प्रस्‍थान 5:3 - Sunuwar Bible

³ मिनु मेको निक्‍शीमी “हिब्रू मुर आन परमप्रभुमी आंस कली ग्रुम्‍तु। आंइ कली लचा गेने, दे पुंइनस्‍कु। गोपुकी रोइमी, लडाइमी मबेक्‍कल, दे परमप्रभु यावे, आंइ परमप्रभु कली चढ़ेथ नाक्‍त सां सम्‍म गोरशो रागीम लचा गेने” दे माइक्‍ताक्‍स।

प्रस्‍थान 5:3 ပူးပေါင်းရင်းမြစ်များ

२ राजा 17:25

मिनु ङोंइती मेकोपुकी मेकेर बाक्‍मानु, परमप्रभु यावे कली ममानेमे बाक्‍त। मोपतीके परमप्रभु यावेमी मेको आन दातेमी गुप्‍स सोइक्‍तीमी बाक्‍त। मिनु मेको गुप्‍सपुकीम कोइ कोइ आन कली सदमे बाक्‍त। होसे १३:८

२ इतिहास 30:8

गेपुकी इन किकी पिपी खोदेंशो पा काइ मटीब मदुमीन। तन्‍न परमप्रभु यावे कली आ अरेशो टिशा, आ बाक्‍तीकेम जाक्‍कीन। मिनु ‘मेको गेना हना यो आं बाक्‍तीकेम बाक्‍ब’ देंशो बाक्‍ब। गे परमप्रभु यावे कली गेय पने। मोपा इन पर्बम आ गाइश्‍शो बेक्‍बा, कों?

एज्रा 7:23

स्‍वर्ग ङा परमप्रभुमी मार अरेशो बाक्‍मे आ खिं कली मार माल्‍दा मेको रीब पा स्‍वर्ग ङा परमप्रभु कली गेने। मो मदुम्‍त हना, आ गाइश्‍शो पिप आ राज्‍य नु आ तौ चच आन तार मोंइसीब।

प्रस्‍थान 3:18

इ देंशो लोव़ नेंशा, टिम्‍तेक्‍म हना, गे नु इस्राएल ङा मुर आन खाल्‍पापुकी इजीप्‍त रागी ङा पिप आ बाक्‍तीक लशा, मेको कली लोव़ पचा माल्‍नीनी। गेमी इजीप्‍त रागी ङा पिप कली ‘परमप्रभु यावे हिब्रू आन परमप्रभुमी आंइ कली ग्रुम्‍तीकी। आंइ कली नाक्‍त सां गोरशो रागीम लचा गेकी। मेकेर परमप्रभु यावे आंइ परमप्रभु कली चढ़ेथ लाइनीकी’ दे पिप कली देनीन। प्रस्‍थान ५:१,३

प्रस्‍थान 7:16

मिनु गे मेको कली ‘परमप्रभु यावे, हिब्रू मुर आन परमप्रभुमी इन कली, आं मुर आन कली आं कली चढ़ेतीक चढ़ेथ गोरशो रागी लचा गेवो, देंती। तन्‍न गे मुल सम्‍म आं लोव़ मटिवी’ देंत” देनीस। प्रस्‍थान ५:१

प्रस्‍थान 8:1

मिनु नोले परमप्रभु यावेमी मोसा कली “गे फाराओ आ बाक्‍तीक लावो। परमप्रभु यावेमी आ मुर आन कली लचा गेमी। प्रस्‍थान ५:१

प्रस्‍थान 8:20

मिनु परमप्रभु यावेमी मोसा कली “सुनी कना बोक्‍को। फाराओ खोला लमेनु, मेको कली ग्रुम्‍थ लावो। मिनु फाराओ कली ‘परमप्रभु यावेमी, आं मुर आन कली आं कली चढ़ेथ लचा गेवो। प्रस्‍थान ५:१

प्रस्‍थान 8:27

गोपुकी नाक्‍त सां ङा लां गाक्‍शा, गोरशो रागीम लशा, परमप्रभु यावेम देंशो खोदेंशो पा चढ़ेचा माल्‍नीकी” दें‍त। प्रस्‍थान ३:१८

इजीकीएल 6:11

मिनु परमप्रभु, परमप्रभु यावेमी “इन गुइ पोक्‍कीन। मिनु इन खोइल थाइक्‍तीन। इस्राएल आ खिं ङा मुर आन ग्रांग्रा दिशो गेय आ पर्बम ‘आबी आबी’ देनीन। मारदे हना मेकोपुकी तरवार, अन्‍काल नु मुर बेक्‍तीक रोइम बेक्‍नीम।

लेवी 26:25

गो इन कली लडाइ तोपाइक्‍नुङ। मिनु आं कबल प्रोंइशो आ पर्बम क्‍येक्‍क लेत्‍नुङ। गेपुकी आंम आंमा सहरम बुक्‍तीनी हना, गो मेकेर यो इन दातेम बेक्‍पाइक्‍ब रोइ सोइक्‍नुङ। मिनु इन जोरी सत्रु आन गुइम दुम्‍नीनी। यसैया १:२०,२४

ब्‍यवस्‍था 28:21

मिनु परमप्रभु यावेमी इन कली गेशो नु इन के सेल्‍शो रागी रे ग्रुंइचा सम्‍म इन कली मुर बेक्‍तीक रोइ पपाइक्‍ब।