प्रस्‍थान 36:1 - Sunuwar Bible

¹ मिनु परमप्रभु यावेमी बेचालेल, ओहोली-आब नु अरु आन कली आ बाक्‍तीक सेल्‍चा, दे जोक्‍ब तुइक्‍ब नु रुप्‍तीक थुं गेशो मुर नेल्‍लेमी, परमप्रभु यावेमी देंशो खोदेंशो पा गेय पचा माल्‍नीम” दे मोसामी इस्राएली आन कली दें‍त।

प्रस्‍थान 36:1 ပူးပေါင်းရင်းမြစ်များ

१ राजा 7:14

मेको आ ममा नाप्‍ताली आ खिं ङा आ वोंइश बेक्‍शो मीश मुर का बाक्‍माक्‍त। मेको आ आफ टायर ङा थाम्‍पा कांसा के गेय पस जोक्‍ब मुर बाक्‍माक्‍त। मोपतीके हुराम यो थाम्‍पा कांसा के गेय पस जोक्‍ब बाक्‍माक्‍त। मिनु मेको पिप सोलोमन आ बाक्‍तीक जाक्‍माक्‍त। मिनु आ कली गेशो गेय नेल्‍ल पवा बाक्‍त।

१ इतिहास 2:20

मिनु हुर आ तौ ऊरी बाक्‍माक्‍त। ऊरी आ तौ बेजालेल बाक्‍माक्‍त। प्रस्‍थान ३१:२

१ इतिहास 28:21

परमप्रभु आ खिंमी गेय पचा कली चढ़ेब नु लेवी आन हुल हुल ठीक दुम्‍शो बाक्‍नीम। मिनु मेको गेय पचा कली शुश जोक्‍ब तुइक्‍ब नु ग्‍येरशो गेय पाइब गे नु बाक्‍नीम। मिनु ठेयब मुरपुकी नु मुर नेल्‍लेमी इ देंशो नेल्‍ल टीनीम” दे दाऊदम आ तौ सोलोमन कली देंमाक्‍त।

भजन संग्रह 119:6

गो इन शेंतीके नेल्‍ले होस पा पशो नङ हना, मुने मदोक्‍ङ वा।

प्रस्‍थान 12:28

मिनु इस्राएलीपुकीमी लशा, परमप्रभु यावेमी मोसा नु हारून आस कली दोदेंशो देंमे, मोदेंशो पाम्‍तेक्‍म।

प्रस्‍थान 25:8

मिनु गो मेको आन दातेमी बाक्‍चा कली आं बाक्‍तीक सेल्‍पतो। इजीकीएल ३७:२६-२८

प्रस्‍थान 28:3

मिनु सु सुमी फेरस जोक्‍नीमी, मेको नु लोव़ पावो। मारदे हना गो मेको आन कली जोक्‍ब नु तुइक्‍ब सोक्‍तीम प्रिंताक्‍ङमी। मेकोपुकीमी हारूनमी आं कली चढ़ेतीक गेय पचा कली वासी फेरचा माल्‍नीम। प्रस्‍थान ३१:५

प्रस्‍थान 31:11

लुक्‍तीक तेल नु ब्रोव़शो रिना पाइब धूप गोम इ कली देंशो खोदेंशो पा मेकोपुकीमी आं बाक्‍तीक कली सेल्‍चा माल्‍नीम” दें‍त।

प्रस्‍थान 36:2

मिनु मोसामी, बेचालेल, ओहोली-आब नु परमप्रभुमी जोक्‍ब तुइक्‍ब सेल्‍शो मुर नेल्‍ल आन कली ब्रेत्‍ताक्‍नमी। सु सु आन थुंमी “गो यो मेको गेय पाइनुङ” दे मिम्‍शो बाक्‍मा, मेको आन कली यो ब्रेत्‍ताक्‍नमी।

प्रस्‍थान 38:23

मेको नु दान आ थर ङा अहीसामाक आ तौ ओहोली-आब यो बाक्‍त। मेको मार मार मुशा सेल्‍तीक गेय जोक्‍ब, ब्रेक्‍स ब्रेक्‍शा सेल्‍चा जोक्‍ब नु नीलो, प्‍याजी नु लल रङ ङा रिम्‍शो पा किरशो सुती श्‍येलेम दारशो बुटा आप्‍तीक गेय यो जोक्‍ब बाक्‍त।

प्रस्‍थान 39:1

परमप्रभु यावेमी मोसा कली दोपा अरेवा, मोपा बेचालेल नु आ मुरपुकीमी हारून कली परमप्रभु यावे आ बाक्‍तीकेमी गेय पचा कली नीलो प्‍याजी नु लल रङ ङा श्‍येले के प्रोव़शो फेक्‍तीक वा सेल्‍तेक्‍म।

गन्‍ती 7:9

तन्‍न मेकोमी कोहाथी आन कली मारेइ मगेमी। मारदे हना मेकोपुकीमी परमप्रभु यावे आ मार मार थोव़क कोव़चा नु आन बलाम कुरचा माल्‍बाक्‍तेक्‍म। गन्‍ती ४:१५

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

लूका 1:6

मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।

हिब्रू 8:2

मुरपुकीमी सेल्‍शो ममाइ, परमप्रभु यावेमी सेल्‍शो थमा ङा ताम्‍बुमी गेय पाइब दुम्‍शो बाक्‍ब।