प्रस्‍थान 32:29 - Sunuwar Bible

²⁹ मिनु मोसामी लेवी आ थर ङा मुर आन कली “गेपुकीमी मुलाक्‍ती परमप्रभु यावे आ गेय पा, आंम आंम इन तौ नु आंम आंम इन लोक्‍ब आन कली मप्रोंइथु साइक्‍तीनी। मिनु मुलाक्‍ती गे आसीक राइनीनी” दें‍त। प्रस्‍थान २६:४१; गन्‍ती ३:६-१०; ब्‍यवस्‍था ३३:८-११

प्रस्‍थान 32:29 ပူးပေါင်းရင်းမြစ်များ

२ इतिहास 35:3

मिनु लेवीपुकी इस्राएली आन कली शेंब बाक्‍मा बाक्‍त। मेकोपुकी परमप्रभु यावे आ गेय ला पाइब बाक्‍मा बाक्‍त। मिनु पिपमी मेको आन कली “इस्राएल ङा पिप दाऊद आ तौ सोलोमनम सेल्‍शो परमप्रभु यावे आ कबल पशो सन्‍दोस परमप्रभु यावे आ खिंम वोतीन। मुल रे गेपुकीमी मेको कली इन बालाम कुरचा ममाल्‍नीनी। मुल परमप्रभु यावे, इन परमप्रभु नु आ मुर इस्राएली आन गेय पने। २इतिहास ५:४-५; १इतिहास २३:२६,२८; प्रस्‍थान २५:१३-१५

प्रस्‍थान 32:28

मिनु लेवी आ थर ङा मुरपुकीमी मोसा आ देंशो खोदेंशो पा पाम्‍तेक्‍म। मेको नाक्‍ती हजार सां मुर साइक्‍चा पुंइसाक्‍म।

प्रस्‍थान 32:30

आ दीसा मोसामी मुर आन कली “गेपुकीमी ठेयब पाप पाइतीनी। मिनु गो परमप्रभु यावे आ बाक्‍तीक ङोइश्‍शा, लाइनुङ। गो इन पशो पाप क्‍याम्‍तीक गेय पने चाप्‍नुङा, कों?” दें‍त।

हितोपदेस 21:3

परमप्रभु यावे आ ङोंइती मार मार चढ़ेचा क्‍येङा ठीक पतीके नु रिम्‍शो निसाफ पतीके आ दाक्‍शा ब्रतीक बाक्‍ब। १सामुएल १५:२२; होसे ६:६

जकरिया 13:3

मिनु लें‍शा सुइमी जोल पा नोले दुम्‍तीक लोव़ पाप्‍तु हना, मेको कली थीब आ आम आफोमी मेको कली ‘गे बेक्‍चा माल्‍नेवे। मारदे हना गे परमप्रभु यावे आ नेंमी जोल लोव़ पाप्‍तीवी’ देंनीस। मिनु मेकोमी जोल पा नोले दुम्‍ब लोव़ पवानु, आ आम आफोमी मेको कली साइक्‍नीस। ब्‍यवस्‍था १३:६

मत्ती 10:37

आं क्‍येङा आन आम आफ कली दाक्‍बपुकी आं नोले खोइक्‍चा मशिरनीम। आं क्‍येङा आन तमी तौ आन कली दाक्‍बपुकी यो आं नोले खोइक्‍चा मशिरनीम। ब्‍यवस्‍था १३:७-१२; ब्‍यवस्‍था ३३:९; लूका १४:२६-२७