प्रस्‍थान 7:4 - Sunuwar Bible

⁴ मिनु फाराओमी इस कली मटीब। मिनु गो इजीप्‍त ङा मुर आन कली थाम्‍पान सजाइ गेशा, आं शुश मुर आन कली इजीप्‍त रागी रे ग्रुंइनुङ।

प्रस्‍थान 7:4 ပူးပေါင်းရင်းမြစ်များ

प्रस्‍थान 10:1

मिनु परमप्रभु यावेमी मोसा कली “गे फाराओ कली आं चिन्‍डपुकी कोंइचा कली ग्रुम्‍थ लसे। मारदे हना गो मेको नु आ गेय पाइब आन कली काइ मटीब दुम्‍पाइक्‍ता।

प्रस्‍थान 11:9

मिनु परमप्रभु यावेमी मोसा कली “इजीप्‍त रागीम आं छक लाक्‍चा ङा शुश चिन्‍ड दुम्‍ल, दे फाराओम इ कली मटिपदु” देंत।

प्रस्‍थान 12:51

मिनु मेको नाक्‍ती परमप्रभु यावेमी इस्राएली थर आन कली हुल हुल पा इजीप्‍त रागी रे ग्रुंइताक्‍व।

प्रस्‍थान 13:3

मिनु मोसामी मुर आन कली “गेपुकी इजीप्‍त रागीम वाइलीम वाइल दुम्‍शा, ब्रोंइशा, एक जाक्‍शो नाक्‍त मप्रेंदीन। परमप्रभु यावेमी इन कली आ सक्तिमी ग्रुंइताक्‍व। मोपतीके मेको नाक्‍त गे बोरब ओख्‍ती मसुप्‍शो शोब्‍ले ला जचा माल्‍नीनी। प्रस्‍थान १२:३३-३४

प्रस्‍थान 13:9

मेको पास्‍सा चाड इन गुइमी नु इन कुप्‍फीम मिम्‍तीके चिन्‍ड खोदेंशो पा बाक्‍चा माल्‍ब। मोपा परमप्रभु यावे आ अरेशो लोव़ गे नु बाक्‍ब। मारदे हना परमप्रभु यावेमी आ ठेयब सक्तिमी इन कली इजीप्‍त रागी रे ग्रुंइताक्‍व। ब्‍यवस्‍था ६:८; ब्‍यवस्‍था ११:१८

प्रस्‍थान 18:8

मिनु मोसामी परमप्रभु यावेमी इजीप्‍त ङा फाराओ कली नु आ मुर आन कली मार मार पवा, लांमी मार मार श्‍येत जामे, दोपा परमप्रभु यावेमी मेको नेल्‍ल रे प्रोना, मेको नेल्‍ल आ शिउ कली शेंताक्‍व।

प्रस्‍थान 3:19

मेको पिपमी चहिं इन कली लचा मगेब, गो तुइक्‍नुङ। गो थम ठेयब सक्तिमी इन कली वारच पाता हना ला, लचा गेब।

प्रस्‍थान 3:20

मिनु गोमी इजीप्‍त रागी ङा मुर आन दातेमी थम छक लाक्‍चा ङा गेय कोंइशा, मेको आन कली श्‍येत गेनुङ। मिनु नोले मेकोमी इन कली लचा गेब।

प्रस्‍थान 6:1

मिनु नोले परमप्रभु यावेमी मोसा कली “गो फाराओ कली मार पाइनुङा, गे मुल ताइनेवे। फाराओम मेको आन कली लचा गेचा ला ममाइ, ठेयब सक्तिमी फाराओ कली आं मुर आन कली आ रागी रे खेरपाइक्‍नुङ” दें‍त। प्रस्‍थान ११:१; प्रस्‍थान १२:३३

प्रस्‍थान 6:26

मिनु परमप्रभु यावेमी हारून नु मोसा कली “गे इस्राएल ङा मुरपुकी हुल हुल पा इजीप्‍त रागी रे ग्रुंइदीस” देंत। प्रस्‍थान ६:१३

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

प्रस्‍थान 7:13

मिनु परमप्रभु यावेमी देंशो खोदेंशो पा फाराओ काइ मटीब दुम्‍शा, मोसा नु हारून आस देंशो लोव़ मबिस्‍से। प्रस्‍थान ४:२१

प्रस्‍थान 7:16

मिनु गे मेको कली ‘परमप्रभु यावे, हिब्रू मुर आन परमप्रभुमी इन कली, आं मुर आन कली आं कली चढ़ेतीक चढ़ेथ गोरशो रागी लचा गेवो, देंती। तन्‍न गे मुल सम्‍म आं लोव़ मटिवी’ देंत” देनीस। प्रस्‍थान ५:१

प्रस्‍थान 8:15

इजीप्‍त रागी ङा फाराओ चहिं मेको क्रुक्‍क्रु रे ब्रोंइशो तशा, आ थुं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारूनम देंशो लोव़ मपव। ङोंइती परमप्रभु यावेमी मो देंशो बाक्‍माक्‍त। प्रस्‍थान ४:२१

प्रस्‍थान 8:19

मिनु जादू टुना मुना पाइबपुकीमी फाराओ कली “एको परमप्रभुमी पाप्‍तु” देंमा बाक्‍त। फाराओ चहिं काइ मटीब दुम्‍माक्‍त। मिनु मोसा नु हारून आस देंशो लोव़ मटिव। परमप्रभु यावेम ङोंइती देंशो खोदेंशो दुम्‍त। भजन संग्रह ६४:१०; भजन संग्रह ७२:१८; लूका ११:२०

प्रस्‍थान 9:12

परमप्रभु यावेमी फाराओ कली काइ मटीब दुम्‍पदा बाक्‍त। मिनु मोसा नु हारून आस लोव़ मटिव। परमप्रभु यावेमी मोसा कली ङोंइती दोदेंशो देंमे मोदेंशो दुम्‍त। प्रस्‍थान ४:२१

प्रस्‍थान 9:3

परमप्रभु यावेमी इन गोठम बाक्‍शो बस्‍तु भाव आन कली ठेयब रोइ पपाइक्‍ब। इन शारा, गधा, दलओंठ, बी ब्‍यफ नु क्‍यारश भेडा नेल्‍ल आन कली बेक्‍तीक रोइ पपाइक्‍ब। प्रस्‍थान ३:२०

हितोपदेस 19:29

सजाइ शुक्‍शी पाइब आन कली बाक्‍ब। तुप्‍तीके मूर्ख आन ची कली माल्‍ब। हितोपदेस २६:३

यसैया 26:9

गो नाक्‍दो इन कली शुश मिम्‍नुङ। गो आं थुंमी इन कली माल्‍ना माल्‍न बाक्‍नुङ। मारदे हना गे रागी ङा मुर आन कली निसाफ पाइतीनी हना, रागीम बाक्‍बपुकीमी ठीक पतीके शेंसीनीम। भजन संग्रह ६३:७

बिलाप 3:3

मेकोमी नाक्‍त किंत किंत आं कली श्‍येत गेना गेन बाक्‍ब।

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

इजीकीएल 25:11

मिनु गो मोआब कली निसाफ पा सजाइ गेनुङ। मेना मेकोपुकीम गोन परमप्रभु यावे नङ, दे तुइक्‍नीम’ देंशो बाक्‍ब” देंत।

इजीकीएल 30:14

गो पथ्रोस कली मुर मबाक्‍तीके सेल्‍नुङ। सोआन सहरम मी सुइक्‍नुङ। गो थेबेस सहर कली निसाफ पा सजाइ गेनुङ। नहुम ३:८-९

इजीकीएल 30:19

मोपा गो इजीप्‍त रागी कली निसाफ पा सजाइ गेनुङ। मिनु मेकोपुकीम गोन परमप्रभु यावे नङ, दे तुइक्‍नीम” देंत।

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१

प्रकाश 16:7

मिनु गोमी मेको धूप चढ़ेतीके रे सेंदा कामी लोव़ पशो नेंता। मेकोमी “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। मारेइ मारेइ पने चाप्‍नीनी। इन पशो निसाफ थमा नु ठीक बाक्‍नीमी” देंशो नेंता। प्रकाश ९:१३; प्रकाश ६:१०-११

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३

न्‍यायाधीस 2:15

गेना मेकोपुकी लडाइ पथ ग्रूमा, मेना परमप्रभु यावेमी मेको आन कली श्‍येत गेमी बाक्‍त। मोपा परमप्रभु यावेमी मेको आन कली ङोंइती देंशो नु आ कबल पशो खबा बाक्‍त। मोपतीके मेकोपुकीमी शुश श्‍येत जामे बाक्‍त। लेवी २६:१७; ब्‍यवस्‍था २:१५; ब्‍यवस्‍था २८:२०; १सामुएल १२:१५