प्रस्‍थान 40:18 - Sunuwar Bible

¹⁸ मोसामी परमप्रभु यावे आ बाक्‍तीक ताम्‍बु कीशा, राप्‍पाइक्‍तीकपुकी वोइक्‍तु। मिनु फलेक थारशा, लाइश्‍शो कोक्‍के शुइश्‍शा, थाम राप्‍पाइक्‍तु।

प्रस्‍थान 40:18 ပူးပေါင်းရင်းမြစ်များ

२ सामुएल 7:6

गो इस्राएली आन कली इजीप्‍त रे चाक्‍गुमी रे मुल सम्‍म गेनायो खिंम मबाक्‍ङ। ताम्‍बु नु अरु बाक्‍तीकेम बाक्‍ती। १राजा ८:१६,२७; यसैया ६६:१

प्रस्‍थान 40:17

इजीप्‍त रे गाक्‍मा आ नोले जाक्‍शो बर्स आ ङोंइती ङा महिना, ङोंइती ङा नाक्‍ती परमप्रभु यावे आ बाक्‍तीक ताम्‍बु कीतेक्‍म।

प्रस्‍थान 40:19

परमप्रभु यावे आ बाक्‍तीक तारी सुम्‍तीके यो कोप्‍ताक्‍व। परमप्रभु यावेमी मोसा कली दोपा अरेवा, मोपा पाप्‍तु।

प्रस्‍थान 40:2

“ङोंइती ङा महिना ङा ङोंइती नाक्‍ती, आं बाक्‍तीके ग्रुम्‍तीक ताम्‍बु कीङो। प्रस्‍थान ४०:१७; प्रस्‍थान १२:२; प्रस्‍थान १९:१

यसैया 33:24

सियोनम बाक्‍ब सुइमी “गो रोइ पशो बाक्‍नुङ” मदेंनीम। मेकेर बाक्‍ब मुर आन मरिम्‍शो पशो क्‍याम्‍चा पुंइसीशो बाक्नीम। जकरिया १२:८

लेवी 26:11

गो इन कली ग्रांग्रा मदित्‍थु, इन दातेमीन आ बाक्‍तीकेम बाक्‍नुङ। येरमीया ७:२३; २कोरिन्‍थी ६:१६

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

१ तिमोथी 3:15

गो नोले दुम्‍ती हना, परमप्रभु यावे आ खिं ङा मुरपुकी दोपा बाक्‍चा माल्‍नीमी, मेको तुइक्‍तमेक्‍ल। मेकोपुकी ब्रोंइचा गेब परमप्रभु यावे आ ग्रुम्‍तीक खिं ङा मुर बाक्‍नीम। मेको थमा लोव़ ङा थाम नु बोल्‍यो हिरशो गारो खोदेंशो बाक्‍नीम। एफिसी २:१९-२२

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३