प्रस्‍थान 7:19 - Sunuwar Bible

¹⁹ मिनु परमप्रभु यावेमी मोसा कली “गेमी हारून कली ‘इ कोक्‍के इजीप्‍त रागी ङा ब्‍वाक्‍कु हुश दुम्‍पाइक्‍चा कली ब्‍वाक्‍कु तारी दिंदो। नादी, खोला, कुवा नु इनार आन तारी दिंदो। मुर आन चाक्‍शो ठेका नु गरम बाक्‍शो ब्‍वाक्‍कु यो हुश दुम्‍ब’ दे हारून कली देनो” देंत। प्रकाश ११:६

प्रस्‍थान 7:19 ပူးပေါင်းရင်းမြစ်များ

उत्पत्ती 1:10

मिनु परमप्रभुमी सोव़शो रू कली रागी नु ब्‍वाक्‍कु देम्‍शा लीशो कली समुन्‍द्र, दे नें वोदा बाक्‍त। मिनु मेको आ सेल्‍शो तशा “रिम्‍शो दुम्‍त” देंमाक्‍त।

२ राजा 4:29

मिनु एलीशाम गेहाजी कली “इ किप्‍शुर किम्‍सो। एको आं कोक्‍के कुरशा दोरशा लावो। लांम सुइ ग्रुम्‍तीवी हना, मेकोपुकी नु लोव़ पचा कली मदिक्‍को। सुइमी इ कली लोव़ पाम्‍तेक्‍म हना, मेको आन कली लोव़ मलेत्‍तो। एको आं कोक्‍के लाइश्‍शा, मेको आल आ कुलुम वोतो” दे मदा बाक्‍त।

प्रस्‍थान 10:12

मिनु परमप्रभु यावेमी मोसा कली “सल्‍हा माले ग्रूपाइक्‍चा कली इ गुइ इजीप्‍त रागी तार दिंदो। मेकोपुकीम रागीमी मार मार गिग खाइपुकी मुप्‍सीम हेंशो बाक्‍मा, मेको ब्‍वाइनीमी” दें‍त। प्रस्‍थान ९:३२

प्रस्‍थान 10:21

मिनु परमप्रभु यावेमी मोसा कली “इ गुइ सरीङ गे पोक्‍को। मो पवीनु, इजीप्‍त रागीम हिंचा ङा पा छिङछिङ दुम्‍ब” दे माइक्‍तु।

प्रस्‍थान 14:16

इ कोक्‍के लल समुन्‍द्र तार दिंदो। मो पवीनु, समुन्‍द्र ब्राशा, गाक्‍तीक लां दुम्‍ब। इस्राएलीपुकी हिलो मबाक्‍शो लांम गाक्‍ने चाप्‍नीम।

प्रस्‍थान 14:21

मिनु मोसामी आ गुइ लल समुन्‍द्र तारी दिंदानु, परमप्रभु यावेमी नाक्‍दो नां दाप्‍तीके रे फश गिवार पपाइश्‍शा, समुन्‍द्र फ्राशा सोव़शो गाक्‍तीक लां सेल्‍तु।

प्रस्‍थान 14:26

मिनु परमप्रभु यावेमी मोसा कली “इजीप्‍त रागी ङा मुर, आन बग्‍गी नु आन शारा ङोइक्‍ब आन कली ब्‍वाक्‍कुम सुम्‍पाइक्‍चा कली इ गुइ लेंशा समुन्‍द्र तार दिंदो” देंत।

प्रस्‍थान 4:9

तन्‍न मेकोपुकीमी चिन्‍ड निक्‍शी तशा यो, थमा मसुइक्‍थु, इ कली मटिम्‍तेक्‍म हना, गे नील खोला ङा ब्‍वाक्‍कु लाइश्‍शा, सोव़शो खप तारी मोतो। खोला रे लाइश्‍शो ब्‍वाक्‍कु सोव़शो खप तारी मोदीनु, मेको हुश दुम्‍ब” दे परमप्रभु यावेमी दें‍त। प्रस्‍थान ७:१७-२१

प्रस्‍थान 8:16

मिनु नोले परमप्रभु यावेमी मोसा कली “गेमी हारून कली ‘इ कोक्‍के दिंशा, फुरक तुपो’ दे मतो। मिनु मो पवानु, इजीप्‍त रागीमी फुरक नेल्‍ल भुस्‍ना दुम्‍शा फोंइनीम” दे मोसा कली माइक्‍तु। प्रस्‍थान

प्रस्‍थान 9:33

मोदेंशो दुम्‍शा मोसामी फाराओ आ बाक्‍तीके रे लशा, आ गुइ परमप्रभु यावे गे पोक्‍शा, फाराओ आ पर्बम पुंइतु। मिनु बुंबु पा, मुप्‍स नु रेउ यिचा नाइक्‍ताक्‍व।

यसैया 19:10

प्रोव़ना प्रोव़न बाक्‍बपुकी राव किक्‍नीम। मिनु गाल्‍च ताक्‍शा गेय पाइबपुकी रोंका पाइनीम।

यसैया 5:25

मोपतीके परमप्रभु यावे आ मुर आन पर्बम गाइक्‍ताक्‍व। मिनु आ गुइ क्‍युक्‍शा, मेको आन कली तुप्‍तु। मिनु डांडापुकी ख्रिनु कुशा हिम्‍साक्‍म। शुश मुर आन बेक्‍शो रां लांमी ताइश्‍शो खोदेंशो दुम्‍तेक्‍म। मोपा आ गाइक्‍चा मबेक्‍थु, मुल सम्‍म आ गुइ क्‍युक्‍स ङा क्‍युक्‍स बाक्‍ब। यसैया ९:१; यसैया १६:२०; यसैया १०:४

हबकुक 3:8

परमप्रभु यावे, गे खोलापुकी नु गाइक्‍तीनी? गे ठेयब समुन्‍द्र आ पर्बम चुरनी? इन शारा नु बग्‍गी आन कली लां कोंइशा ग्रातीनी।