प्रस्‍थान 36:3 - Sunuwar Bible

³ इस्राएलीपुकीमी परमप्रभु यावे आ बाक्‍तीक सेल्‍चा कली मार मार चाक्‍शो बाक्‍मा, आन थुंमी ग्‍येरशा गेशो नेल्‍ल मोसा आ गुइ रे ताक्‍तेक्म। मेना सम्‍म मुरपुकीमी सुनी कुस कुस मार मार चाक्‍स ङा चाक्‍स बाक्‍तेक्‍म।

प्रस्‍थान 36:3 ပူးပေါင်းရင်းမြစ်များ

भजन संग्रह 101:8

गो सुनी कुस कुस रागीम बाक्‍ब परमप्रभु आ अरेशो लोव़ मटीब आन कली खतम सेल्‍नुङमी। मोपा परमप्रभु यावे आ सहरम बाक्‍ब मरिम्‍शो पाइब मलीनीम। हितोपदेस २०:२६

भजन संग्रह 5:3

परमप्रभु यावे, गे सुनी कना आं सेंदा नेंनीनी। गो मार माल्‍नुङा, मेको इन कली पुंइशा, रिम्‍शा बाक्‍नुङ।

प्रस्‍थान 35:27

मिनु ठेयब मुरपुकीमी ओनीक्‍स माइश्‍शो नु अरु हीरा कुचु तार वोइक्‍तीक नु निसाफ पतीक ऊरीम नु थुम्‍मीम वोइक्‍चा कली झोलाम क्‍येप्‍पाइक्‍चा कली चाक्‍तेक्‍म।

प्रस्‍थान 35:29

मोपा इस्राएली नेल्‍लेमी ग्‍येरशा, परमप्रभु यावे कली गेचा कली मारेइ मारेइ चाक्‍तेक्‍म। मीश मुर नु वोंइश मुरुमी मार मार माल्‍बा मेको नेल्‍ल चाक्‍तेक्‍म। परमप्रभु यावेमी मोसा कली अरेशो खोदेंशो पा ताम्‍बु सेल्‍तीक गेय पचा कली मार मार चाक्‍तेक्‍म।

प्रस्‍थान 36:2

मिनु मोसामी, बेचालेल, ओहोली-आब नु परमप्रभुमी जोक्‍ब तुइक्‍ब सेल्‍शो मुर नेल्‍ल आन कली ब्रेत्‍ताक्‍नमी। सु सु आन थुंमी “गो यो मेको गेय पाइनुङ” दे मिम्‍शो बाक्‍मा, मेको आन कली यो ब्रेत्‍ताक्‍नमी।

प्रस्‍थान 36:4

मिनु परमप्रभु यावे आ बाक्‍तीक सेल्‍ब जोक्‍ब तुइक्‍बपुकीमी आन गेय प्रोंइशा, मोसा आ बाक्‍तीक जाक्‍तेक्‍म।

हितोपदेस 8:15

गो रे पा पिपपुकीमी सासन पाइनीम। हुकुम पाइबपुकीमी ठीक पा अरेतीक लोव़ पाइनीम। हितोपदेस १६:१२

यसैया 50:4

परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

आमोस 4:5

आं कली ‘गे इस्राएल ङा मुर, रिम्‍शो पाइब बाक्‍नीनी’ दे बोरब ओख्‍ती सुप्‍शो शोब्‍ले चढ़ेपने। मिनु थुंम ग्‍येरशा चढ़ेतीक आ पर्बम ठेयब लोव़ पना पन गाक्‍कीन। मारदे हना गे मोदेंशो पचा दाक्‍नीनी” दे परमप्रभु यावेमी देंत। लेवी २:११