प्रस्‍थान 32:25 - Sunuwar Bible

²⁵ मोसामी मुर आन कली आन द‍ला दाक्‍स पशो ताप्‍तु। मारदे हना हारूनमी आन दला दाक्‍स पचा गेवा बाक्‍त। मिनु आन जोरी सत्रु नेल्‍ल ग्‍येरसमा बाक्‍त।

प्रस्‍थान 32:25 ပူးပေါင်းရင်းမြစ်များ

उत्पत्ती 3:10

मेकोमी “गो इन गाक्‍शो नेंता। मिनु गो शिश्रा बाक्‍तीके, हिंशा ख्रुइक्‍साक्‍यी” देंमाक्‍त।

१ राजा 12:28

मिनु पिपम सल्‍ला पा सुन के बाछा निक्‍शी सेल्‍पदा बाक्‍त। मिनु मेकोम मुर आन कली “गे मुल यरूसलेम लशा शुश श्‍येत जाइनीनी। इस्राएली, इन कली, इजीप्‍त रे ग्रुंइशा चाक्‍ब देवता एकेन बाक्‍नीम” दे माइक्‍मी बाक्‍त। प्रस्‍थान ३२:४,८

१ राजा 14:16

मिनु मेकोमी येरोबामम मरिम्‍शो पतीके नु इस्राएली आन कली मरिम्‍शो पपाइश्‍शो आ पर्बम इस्राएल कली प्रोंइब” देंमाक्‍त। १राजा १२:२८-३०; १राजा १३:३४

२ इतिहास 28:19

यहूदा ङा पिप आहाजम पतीकेन परमप्रभु यावेम यहूदा कली थम आइक्‍च सेल्‍शो बाक्‍माक्‍त। मारदे हना पिप आहाजम थम मरिम्‍शो पा परमप्रभु यावे कली प्रोंइ‍शो बाक्‍माक्‍त।

प्रस्‍थान 32:26

मिनु मोसामी इस्राएली आन बाक्‍तीक ओव़तीकेम राप्‍शा “सु सु परमप्रभु यावे गे बाक्‍नी, मेकोपुकी आं गे पिने” दें‍त। मिनु लेवी आ थर ङा मुर नेल्‍ल मोसा गे लशा, आ एर ओंथ राप्‍तेक्‍म।

हितोपदेस 29:18

परमप्रभु यावे आ लोव़ पाइब मुर मबाक्‍तेक्‍म हना, मुर नेल्‍ल हेंथे पाइ‍ब दुम्‍नीम। तन्‍न मेकोपुकीम आन परमप्रभु यावे आ अरेशो टिम्‍तेक्‍म हना, ग्‍येरसीशो मुर दुम्‍नीम।

यसैया 47:3

इ वा हुक्‍शा, इ शिश्रा रां कोंइचा माल्‍नेवे। इ मुने दोक्‍तीके तांइसीब। गो इ कली क्‍येक्‍क लेत्‍नुङ। गो सुइ कली मप्रोंइनुङमी। नहुम ३:५

येरमीया 5:5

गो शुश क्‍येट थीब मुर आन बाक्‍तीके लशा, मेको आन कली लोव़ पाइनुङ। मेकोपुकीम थमा पा परमप्रभु यावे आ लां, आन परमप्रभु आ अरेशो यो तुइक्‍नीम” देंती। तन्‍न मेकोपुकी खाल का ङा दुम्‍शा, जुवा जिक्‍शो बाक्‍तेक्‍म। मिनु डोरी यो प्रोइश्‍शो बाक्‍तेक्‍म। येरमीया २:२०

इजीकीएल 16:63

मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

होसे 2:3

मो मपाप्‍तु हना, गो मेको आ वा प्रुइश्‍शा, मेको जरमेशो नाक्‍ती खोदेंशो पा शिश्रा पोक्‍नुङ। गो मेको कली गोरशो रागी खोदेंशो सेल्‍नुङ। सोव़शो रागी खोदेंशो पा ब्‍वाक्‍कु मबाक्‍शो सेल्‍नुङ।

मीका 1:11

शाफीर सहर ङा मुरपुकी, भेत्रे दुम्‍शा, मुने दोक्‍शा इन लां लने। सानान सहर ङा मुरपुकी लाङगा मग्रूनीम। बेथ-एचेलम ङा मुर रोंका पाइनीम। मुल रे इ कली वारच पाइब मबाक्‍नीम।

रोमी 6:21

इन पशो मिम्‍शा, मुल यो मुने पाइनीनी। मारदे हना इन मरिम्‍शो पशो बेक्‍पाइक्‍ब बाक्‍त, दे तुइक्‍ताक्‍नी। रोमी ८:६,१३

ब्‍यवस्‍था 9:20

परमप्रभु यावे हारून आ पर्बम यो शुश गाइश्‍शा ‘मेको कली साइक्‍नुङ’ दे मिम्‍शो बाक्‍त। गो हारून आ पर्बमी यो पुंइता।

प्रकाश 16:15

“नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२