प्रस्‍थान 34:5 - Sunuwar Bible

⁵ मिनु परमप्रभु यावे गोस्‍स आगाम बाक्‍शा, तोंइसाक्‍व। मिनु मोसा नु राप्‍शा आ नें देंना देंन गाक्‍त।

प्रस्‍थान 34:5 ပူးပေါင်းရင်းမြစ်များ

भजन संग्रह 102:21

मोपा “परमप्रभु यावे ठेयब बाक्‍ब” दे सियोन ङा मुर आन कली शेंदमेक्‍ल। मिनु यरूसलेम ङा मुरपुकीम मेको कली ठेयब सेल्‍मेक्‍ल।

प्रस्‍थान 19:18

मिनु सीनै डांडा कुनै कुन दुम्‍‍त। मारदे हना परमप्रभु यावे मेकेर मीम तोंइसाक्‍व। मेको मार मार चोशो खोदेंशो पा ठेयब कुन ग्रू्‍त। मिनु डांडामी ठेयब ख्रिनु कु‍त। उत्‍पत्ती १५:१७

प्रस्‍थान 19:9

परमप्रभु यावेमी मोसा कली “लो, गो मारेइ मतांइसीचा ङा गोस्‍सुमी इ कली ग्रुम्‍थ जाक्‍नुङ। मोपा गो मुर आन कली, गे नु लोव़ पशा नेंपाइक्‍नुङमी। मिनु इ कली गेना हना यो थमा सुइक्‍नीम” दें‍त। मोसामी मुर नेल्‍ल आन देंशो यो परमप्रभु यावे कली दें‍त। प्रस्‍थान १६:१०; प्रस्‍थान ३४:५; भजन संग्रह १८:१२; प्रस्‍थान १४:३१

प्रस्‍थान 23:21

गेपुकी होस पा बाक्‍शा, आं देंशो टिने। गेपुकी मेको कली मगाइक्‍पतीन। मारदे हना आं नें मेको नु बाक्‍ब। मिनु मेकोमी इन हेंथे पतीक मक्‍याम्‍ब। यसैया ६३:१०

प्रस्‍थान 33:19

मिनु मेकोमी “गो इ ङोंइती रे लाइनुङ, आं गेना हना यो दाक्‍तीक कोंइनन। इ ङोंइती आं नें ‘यावे, देंना देंन गाक्‍नुङ’ सु सु आन कली शिशी पचा दाक्‍ङा, मेको आन कली शिशी पाइनुङ। सु सु आन कली दाक्‍चा दाक्‍ङा, मेको आन कली दाक्‍नुङ” दें‍त। रोमी ९:१५

प्रस्‍थान 33:9

मिनु मोसा मेको ताम्‍बु आगा ओव़मेनु, गोस्‍स के थाम यिशा, ताम्‍बु आ ओव़तीकेम राप्‍शो ताम्‍तेक्‍म। मिनु परमप्रभु यावेमी मोसा नु लोव़ पाप्‍तु। गन्‍ती ११:२५; ब्‍यवस्‍था ३१:१५

हितोपदेस 18:10

परमप्रभु यावे आ नें बोल्‍यो लाइश्‍शो खिं खोदेंशो बाक्‍ब। ठीक पाइबपुकी मेकेर दोरशा लशा, ब्रोंइशा बाक्‍नीम। हितोपदेस १४:२६; भजन संग्रह ६१:४

यसैया 1:10

सोदोम ङा सासन पाइबपुकी, परमप्रभु यावे आ लोव़ नेनीन। गोमोररा ङा मुरपुकी आंइ परमप्रभु आ शेंशो लोव़ नेनीन।

गन्‍ती 11:17

मिनु गो यिशा, गे नु लोव़ पाइनुङ। मिनु गो इ आगामी बाक्‍शो सोक्‍त रे लाइश्‍शा, मेको आन तारी वोइक्‍नुङ। मिनु मेकोपुकीमी गे नु गारशा, मेको मुर आन श्‍येत कुरनीम। मिनु गे का ला कुरचा ममाल्‍नेवे।

गन्‍ती 11:25

मिनु नोले परमप्रभु यावे गोस्‍सुमी उइ आगा तोइश्‍शा, मोसा नु लोव़ पाप्‍तु। मिनु मेकोमी मोसा आ आगा बाक्‍शो सोक्‍त इच्‍का लाइश्‍शा, मेको ७० जना खाल्‍पा आन तार वोइक्‍तु। मिनु मेको सोक्‍त मेको आन तार नांइसेनु, मेकोपुकीमी परमप्रभु यावे आ लोव़ पाम्‍तेक्‍म। तन्‍न नोनोले मो मपाम।

गन्‍ती 12:5

मिनु नोले परमप्रभु यावे गोस्‍स के थामम यिशा ग्रुम्‍तीक ताम्‍बु आ ओव़तीक राप्‍शा, हारून नु मिरयाम आस कली ब्रेत्‍ताक्‍मसी। मिनु मेको निम्‍फा जाक्‍ताक्‍स। प्रस्‍थान १६:१०

गन्‍ती 14:17

मोपतीके, परमप्रभु, इन ठेयब सक्ति कोंइदीन। गे इन थोक्‍शो पशो लोव़ खाप्‍पीन।

ब्‍यवस्‍था 32:3

मारदे हना गो परमप्रभु यावे आ नें ठेयब सेल्‍नुङ। इं परमप्रभु ठेयब बाक्‍ब।

१ सामुएल 3:18

मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६