प्रस्‍थान 39:43 - Sunuwar Bible

⁴³ मिनु मोसामी मेको नेल्‍ल कोव़तु। मिनु परमप्रभु यावेमी दोपा अरेवा, मोपा ठीक सेल्‍शो तशा, मोसामी मेको नेल्‍ल आन कली आसीक गेप्‍तु।

प्रस्‍थान 39:43 ပူးပေါင်းရင်းမြစ်များ

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

उत्पत्ती 14:19

मिनु मेकोमी अब्राम कली आसीक गेशा “सरीङ नु रागी सेल्‍ब नेल्‍ल क्‍येङा ठेयब परमप्रभु आ आसीक इ कली रल।

२ सामुएल 6:18

दाऊदमी मेको चोशा चढ़ेतीक नु दुशा बाक्‍चा आ पर्बम चढ़ेतीके चढ़ेने थुम्‍शा, मुर नेल्‍ल आन परमप्रभु यावे आ नेंमी आ मुर नेल्‍ल आन कली आसीक गेमी बाक्‍त। १राजा ८:५५

१ राजा 6:38

मिनु ११ बर्स ङा बुल माइश्‍शो महिनामी मेको खिं नेल्‍ले सेल्‍ने थुम्‍मे बाक्‍त। मेको सेल्‍चा कली ७ बर्स माल्‍दा बाक्‍त।

१ राजा 8:14

मिनु पिपमी लेश्‍शा कोव़शा, इस्राएल ङा बुक्‍शो मुर नेल्‍ल आन कली आसीक गेमी बाक्‍त। मेना मेकोपुकी चहिं राप्‍शो बाक्‍मा बाक्‍त।

१ राजा 8:55

मिनु मेको राप्‍‍शा, ठेयब सेंदा पा बुक्‍शा बाक्‍शो इस्राएली नेल्‍ल आन कली आसीक गेमी बाक्‍त।

१ इतिहास 16:2

मिनु दाऊदमी मेको चोशा चढ़ेतीके नु दुशा बाक्‍चा आ पर्बम चढ़ेतीके चढ़ेने थुम्‍शा, मुर आन कली परमप्रभु यावे आ नेंमी आसीक गेवा बाक्‍त।

२ इतिहास 30:27

मिनु चढ़ेबपुकी नु लेवीपुकी बोक्‍शा मुर आन कली आसीक गेमे बाक्‍त। मेको आन पुंइशो लोव़ परमप्रभु यावे आ बाक्‍तीक स्‍वर्ग सम्‍म नेंसे बाक्‍त।

२ इतिहास 6:3

मिनु नोले पिप खुम्‍सीशो इस्राएली गे हिरशा, नेल्‍ल आन कली आसीक गेमी बाक्‍त। मेना मुर नेल्‍ले राप्‍शो बाक्‍मा बाक्‍त।

नेहेम्‍याह 11:2

मुरपुकीमी यरूसलेममी ग्‍येरशा लाइब नेल्‍ल आन कली आसीक गेम्‍तेक्‍म।

भजन संग्रह 104:31

परमप्रभु यावे आ सक्ति गेना हना यो लीशा बाक्‍ल। परमप्रभु यावे आ गेय तशा, आंमा ग्‍येरसेक्‍ल।

भजन संग्रह 19:11

मेकोमी इन गेय पाइब कली होस पा बाक्‍पाइक्‍ब। मेको लोव़ टीबपुकीम ठेयब इनाम ताइनीम।

प्रस्‍थान 12:28

मिनु इस्राएलीपुकीमी लशा, परमप्रभु यावेमी मोसा नु हारून आस कली दोदेंशो देंमे, मोदेंशो पाम्‍तेक्‍म।

प्रस्‍थान 25:9

गो इ कली कोंइशो खोदेंशो पा ताम्‍बु सेल्‍पाइक्‍चा माल्‍नेवे। आगाम मार मार वोइक्‍चा माल्‍नेवे, मेको आं कोंइशो खोदेंशो पा सेल्‍पतो। प्रस्‍थान २५:४०; प्रस्‍थान २६:३०; प्रस्‍थान २७:८

प्रस्‍थान 39:42

परमप्रभु यावेमी मोसा कली दोपा अरेवा, मोपा इस्राएल ङा मुरपुकीमी सेल्‍तेक्‍म।

प्रस्‍थान 40:1

मिनु परमप्रभु यावेमी मोसा कली

प्रस्‍थान 40:25

परमप्रभु यावे आ ङोंइती दियारी दातु। मिनु परमप्रभु यावेमी मोसा कली दोपा अरेवा, मोपा पाप्‍तु।

प्रस्‍थान 7:6

मिनु मोसा नु हारूनमी परमप्रभु यावे आ देंशो पाम्‍ताक्‍से।

येरमीया 13:5

मोपतीके गो परमप्रभु यावेम देंशो खोदेंशो पा, मेको युफ्रेटीसम ख्रुइश्‍शा वोइक्‍ता।

लेवी 16:34

मिनु बर्सम खेयप का इस्राएली नेल्‍ल आन कली पाप क्‍याम्‍तीक गेय पचा माल्‍ब। मेको इन कली गेना हना यो पतीक बाक्‍त। बर्सम खेयप का इस्राएली नेल्‍ल आन पाप आ पर्बम माफ पुंइचा माल्‍ब’ दे हारून कली देनो” देंत। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु। प्रस्‍थान ३०:१०; हिब्रू १०:३

यहोसु 22:6

मिनु यहोसुमी मेको आन कली आसीक गेशा, सोइक्‍ताक्‍व। मिनु मेकोपुकी आंम आंम खिं लाम्‍तेक्‍म।

यहोसु 22:7

मनस्‍से आ उइक्‍थ थर कली मोसामी बाशानमी आंम रागी गेप्‍तु। तन्‍न अर्को उइक्‍थ थर कली यहोसुमी यर्दन आ पच्‍छिम गे मेको आन लोक्‍ब नु गेप्‍तु। मिनु यहोसुमी मेको आन कली आंम आंम खिंम सोइक्‍ची ना मेको आन कली आसीक गेप्‍तु।