प्रस्‍थान 6:25 - Sunuwar Bible

²⁵ मिनु हारून आ तौ एलाजरम पुतीएल आ तमी चाक्‍गा बाक्‍त। मेकोमी फिनेहास थिमाक्‍त। मेकोपुकी लेवी आ खिं ङा ठेयब मुर बाक्‍मा बाक्‍त। गन्‍ती २५:७

प्रस्‍थान 6:25 ပူးပေါင်းရင်းမြစ်များ

एज्रा 7:5

बुककी आ आफ अबीशुआ बाक्‍त। अबीशुआ आ आफ फिनेहास बाक्‍त। फिनेहास आ आफ एलाजर बाक्‍त। एलाजर आ आफ नेल्‍ल क्‍येङा ठेयब चढ़ेब हारून बाक्‍त।

गन्‍ती 26:57

मिनु लेवी आ थर ङा मुर का का पा हिक्‍शोनु, सु सु बाक्‍तेक्‍म देंशा हना, गेरशोन आ खिं खिं ङा मुर, कोहाथ आ खिं खिं ङा मुर, मेरारी आ खिं खिं ङा मुर बाक्‍तेक्‍म। गन्‍ती ३:१७-२०; प्रस्‍थान ६:१६-२५

गन्‍ती 31:6

मिनु मोसामी थर नेल्‍ल रे हजार का का मुर आन कली लडाइम सोइक्‍ताक्‍मी। मिनु मेकोपुकी नु चढ़ेब एलाजर आ तौ फिनेहास यो सोइक्‍ताक्‍व। मेकोमी परमप्रभु यावे आ ताम्‍बु ङा माल्‍शो नु लडाइ ङा तुराही ताप्‍तीक कुरशो बाक्‍त। गन्‍ती १०:२

यहोसु 22:13

मिनु इस्राएलीपुकीमी चढ़ेब एलाजर आ तौ फिनेहास कली गिलाद रागीमी रूबेन आ थर, गाद आ थर नु मनस्‍से आ उइक्‍थ थर आन बाक्‍तीकेमी सोइक्‍ताक्‍म। गन्‍ती २५:७

यहोसु 24:33

मिनु हारून आ तौ एलाजर यो बेक्‍त। मेको कली गिबा सहरमी थिम्‍तेक्‍म। मेको एफ्राइम ङा पहाड रागीमी बाक्‍शो सहर, मेको आ तौ फिनेहास कली गेम्‍तेक्‍म। ब्‍यवस्‍था १०:६

न्‍यायाधीस 20:28

मिनु हारून आ तौ एलाजर आ तौ फिनेहासमी मेको कली कोव़ब बाक्‍माक्‍त। मिनु इस्राएलीपुकीमी परमप्रभु यावे कली “मुल गो आंइ लोक्‍ब बेन्‍यामीन आ थर ङा मुरपुकी नु लडाइ पथ लेंशा लचा देय मलचा” दे हिल्‍लो पामे बाक्‍त। मिनु परमप्रभु यावेमी “लन, गो दीसा मेको आन कली इन गुइमी गेनन्‍नी” देंमाक्‍त। गन्‍ती २५:७; यहोसु २४:३३