प्रस्‍थान 39:21 - Sunuwar Bible

²¹ मिनु मेको निसाफ पतीके ऊरीम नु थुम्‍मीम वोइक्‍तीक झोला आ मुन्‍द्रामी नीलो डोरीम लिक्‍शा, कुचु तार वोइक्‍तीक वामी पाइक्‍ताक्‍म। मोपा मेको निसाफ पतीके झोला दारपाइश्‍शो पाइक्‍तीक तार बाक्‍शो कुचुम वोइक्‍तीक वा रे एर ओंथ मयाक्‍सेक्‍ल, दे पाइक्‍ताक्‍म। परमप्रभु यावेमी मोसा कली दोपा अरेवा, मोपा सेल्‍तेक्‍म।

प्रस्‍थान 39:21 ပူးပေါင်းရင်းမြစ်များ

प्रस्‍थान 25:7

निसाफ पतीके ऊरीम नु थुम्‍मीम वोइक्‍तीक झोला नु कुचु तार वोइक्‍तीक सेल्‍चा कली ओनीक्‍स माइश्‍शो हीरा नु अरु हीरा ताक्‍चा माल्‍नीनी।

प्रस्‍थान 28:8

मिनु आ पाइक्‍तीके मेको कुचु तार वोइक्‍तीके का रेन दुम्‍चा माल्‍ब। मिनु खाल का ङा रिम्‍शो गेयम सेल्‍शो दुम्‍चा माल्‍ब। मेको पाइक्‍तीके सुन, नीलो, प्‍याजी नु लल रङ ङा श्‍येले नु रिम्‍शो पा किरशो सुती श्‍येले के प्रोव़शो वा दुम्‍चा माल्‍ब।

प्रस्‍थान 39:20

मेकोपुकीमी लेंशा सुन के मुन्‍द्रा निक्‍शी सेल्‍तेक्‍म। कुचु तार वोइक्‍तीके आ बला सुम्‍तीके उइ ङा सुरम वोइक्‍तेक्‍म। दारपाइश्‍शो पाइक्‍तीके आ तारी क्‍येप्‍ताक्‍म।

प्रस्‍थान 39:22

मिनु मेको कुचु तार वोइक्‍तीके आगा फेक्‍तीक नेल्‍ल नीलो प्‍याजी रङ ङा वा के फेरतेक्‍म।

मत्ती 16:24

मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

१ कोरिन्‍थी 1:25

परमप्रभु यावे आ मूर्ख लोव़ मुर आन जोक्‍तीक तुइक्‍तीक क्‍येङा ठेयब जोक्‍तीक तुइक्‍तीक लोव़ बाक्‍ब। परमप्रभु यावे आ आइक्‍च सक्ति यो मुर आन ठेयब सक्ति क्‍येङा ठेयब बाक्‍ब।

१ कोरिन्‍थी 1:27

तन्‍न परमप्रभु यावेमी जोक्‍ब तुइक्‍ब आन कली मुने तोक्‍चा कली मजोक्‍ब मतुइक्‍ब मूर्ख आन कली योव़तीमी। परमप्रभु यावेमी अधिकार सक्ति पाइश्‍शो आन कली मुने तोक्‍चा कली अधिकार सक्ति मपाइश्‍शो आन कली योव़तीमी।