस 29:1

शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०

उपदेसक 8:11

मुरुमी मरिम्‍शो पाप्‍तु हना, रीब पा सजाइ मताप्‍तु हना, मेकोमी मरिम्‍शो पना पन बाक्‍ब। अय्‍युब ३५:१५-१६; मलाकी ३:१४-१५

यसैया 26:10

परमप्रभु यावे आ अरेशो लोव़ मटीब मुरपुकीमी शिशी ताम्‍तेक्‍म हना यो, ठीक पतीके मशेंसीनीम। मेकोपुकीम ठीक पाइब आन रागीमी दूली पाइनीम। मिनु परमप्रभु यावे कली मान मपाइनीम।

होसे 6:4

मिनु परमप्रभुमी “एफ्राइम, गो इ कली मार पङ? यहूदा इ कली मार पङ? इस दाक्‍चा सुनी ङा गोस्‍स खोदेंशो नु रीब पा जाम्‍शा लाइब सीत खोदेंशो बाक्‍ब। होसे ७:१६

हिब्रू 3:15

ङोंइती “मुलाक्‍ती आं लोव़ नेंतीनी हना, इं किकी पिपीम मटिशो खोदेंशो पा इन थुं खकटा पा मटीब मदुमीन” देंशो बाक्‍ब।

हिब्रू 3:8

साइ नेसी इन किकी पिपी गोरशो रागीम गाक्‍शा, नाक्‍चा पुंइसमानु, पशो खोदेंशो इन थुं खकटा पा मटीब मदुमीन। प्रस्‍थान १७:७; गन्‍ती २०:२-५

प्रकाश 16:9

मोपा शुश होशेमी मुरपुकी दुप्‍शा, श्‍येत जाम्‍तेक्‍म। मिनु दुप्‍शो आ पर्बम परमप्रभु यावे आ नें कली सराप पाम्‍तेक्‍म। मारदे हना मेकोमी श्‍येत गेप्‍तु। मिनु मेको मुर आन थुं परमप्रभु यावे गे मलेत्‍तेम। परमप्रभु यावे कली मान यो मपाम।

१ सामुएल 6:12

मिनु मेको बी एर ओंथ मपथु, गाक्‍ची ना ग्रीना ग्रीन इर बेथ-शेमेश ठेयब लां गे लसा बाक्‍त। मिनु पलिस्‍ती आन ठेयब मुरपुकी मेको बी आस नोले बेथ-शेमेश ङा सांद सम्‍म लमा बाक्‍त। यहोसु १५:१०

१ सामुएल 6:3

मिनु मेकोपुकीम “गेपुकीम इस्राएली आन परमप्रभु आ कबल पशो सन्‍दोस लेश्‍शा सोइक्‍नीनी हना, मोशा मसोइक्‍तीन। परमप्रभु कली दोस आ पर्बम चढ़ेतीक नु सोइक्‍तीन। मिनु नोले गे सा‍नीनी। मिनु मेकोमी लेंशा इन कली श्‍येत मगेब” देंमा बाक्‍त।

१ सामुएल 6:6

गे मारदे इजीप्‍त ङा मुर नु फाराओ खोदेंशो पा इन थुं खकटा सेल्‍नीनी? मेकोम आ सक्ति कोंइदा नोले मेकोपुकी मूर्ख दुम्‍शा इस्राएली आन कली लचा मगेमे ङा?” देंमा बाक्‍त। प्रस्‍थान ४:२१; प्रस्‍थान १२:३१

१ सामुएल 6:9

मिनु मेको बग्‍गी कली कोव़शा बाक्‍कीन। मेको सन्‍दोस कुरशो बग्‍गी आ रागी, बेथ-शेमेश ग्‍येत्‍थ गे लत हना, परमप्रभुमी एको ठेयब श्‍येत दुम्‍पाइश्‍शो बाक्‍माक्‍त, दे तुंइसीब। मो मदुम्‍त हना, एको श्‍येत मेकोमी मदुम्‍पाइश्‍शो बाक्‍माक्‍त। आंमा दुम्‍शो बाक्‍तेक्‍म, दे तुंइसीब” दें‍मा बाक्‍त।