प्रस्‍थान 38:24 - Sunuwar Bible

²⁴ परमप्रभु यावे आ बाक्‍तीक नु मेकेर माल्‍शो मारेइ मारेइ सेल्‍चा कली मुर आन गेशो सुन गिश दुम्‍माक्‍त देंशा हना, २९ टलेन्‍ट नु ७ सहे ३० शेकेल दुम्‍त। नेल्‍ल नाक्‍शा, हजार का किलो खोदेंशो दुम्त। टलेन्‍ट का ३४ किलो बाक्‍ब। शेकेल का ११.५ ग्राम, तोला का खोदेंशो बाक्‍ब।

प्रस्‍थान 38:24 ပူးပေါင်းရင်းမြစ်များ

प्रस्‍थान 25:2

“इस्राएली आन कली ‘आं कली मार मार गेचा मिम्‍नीनी, मेको गेने’ दे मतो। आन थुंमी गेचा दाक्‍शो, नेल्‍ल आन चाक्‍शो गे नु इ कली वारच पाइबपुकीमी ताक्‍कीन। प्रस्‍थान ३५:४-७; १इतिहास २९:५; एज्रा २:६८,६९

प्रस्‍थान 29:24

मेको नेल्‍ल हारून नु आ तौ आन दाइश्‍शो गुइ गुइमी गेचा माल्‍नेवे। मेको परमप्रभु यावे आ ङोंइती ग्‍येत्‍थ लुक्‍च पा हिम्‍शा चढ़ेतीक चढ़ेचा माल्‍नीम।

प्रस्‍थान 30:24

नु कस्‍सीया माइश्‍शो ब्रोव़शो रिना पाइब फू ५ सहे शेकेल, ताम्‍बु ङा नाक्‍तीकेमी नाक्‍शा, चाक्‍चा माल्‍नेवे। रिम्‍शो तेल हिन का यो चाक्‍चा माल्‍नेवे। हिन का ४ लिटर खोदेंशो बाक्ब।

प्रस्‍थान 35:22

मीश मुर, वोंइश मुर नेल्‍लेमी मार मार चाक्‍तेक्‍म देंशा हना, मुन्‍द्री, मारवाडी, औंठी, सुन के चुरा नु अरु सुन के थोव़कपुकी परमप्रभु यावे कली चाक्‍तेक्‍म।

लेवी 27:25

मिनु गिश क्‍येट लाइ‍बा, मेको नेल्‍ल परमप्रभु यावे आ ताम्‍बु ङा चांदी के शेकेलम थाप्‍चा माल्‍ब। शेकेल काम २० गेरा बाक्‍नीम। गेरा का ०.६ ग्राम बाक्‍ब।

लेवी 27:3

मेकोमी २० बर्स रे ६० बर्स सम्‍म ङा वोंइश मुर आन पर्बम आं ताम्‍बु ङा चांदी के ५० शेकेल परमप्रभु यावे कली गेचा माल्‍नीम। शेकेल इस्राएली आन क्‍येट बाक्‍ब। शेकेल का ११.५ ग्राम चांदी बाक्‍ब। ताम्‍बु ङा शेकेल चहिं १२ ग्राम बाक्‍त। न्‍यायाधीस ११:३१; १सामुएल १:११

लेवी 5:15

“सुइ मुरुमी प्रेंशा, परमप्रभु यावे आ देंशो मटिथु, पाप पाप्‍तु हना, मेको आ बगाल रे मारेइ मदुम्‍शो थम रिम्‍शो ताम्‍बु ङा चांदी के शेकेलम फाइक्‍चा कली सांड का मेको पाप आ पर्बम चढ़ेचा कली परमप्रभु यावे आ ङोंइती चाक्‍चा माल्‍ब। मेको गारचा आ पर्बम चढ़ेतीक बाक्‍ब। शेकेल का ११.५ ग्राम बाक्‍ब। चांदी नु सुन के क्‍येट बाक्‍त।

हाग्‍गै 2:8

सुन चांदी नेल्‍ल आं के बाक्‍ब।

गन्‍ती 18:16

मेको आन कली प्रोंइतीक क्‍येट महिना का गाप्‍शो कली चांदी के ५ शेकेल ताक्‍चा माल्‍नेवे। मेको ताम्‍बु ङा शेकेल बाक्‍चा माल्‍नीम। मेको ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ताम्‍बु ङा शेकेल का १२ ग्राम ङा क्‍येट बाक्‍ब। लेवी २७:६,२७

गन्‍ती 3:47

मेको आन कली प्रोंइचा कली का के ५ शेकेल ताक्‍को। ग्रुम्‍तीक ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ग्रुम्‍तीके ताम्‍बु ङा शेकेल १२ ग्राम बाक्‍ब।