प्रस्‍थान 33:4 - Sunuwar Bible

⁴ मिनु मुरपुकीमी मेको मरिम्‍शो लोव़ नेंशा, सुर्ता पाम्‍तेक्‍म। सुइमी आन सुन चांदी मारेइ मपांइसम।

प्रस्‍थान 33:4 ပူးပေါင်းရင်းမြစ်များ

२ सामुएल 19:24

सावल आ चच मेफी-बोशेथ यो दाऊद पिप कली ग्रुम्‍थ उइ यिमाक्‍त। मेकोम पिप गाक्‍म रे ग्राशा मलेम्‍म सम्‍म आ खोइल ङा ग्‍ये यो मख्रोदा बाक्‍त। आ गल शोक्रे यो मप्रेक्‍गा बाक्‍त। आ वा यो ममुरशो बाक्‍माक्‍त। २सामुएल ९:६

१ राजा 21:27

मिनु आहाबम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा माइजा बाक्‍माक्‍त। मेको अरन्‍डी फेक्‍शा आ थुं लुक्‍च लशा इम्‍माक्‍त।

२ राजा 19:1

मिनु पिप हिज्‍कीयाहम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा, परमप्रभु यावे आ खिं लमाक्‍त।

एज्रा 9:3

मिनु गो मेको लोव़ नेंशा आं फेक्‍शो वा खाक्‍ता। आं चां नु गल शोक्रे तुल्‍ता। मारेइ लोव़ पने मचाप्‍थु, सिक्‍सी पा बाक्‍ती।

अय्‍युब 1:20

मिनु अय्‍युब बोक्‍शा आ वा खाक्‍गा बाक्‍त। आ चां प्रेक्‍गा बाक्‍त। मिनु खुम्‍की पा बाप्‍शा,

अय्‍युब 2:12

मिनु मेकोपुकीम अय्‍युब कली ङोन रे तशा, अय्‍युब कली मतुइक्‍तमे बाक्‍त। मिनु मेकोपुकीम अय्‍युब कली तुइक्‍तमे नोले वाइ ब्रेश्‍शा ङाक्‍शा, श्‍येत लाक्‍शा आन वा खाक्‍शा, आन पियाम फुरक फुंइस‍मा बाक्‍त।

प्रस्‍थान 33:6

मोपतीके होरेब डांडाम बाक्‍मा रे इस्राएलीपुकीमी सुन चांदी मपांइसम।। योना ३:६

यसैया 32:11

गे ठेयब लेश्‍शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्‍शा अरन्‍डी फेक्‍सीन।

इजीकीएल 24:17

सिक्‍सी पा बाक्‍शा हुकयी पावो। बेक्‍शो मुर आ पर्बम रोंका मपावो। इ पियाम फेटा रुक्‍सो। खोइलीम जुत्ता लिक्‍सो। इ कुल मसुम्‍सो। मलामी आन जचा थोव़क मजावो” देंत। मीका ३:७; होसे ९:४

इजीकीएल 24:23

गे इन फेटा रुक्‍चा माल्‍नीनी। मिनु इन जुत्ता लिक्‍चा माल्‍नीनी। गेपुकीम रोंका मपने। मङाक्‍कीने, तन्‍न इन मरिम्‍शो पतीकेम इन रां सोव़शा लाइनीम। मिनु इन दातेम हुकयी पचा माल्‍नीनी। ब्‍यवस्‍था २६:३९-४०

इजीकीएल 26:16

मेना समुन्‍द्र आ नेक्‍था ङा सहर आन कली सासन पाइब आन ठेयब नित्‍तीक रे बोक्‍शा तोइश्‍शा, बुटा आप्‍शो वा प्रुइक्‍नीम। मेकोपुकी हिंशा ख्रिंख्रि पशा, खपीम निश्‍शा, हिम्‍‍सी‍नीम। मिनु इ कली तशा हिंनीम।

होसे 7:14

मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।

लेवी 10:6

मिनु मोसाम हारून नु आ तौ एलाजर नु इथामार आन कली “रोंका पा इन पिया ङा चां मप्रेक्‍कीन। इन वा मखाक्‍कीन। मो पाइतीनी हना, गेपुकी बेक्‍नीनी। मिनु परमप्रभु यावे आ गाइक्‍तीक नेल्‍ल मुर आन तारी जुक्‍ब। तन्‍न परमप्रभु यावे आ सोइश्‍शो मीम दुप्‍शा बेक्‍ब आस पर्बम इन खिं ङा मुर नु इस्राएली ङा मुर नेल्‍ल रोंका पचा दुम्‍ब। लेवी २१:१०

योना 3:6

मिनु निनवे ङा पिपमी यो मेको लोव़ नेना बाक्‍त। मेको आ ठेयब नित्‍तीके रे बोक्‍शा, पिप आ फेक्‍तीके वा प्रुइश्‍शा, अरन्‍डी फेक्‍शा, पुलु तारी निस्‍से बाक्‍त।

जकरिया 7:3

मिनु मुर नेल्‍ल आन परमप्रभु यावे आ खिंमी चढ़ेब नु परमप्रभु यावे आ लोव़ पाइब आन कली ‘गोपुकी मुल सम्‍म शुश बर्स ङोंइती रे प‍शो खोदेंशो पा ५ महिनामी रोंका पा माइजा बाक्‍चा माल्‍नीकी ङा?’ दे हिल्‍लो प‍चा कली सोइश्‍शो बाक्‍तेक्‍म” देंत। जकरिया ८:१९; २राजा २५:८-९; येरमीया ५२:१२-१३

जकरिया 7:5

“रागी ङा मुर नेल्‍ल नु चढ़ेब आन कली ‘गेपुकीमी मेको ७० बर्स ङा ५ नु ७ महिनामी रोंका पा माइजा बाक्‍तीनी। मार गे मेको आं पर्बम पनी ङा? यसैया ५८:५

गन्‍ती 14:1

मिनु मेको नाक्‍दो मेको मुर नेल्‍ले वाइ ब्रेश्‍शा ङाक्‍तेक्‍म। ब्‍यवस्‍था १:२६-४४

गन्‍ती 14:39

मिनु मोसाम मुर नेल्‍ल आन कली एको लोव़ नेंपदानु, मुर नेल्‍ल शुश रोंका पाम्‍तेक्‍म।

१ सामुएल 6:19

मिनु परमप्रभु यावेमी बेथ-शेमेश ङा मुर आन दाते ङा ७० जना आन कली सदा बाक्‍त। मारदे हना मेकोपुकीम परमप्रभु यावे आ कबल पशो सन्‍दोस आगा कोव़ङमे बाक्‍त। मिनु परमप्रभु यावेमी मोदेंशो पशो आ पर्बम मुरपुकी रोंका पामे बाक्‍त। गन्‍ती ४:२०; २सामुएल ६:६-७