प्रस्‍थान 40:15 - Sunuwar Bible

¹⁵ आन आफ कली खोदेंशो पा मेको आन कली यो तेल लुक्‍तो। मेकोपुकी यो चढ़ेब दुम्‍शा, आं गेय पचा माल्‍नीम। मेको तेल लुक्‍तीके आन चच युइ आन पाला नेल्‍लेमी गेना हना यो आं कली चढ़ेब दुम्‍नीम” देंत।

प्रस्‍थान 40:15 ပူးပေါင်းရင်းမြစ်များ

भजन संग्रह 110:4

मिनु परमप्रभु यावेमी “गे मेल्‍कीसेदेक खोदेंशो पा गेना हना यो चढ़ेब दुम्‍‍नेवे” दे कसम जाप्‍तु। मेकोमी आ थुं मफाइक्‍ब। उत्‍पत्ती १४:१८-२०; हिब्रू ५:६,१०; हिब्रू ६:२०; हिब्रू ७:१७,२१

प्रस्‍थान 12:14

मेको नाक्‍ती इन कली मिम्‍तीक नाक्‍ती दुम्‍चा माल्‍ब। मोपतीके आं नेंम भोज जचा माल्‍नीनी। गे बर्स बर्सम मेको चाड परमप्रभु यावे कली मानेचा माल्‍नीनी। इन पाला नेल्‍ल आन कली गेना हना यो अरेशो लोव़ बाक्‍ब।

प्रस्‍थान 28:41

गे मेको इ लोक्‍ब हारून नु आ तौ आन कली फेक्‍तीमी। मिनु तेल लुक्‍शा, आं कली ला गेय पचा कली योव़शा वोइक्‍मी। मोपा आं कली चढ़ेब दुम्‍नीम। प्रस्‍थान २९:९, २९-३६; प्रस्‍थान २९:२४; लेवी ८:१२,२२-३१

प्रस्‍थान 29:9

मिनु आ तौ आन कली किप्‍तीके किप्‍चा माल्‍नेवे। मिनु आन पियाम गुक्‍तीके गुप्‍चा माल्‍नेवे। मिनु मेकोपुकी गेना हना यो आं कली चढ़ेब गेय पाइब दुम्‍नीम। मोपा हारून नु आ तौ आन कली आं कली चढ़ेब सेल्‍मी। प्रस्‍थान २८:४१

प्रस्‍थान 30:31

इस्राएली आन कली ‘मेको गेना हना यो इन चच युइ आन पाला सम्‍म लुक्‍तीक तेल दुम्‍चा माल्‍ब। मेको तेल परमप्रभु यावे के ला बाक्‍ब।

प्रस्‍थान 30:33

सुमी मेको खोदेंशो पा ब्‍वाइश्‍शा तेल सेल्‍बा नु अरु मुर आन कली ख्रेक्‍बा, मेको मुर आ थर रे तिल्‍चा पुंइसीब” दे परमप्रभु यावेमी मोसा कली दें‍त।

प्रस्‍थान 40:14

आ तौ आन कली यो चाक्‍शा, वा फेक्‍तो।

प्रस्‍थान 40:16

मिनु परमप्रभु यावेमी मोसा कली दोपा अरेवा, मोपा पाप्‍तु।

जकरिया 4:14

मिनु मेकोमी “मेको रागी नेल्‍ल ङा परमप्रभु यावे आ ङोंइती राप्‍चा कली तेल लुक्‍चा पुंइसीशो बाक्‍नीसी” देंत। जकरिया ६:५; प्रकाश ११:४

गन्‍ती 25:13

मिनु मेको कबल इ कली नु इ चच युइ आन कली बाक्‍ब। मेको गेना हना यो चढ़ेब दुम्‍तीक कबल बाक्‍ब। मारदे हना गे इ परमप्रभु आ पर्बम जोंब बोक्‍शा, गेय पाप्‍तीवी। मिनु गेमी इस्राएली आन पर्बम पाप क्‍याम्‍तीक गेय पाप्‍तीवी’ देनो” देंत।

हिब्रू 7:3

मेको आ आम आफ नु आ किकी पिपी मबाक्‍नीम। गेना जरमेसे, गेना बेक्‍मे, दे मतुंइ‍सीब। तन्‍न परमप्रभु यावे आ तौ खोदेंशो बाक्‍शा, गेना हना यो परमप्रभु यावे कली चढ़ेब दुम्‍शा बाक्‍ब। यूहन्‍ना ७:२७

हिब्रू 7:7

ठेयबमी आइक्‍च कली आसीक गेब, दे नेल्‍लेमी तुइक्‍नय।