प्रस्‍थान 7:13 - Sunuwar Bible

¹³ मिनु परमप्रभु यावेमी देंशो खोदेंशो पा फाराओ काइ मटीब दुम्‍शा, मोसा नु हारून आस देंशो लोव़ मबिस्‍से। प्रस्‍थान ४:२१

प्रस्‍थान 7:13 ပူးပေါင်းရင်းမြစ်များ

२ इतिहास 36:13

मिनु पिप नेबुकदनेसरमी मेको कली परमप्रभु आ नेंम कसम जपदा बाक्‍त। तन्‍न मेको पिप कली यो मरिम्‍शो पवा बाक्‍त। मेको मरिम्‍शो पाइब नु काइ मटीब दुम्‍शा, परमप्रभु यावे, इस्राएली आन परमप्रभु गे लेन्‍ने मबिस्‍से बाक्‍त।

प्रस्‍थान 10:1

मिनु परमप्रभु यावेमी मोसा कली “गे फाराओ कली आं चिन्‍डपुकी कोंइचा कली ग्रुम्‍थ लसे। मारदे हना गो मेको नु आ गेय पाइब आन कली काइ मटीब दुम्‍पाइक्‍ता।

प्रस्‍थान 10:20

तन्‍न परमप्रभु यावेमी फाराओ कली मबिप्‍पाइक्‍चा कली काइ मटीब दुम्‍पाइक्‍तु। मोपतीके मेकोमी इस्राएली आन कली लचा मगेव। प्रस्‍थान ४:२१

प्रस्‍थान 10:27

परमप्रभु यावेमी चहिं फाराओ कली काइ मटीब दुम्‍पाइक्‍तु। मोपतीके फाराओमी इस्राएली आन कली लचा मगेव। प्रस्‍थान ४:२१

प्रस्‍थान 14:17

मिनु गोमी इजीप्‍त ङा मुर आन कली काइ मटीब दुम्‍पाइक्‍नुङ। मो दुम्‍मेनु, इस्राएली आन नोले खोइश्‍शा, लल समुन्‍द्र ओव़शा, खेदा पाइनीम। मिनु गो फाराओ आ मुरपुकी, आ बग्‍गी नु आ शारा ङोइक्‍ब नु लडाइ पा आं सक्ति कोंइशा ग्रानुङ।

प्रस्‍थान 4:21

मिनु परमप्रभु यावेमी मोसा कली “इ नोफा दाइश्‍शा नेनो। गे इजीप्‍त रागी जाक्‍दीश्‍शा, गो इ कली पपाइश्‍शो छक लाक्‍चा ङा गेय नेल्‍ल फाराओ आ ङोंइती पावो। गो चहिं मुर आन कली लचा मगेचा ङा पा फाराओ कली काइ मटीब सेल्‍नुङ। प्रस्‍थान ७:३,१३; ब्‍यवस्‍था २९:३; यसैया ६:१०; रोमी ९:१८

प्रस्‍थान 7:12

तन्‍न हारून आ कोक्‍के रे दुम्‍शो बुस्‍सुमी मेको आन कोक्‍के रे दुम्‍शो बुस्‍स नेल्‍ल आन कली दाक्‍‍तीमी।

प्रस्‍थान 7:14

मिनु परमप्रभु यावेमी मोसा कली “फाराओ काइ मटीब दुम्‍‍त। आं मुर आन कली लचा मगेब।

प्रस्‍थान 7:22

इजीप्‍त रागी ङा ठेयब टुना मुना पाइबपुकीमी यो आन मन्‍तरमी आस पशो खोदेंशो पाम्‍तेक्‍म। फाराओ आ थुं चहिं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारून आस देंशो मटिवो। परमप्रभु यावेमी ङोंइती दोदेंशो देंमे, मोदेंशो दुम्‍‍त। प्रस्‍थान ७:११

प्रस्‍थान 8:11

दीसा क्रुक्‍क्रुपुकी इन बाक्‍तीक, इन गेय पाइब नु इन मुर इन खिं नेल्‍ल रे गाक्‍नीमी। नील खोलाम ला बाक्‍नीम” देंत।

प्रस्‍थान 8:15

इजीप्‍त रागी ङा फाराओ चहिं मेको क्रुक्‍क्रु रे ब्रोंइशो तशा, आ थुं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारूनम देंशो लोव़ मपव। ङोंइती परमप्रभु यावेमी मो देंशो बाक्‍माक्‍त। प्रस्‍थान ४:२१

प्रस्‍थान 8:19

मिनु जादू टुना मुना पाइबपुकीमी फाराओ कली “एको परमप्रभुमी पाप्‍तु” देंमा बाक्‍त। फाराओ चहिं काइ मटीब दुम्‍माक्‍त। मिनु मोसा नु हारून आस देंशो लोव़ मटिव। परमप्रभु यावेम ङोंइती देंशो खोदेंशो दुम्‍त। भजन संग्रह ६४:१०; भजन संग्रह ७२:१८; लूका ११:२०

प्रस्‍थान 8:28

मिनु फाराओमी “गो इन कली गोरशो रागीम परमप्रभु यावे, इन परमप्रभु कली चढ़ेथ लचा गेनुङ। शुश ङोन चहिं मलने। आं पर्बम यो पुनीस” दें‍त।

प्रस्‍थान 9:12

परमप्रभु यावेमी फाराओ कली काइ मटीब दुम्‍पदा बाक्‍त। मिनु मोसा नु हारून आस लोव़ मटिव। परमप्रभु यावेमी मोसा कली ङोंइती दोदेंशो देंमे मोदेंशो दुम्‍त। प्रस्‍थान ४:२१

प्रस्‍थान 9:35

फाराओ काइ मटीब दुम्‍शा, इस्राएली आन कली लचा मगेव। परमप्रभु यावेमी मोसा कली देंशो खोदेंशो दुम्‍‍त। प्रस्‍थान ४:२१

प्रस्‍थान 9:7

मिनु फाराओमी इस्राएल ङा मुर आन बस्‍तु भाव यो बेक्‍मा कों, दे कोव़थ मुर सोइक्‍ताक्‍व। तन्‍न का यो मबेक्‍शो बाक्‍तेक्‍म, दे तुइक्‍पाइक्‍तेक्‍म। मोपा यो फाराओ काइ मटीब दुम्‍शा, इस्राएली आन कली लचा मगेव। प्रस्‍थान ४:२१

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

ब्‍यवस्‍था 2:30

तन्‍न हेश्‍बोन ङा पिप सीहोनमी आंइ कली गाक्‍तीक लां मगेव। मारदे हना परमप्रभु यावे, इन परमप्रभुमी इन पा ङा लडाइ पा ग्राचा कली मेको आ थुं खकटा नु मटीब सेला बाक्‍त। मिनु मोदेंशो दुम्‍त। प्रस्‍थान ४:२१

हिब्रू 3:13

पापम इं थुं क्‍याल्‍शा मटीब मदुम्‍यल, दे मुलाक्‍त रेन नाक्‍त किंत किंत अर्ती गेमुने। १थिस्‍सलोनिकी ५:११

१ सामुएल 6:6

गे मारदे इजीप्‍त ङा मुर नु फाराओ खोदेंशो पा इन थुं खकटा सेल्‍नीनी? मेकोम आ सक्ति कोंइदा नोले मेकोपुकी मूर्ख दुम्‍शा इस्राएली आन कली लचा मगेमे ङा?” देंमा बाक्‍त। प्रस्‍थान ४:२१; प्रस्‍थान १२:३१