प्रस्‍थान 8:12 - Sunuwar Bible

¹² मोपा मोसा नु हारून फाराओ आ खिं रे लाम्‍ताक्‍स। मिनु मोसामी मेको परमप्रभु यावे आ सोइश्‍शो क्रुक्‍क्रु आ पर्बम पुंइतु।

प्रस्‍थान 8:12 ပူးပေါင်းရင်းမြစ်များ

भजन संग्रह 105:31

परमप्रभुमी लोव़ पवानु, आन रागी भुस्‍ना नु चुरमुमी ब्रीमा बाक्‍त।

प्रस्‍थान 10:18

मो देंम नोले मोसा फाराओ आ ङोंइती रे लशा, परमप्रभु यावे कली पुंइतु।

प्रस्‍थान 32:11

मिनु मोसामी परमप्रभु यावे कली “परमप्रभु यावे, आं परमप्रभु, इन मुर आन पर्बम मारदे गाइक्‍तीनी? गेमी इन ठेयब सक्तिमी मेको आन कली इजीप्‍त रागी रे ग्रुंइताक्‍नी।

प्रस्‍थान 8:13

मिनु परमप्रभु यावेमी मोसामी पुंइशो नेंशा पाप्‍तु। खिंम, लाङगाम नु रूम बाक्‍शो क्रुक्‍क्रु नेल्‍ल बेक्‍‍तेक्‍म।

प्रस्‍थान 8:30

मो देंशा मोसा फाराओ आ खिं रे लशा, परमप्रभु यावे कली पुंइतु। प्रस्‍थान ८:८

प्रस्‍थान 8:8

मिनु फाराओमी मोसा नु हारून आस कली ब्रेप्‍पाइश्‍शा “आं पर्बम नु आं मुर आन पर्बम परमप्रभु यावे कली पुनीस। क्रुक्‍क्रु लमल, दे पुनीस। गोमी इस्राएल जात ङा मुर आन कली परमप्रभु यावे कली चढ़ेथ लचा गेनुङ” दे मोसा नु हारून आस कली देंत। प्रस्‍थान ८:२४; प्रस्‍थान ९:२८; प्रस्‍थान १०:१७

प्रस्‍थान 9:33

मोदेंशो दुम्‍शा मोसामी फाराओ आ बाक्‍तीके रे लशा, आ गुइ परमप्रभु यावे गे पोक्‍शा, फाराओ आ पर्बम पुंइतु। मिनु बुंबु पा, मुप्‍स नु रेउ यिचा नाइक्‍ताक्‍व।

इजीकीएल 36:37

मिनु परमप्रभु, परमप्रभु यावेमी “गो इस्राएल आ खिं ङा मुर आन पुंइशो नेंशा, मेको आन मुर आन कली क्‍यारश भेडा खोदेंशो पा शुश सेल्‍नुङमी। मीका २:१२

१ सामुएल 12:23

मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२