प्रस्‍थान 32:4 - Sunuwar Bible

⁴ मिनु हारूनमी मेको सुन आन गुइ रे ताक्‍शा, यपाइश्‍शा, बाछा का सेला बाक्‍त। मिनु इस्राएलीपुकीमी “इस्राएल ङा मुरपुकी, एकोन इं देवता बाक्‍ब। एकोमी इं कली इजीप्‍त रागी रे ग्रुंइताक्‍व” दे मुमा बाक्‍त। १राजा १२:२८; भजन संग्रह १०६:१९-२०; प्रेरित ७:४१

प्रस्‍थान 32:4 ပူးပေါင်းရင်းမြစ်များ

१ राजा 12:28

मिनु पिपम सल्‍ला पा सुन के बाछा निक्‍शी सेल्‍पदा बाक्‍त। मिनु मेकोम मुर आन कली “गे मुल यरूसलेम लशा शुश श्‍येत जाइनीनी। इस्राएली, इन कली, इजीप्‍त रे ग्रुंइशा चाक्‍ब देवता एकेन बाक्‍नीम” दे माइक्‍मी बाक्‍त। प्रस्‍थान ३२:४,८

१ राजा 12:32

मिनु येरोबामम ८ महिना ङा १५ नाक्‍त यहूदा ङा चाड खोदेंशो पा चाड का मानेतीक नाक्‍त सेला बाक्‍त। मिनु थानपुकीम क्‍योरशा चढ़ेपपाइक्‍मी बाक्‍त। मेकोमी आ सेल्‍शो बाछा आस कली यो मार मार क्‍योरशा चढ़ेपपाइक्‍मी बाक्‍त। मेकोमी बेथेलम आ सेल्‍शो डांडा ङा थानपुकीमी यो चढ़ेब आन कली योव़शा वोइक्‍मी बाक्‍त।

२ राजा 10:20

मिनु येहूम “बाल आ पर्बम चाड का मानेचा माल्‍ब” देंमाक्‍त। मोपतीके मेकोपुकीम मेको लोव़ नेल्‍ल आन कली नेंपदमे बाक्‍त।

२ राजा 10:29

मो हना यो येहूम इस्राएली आन कली पाप पपाइक्‍ब नेबात आ तौ येरोबाम आ पतीक मप्रोना बाक्‍त। बेथेल नु दान ङा सुन के बाछा आस कली पूजा पतीक गेय में ङा में वोदा बाक्‍त।

२ इतिहास 11:15

मिनु येरोबाममी डांडा ङा थानम आ सेल्‍शो क्‍यारश आ मूर्ति नु बाछा आन मूर्ति पूजा पचा कली आ चढ़ेब वोइक्‍पदा बाक्‍त।

२ इतिहास 13:8

मुल गे दाऊद आ तौम सासन पशो, परमप्रभु यावे आ राज्‍य नु लडाइ पचा कली मिम्‍शो बाक्‍नीनी? गेपुकी थमा पा ठेयब हुल का बाक्‍नीनी। मार, गेपुकी नु येरोबामम सेल्‍शो सुन के बाछापुकी इन देवता दुम्‍चा कली गे नु बाक्‍नीमी? गे ग्रासीब, दे मिम्‍नीनी? १राजा २२:२८

नेहेम्‍याह 9:18

मेकोपुकीमी सुन के बाछा सेल्‍शा ‘इजीप्‍त रागी रे प्रोंइशा कुइब, आंइ परमप्रभु एकोन बाक्‍ब’ देंमानु यो, इन कली ठेयब शुक्‍शी लोव़ पशो बाक्‍तेक्‍म हना यो, प्रस्‍थान ३२:४

प्रस्‍थान 20:2

“गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३

प्रस्‍थान 20:23

गे गो नु देवी देवता मसेलीन। गे आंम कली सुन नु चांदी के देवी देवता मसेलीने।

प्रस्‍थान 20:4

मूर्ति मसेलीन। सरीङम बाक्‍ब, रागीम बाक्‍ब नु ब्‍वाक्‍कु गाम बाक्‍ब तेकोइ जन्‍तु आन मूर्ति मसेलीने। ब्‍यवस्‍था ४:१५-१९; ब्‍यवस्‍था २७:१५; यसैया ४०:१८-२६; रोमी १:२३

प्रस्‍थान 28:11

छाप सेल्‍बपुकीमी दोदेंशो पा मुशा छाप सेल्‍नीमी, मोदेंशो पा मुशा इस्राएल आ तौ आन नें ब्रेक्‍पाइक्‍चा माल्‍नेवे। मिनु मेको हीरा निक्‍शी सुनमी क्‍येप्‍पाइक्‍चा माल्‍नेवे।

प्रस्‍थान 28:9

मिनु गे ओनीक्‍स हीरा निक्‍शी चाक्‍शा, इस्राएल आ १२ जना तौ आन नें मेको आस तारी मुशा ब्रेक्‍पाइक्‍चा माल्‍नेवे। प्रस्‍थान २५:७

प्रस्‍थान 32:1

मिनु इस्राएल ङा मुरपुकीमी मोसा कली डांडा रे मयिशो तशा, हारून आ बाक्‍तीक जाक्‍शा, मेको कली “लो, इं ङोंइङोंइती गाक्‍शा लां कोंइब देवता सेलो। आंइ कली इजीप्‍त रागी रे ग्रुंइशा, एक चाक्‍ब मोसा मार दुम्‍मे? मतुइक्‍तक” दे हारून कली देंमा बाक्‍त। ब्‍यवस्‍था ९:८-२१

प्रस्‍थान 32:24

मिनु गो मेको आन कली ‘सु सु इन के सुन बाक्‍मे, मेको प्रुइश्‍शा, एक चाक्‍कीन’ दे माइक्‍तामी। मिनु मेकोपुकीमी चाक्‍तेक्‍म। मिनु गो मेको सुन मीम हुम्‍ताक्‍ङ। मिनु एको बाछा दुम्‍त” दें‍त।

प्रस्‍थान 32:3

मिनु मुर नेल्‍लेमी आन नोफामी पांइशो सुन प्रुइश्‍शा, हारून आ बाक्‍तीके चाक्ग‍मे बाक्‍त।

प्रस्‍थान 32:35

मिनु परमप्रभु यावेमी इस्राएल ङा मुर आन कली बेक्‍तीक रोइ पपाइक्‍तु। मारदे हना मेकोपुकीमी हारून कली मेको सुन के बाछा सेल्‍पाइश्‍शो बाक्‍तेक्‍म।

प्रस्‍थान 32:5

मिनु हारूनमी मेको आन कली तशा, बाछा आ ङोंइती चढ़ेतीक का सेला बाक्‍त। मिनु ठेयब सेंदा पा “दीसा परमप्रभु यावे कली चाड का मानेचा माल्‍ब” दें‍माक्‍त।

प्रस्‍थान 32:7

मिनु परमप्रभु यावेमी मोसा कली “डांडा रे तोंइसो। इजीप्‍त रे ग्रुंइशा चाक्‍शो इ मुरपुकीमी आन द‍ला दाक्‍स पा पाप पाम्‍तेक्‍म।

प्रस्‍थान 32:8

मेकोपुकीमी आं शेंशो लोव़ थु था प्रोंइतेक्‍म। आंम कली सुन के बाछा का सेल्‍शा, मेको कली पूजा पशा ‘इस्राएल ङा मुरपुकी, एकोन इं कली इजीप्‍त रागी रे ग्रुंइब परमप्रभु बाक्‍ब’ देंतेक्‍म” दे परमप्रभु यावेमी मोसा कली दें‍त। प्रस्‍थान २०:४,२३

यसैया 30:22

मेना इन मुशा सेल्‍शो चांदी नु सुनम गिल्‍शो मूर्तिपुकी ग्रांग्रा दीनीनी। गे मेको आन कली ग्रांग्रा दिचा ङा वा खोदेंशो पा ताइक्‍नीनी। मिनु मेको आन कली “ङोन लने” दे ताइक्‍नीनी। यसैया २७:९

यसैया 46:6

मिनु शुश सुन थीब नु चांदी नाक्‍बपुकीमी चेम्‍ब कली ब्रेत्‍नीम। मिनु मेको रे मूर्ति सेल्‍पाइक्‍नीम। मेको आ ङोंइती बाप्‍शा पूजा पाइनीम।

इजीकीएल 23:8

मेकोम इजीप्‍त रागीम पशो तेल्‍लेम गेय मप्रोन। मारदे हना मेको ठिटी बाक्‍मेनु, मुरपुकी मेको नु इप्‍तेक्‍म। मिनु मेकोपुकीमी आ कुचु थिम्‍तेक्‍म। मिनु आन दाक्‍शो मेको नु पाम्‍तेक्‍म। २राजा १७:४

होसे 10:5

सामरीयामी बाक्‍ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्‍येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्‍सीशो बाक्‍ब। होसे ४:१५

होसे 13:2

मिनु मुल मेको क्‍येङा शुश पाप पाइनीम। मेकोपुकीमी आंम कली चांदी के मूर्ति सेल्‍नीम। मेको मूर्ति नेल्‍ल मुरुमी सेल्‍शो बाक्‍नीम। मिनु मुरुमी ‘मेको आन कली चढ़ेन। बाछा कली पुक्‍पु पने’ देंनीम। यसैया ४४:१०

प्रेरित 17:29

गोपुकी परमप्रभु यावे आ तमी तौ दुम्‍शा, मुर आन मिम्‍शो आन गुइमी सेल्‍शो सुन चांदी फुल्‍लु मार मार के मूर्ति तशा, परमप्रभु मोदेंशो बाक्‍ब, दे मिम्‍चा मदुम्‍ब। उत्‍पत्ती १:२७; यसैया ४०:१८

प्रेरित 7:41

मिनु सुन के बाछा आ मूर्ति सेल्‍शा, मार मार क्‍योरशा जारदेमे बाक्‍त। आंम आन गुइमी सेल्‍शो मूर्ति तशा ग्‍येरसीशा, जचा तूचा सेल्‍शा ङा मिन बुक्‍शा जामे तूङमे बाक्‍त।

१ कोरिन्‍थी 10:7

मेको आन दाते ङा मूर्ति पूजा पाइब खोदेंशो मदुमीन। मार ब्रेक्‍शो बाक्‍ब देंशा हना “मुरपुकी जचा तूचा कली निस्‍साक्‍म। मिनु सिल पचा कली बोक्‍तेक्‍म” दे ब्रेक्‍शो बाक्‍ब। मेको आन पशो खोदेंशो मपने। प्रस्‍थान ३२:६

ब्‍यवस्‍था 9:16

मिनु गेपुकीमी परमप्रभु यावे, इन परमप्रभु कली पाप पा, आंम कली बाछा आ मूर्ति सेल्‍सीशो बाक्‍तीनी। परमप्रभु यावेमी इन कली अरेशो लां रीब पा प्रोंइशा दूली लां खोइक्‍नी बाक्‍त।

न्‍यायाधीस 8:24

मेकोमी “गो इन कली थोव़क का पुंइनुङ, मार पुंइनुङ देंशा हना, गेपुकीमी का का पा इन रोइश्‍शो रे पा नोफाम पांइतीक का का आं कली गेने” देंमाक्‍त। मारदे हना मेको आन जोरी सत्रु इश्‍माएली बाक्‍मा बाक्‍त। मेकोपुकीमी सुन के नोफाम पांइतीक पाइबाक्‍मा बाक्‍त।

न्‍यायाधीस 8:27

मिनु गिदोनमी मेको सुन रे पा निसाफ पतीक ऊरीम नु थुम्‍मीम बाक्‍शो झोला का सेल्‍शा, मेको कली आ सहर ओफ्रामी वोदा बाक्‍त। मिनु इस्राएली नेल्‍लेमी मेको कली ठेयब सेल्‍शा, आंम कली दूली पाइब सेल्‍मे बाक्‍त। मेको गिदोन नु आ खिं ङा मुर आन कली यो हेंथे पपाइक्‍चा कली बाक्‍माक्‍त। न्‍यायाधीस १७:५;