प्रस्‍थान 39:27 - Sunuwar Bible

²⁷ हारून नु आ तौ आन कली रिम्‍शो पा किरशो सुती श्‍येले के प्रोव़शो वा के फेक्‍तीक यो सेल्‍तेक्‍म।

प्रस्‍थान 39:27 ပူးပေါင်းရင်းမြစ်များ

प्रस्‍थान 28:36

गे कुप्‍फीम पांइ‍तीके क्‍येख सुन के फू खोदेंशो पा चेम्‍पाइक्‍चा माल्‍नेवे। मेकेर छाप थोक्‍शो खोदेंशो पा ‘परमप्रभु यावे कली ला’ दे मुशा ब्रेक्‍पाइक्‍चा माल्‍नेवे। जकरिया १४:२०; प्रस्‍थान ३९:३०

प्रस्‍थान 39:26

किङगो का दारीम का नु किङगो का दारीम का पा ख्राक्‍शा, बिर हिरशा क्‍युक्‍तेक्‍म। मेको परमप्रभु यावे आ ङोंइती गेय पची ना फेक्‍तीक वा दुम्‍त। परमप्रभु यावेम मोसा कली दोपा अरेवा मोपा सेल्‍तेक्‍म।

प्रस्‍थान 39:28

रिम्‍शो पा किरशो सुती श्‍येले के प्रोव़शो वा के पियाम रुक्‍तीक नु गुक्‍तीक ताकी नु सुरुवाल सेल्‍तेक्‍म।

यसैया 61:10

गो परमप्रभु यावे कली मिम्‍शा, ग्‍येरसीनुङ। आं थुं नेल्‍लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्‍पाइश्‍शा, ठीक पतीकेमी सुम्‍ती। दोदेंशो पा ग्‍युम्‍लेम माहुर चुइक्‍सीबा नु ग्‍युम्‍लीम ग्‍योम्‍सीबा, मोदेंशो पा परमप्रभु यावेमी आं कली ग्‍योम्‍ताक्‍यी। मत्ती २२:११-१२

इजीकीएल 44:17

मेकोपुकी आगा ङा लाङगा ङा लाप्‍चो रे ओव़मानु, सुती के वा फेक्‍शो बाक्‍चा माल्‍नीम। मेकोपुकीम आगा ङा लाङगा ङा लाप्‍चो नु आं खिं आगाम गेय पामेनु, ऊन के मारेइ वा फेक्‍चा मदुम्‍नीम। लेवी १६:४

इजीकीएल 44:18

मेकोपुकीम पियाम सुती के गुप्‍तीक गुप्‍चा माल्‍नीम। मिनु सुती के आगाम फेक्‍तीक वा फेक्‍चा माल्‍नीम। मेकोपुकीम गल शाइक्‍ब तेकोइ वा फेक्‍चा मदुम्‍नीम।

लेवी 6:10

मिनु चढ़ेबमी आ सुती के आगा फेक्‍तीक वा नु सुती के फेक्‍तीके फेक्‍चा माल्‍ब। मिनु मेकोमी मीम दाक्‍शो चोशा चढ़ेशो आ पुलु हुइश्‍शा चढ़ेतीक आ नेक्‍था वोइक्‍चा माल्‍ब। प्रस्‍थान २८:४२

लेवी 8:13

मिनु मोसामी हारून आ तौ आन कली चाक्‍पाइश्‍शा, आगा वा फेक्‍ताक्‍मी। मिनु किप्‍शुर किप्‍शा पियाम गुप्‍तीके गुप्‍ताक्‍मी। परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।

रोमी 13:14

नक वा फेक्‍शो खोदेंशो पा प्रभु येसु ख्रीस्‍त नु रां का दुम्‍शा, इन रां कली मरिम्‍शो पचा मगेने। गलाती ३:२७; १कोरिन्‍थी ९:२७; कलस्‍सी २:२३

रोमी 3:22

परमप्रभु यावे आ ठीक पतीके येसु ख्रीस्‍त कली थमा सुइक्‍ब नेल्‍ल आन कली बाक्‍ब। यहूदी बाक्‍तेक्‍म हना यो, अर्को रागी ङा मुर बाक्‍तेक्‍म हना यो, नेल्‍ल कान बाक्‍नीम। फिलिप्‍पी ३:९

गलाती 3:27

गे ख्रीस्‍त आ नेंमी ब्‍वाक्‍कुम ख्रुम्‍शा ग्रुंइपांइसीशोपुकी येसु ख्रीस्‍त फेक्‍शो खोदेंशो पा, ख्रीस्‍त नु रां का दुम्‍तीनी। रोमी ६:३; रोमी १३:१४

१ पत्रुस 1:13

मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६